完整藏文原文 · 德格版页 当前仅加载第 36 函德格 382a 版页；藏文 NFD、目录标记与异常页序保留在来源切片中，重复版页行以稳定序号区分。
ལ་རབ་མཁས། །དེ་དག་སྒྲ་དབྱངས་ཐམས་ཅད་རྣམ་པར་རབ་ཏུ་སྒོམ་སྟེ། །སྒྲ་རྣམས་རྣམ་པར་དབྱེ་ལ་མཁས་པས་སྒྲ་རྣམས་སེལ་བྱེད། །འགྲོ་བ་ཀུན་དབྱངས་དབྱངས་ཚུལ་མིན་པར་རབ་ཏུ་ཤེས་
D44.036.0382a01.01ཏེ། །དབྱངས་ཀྱི་ཡན་ལག་དག་པ་དེ་དག་དབྱངས་ཀུན་རབ་ཤེས། ཆོས་རྣམས་དེ་དག་ཀུན་ལ་སྒྲ་མེད་སྒྲར་འཇུག་བྱེད་དེ། །བརྗོད་པ་ཁྲག་ཁྲིག་སྣ་ཚོགས་རྣམས་ཀྱི་རྗེས་སུ་ཞུགས་ཤིང་། །འགྲོ་བ་ཐམས་ཅད་སྒྲ་བརྙན་བཞིན་དུ་
D44.036.0382a02.01མངོན་པར་སྟོན་བྱེད། །འགྲོ་བ་མ་ལུས་ཀུན་གྱི་སྒྲ་ཡང་དེ་བཞིན་རབ་ཤེས། །དེ་དག་ཚིག་ཚུལ་རྗེས་སུ་འགྲོ་བའི་ཤེས་བྱ་རྟོགས་ལྡན། །འཇིག་རྟེན་འདི་དག་ཐམས་ཅད་སྒྲ་བསྙན་ཡན་ལག་འདྲར་ཤེས། །དབྱངས་ཀྱི་རང་
D44.036.0382a03.01བཞིན་རྣམ་པར་དག་པར་ཁོང་དུ་ཆུད་དེ། །སྒྲ་ཡི་མཚན་ཉིད་ཇི་བཞིན་འཇིག་རྟེན་དེ་བཞིན་ཤེས་སོ། །ཇི་ལྟར་སྒྲ་རྣམས་ཆོས་རྣམས་དུ་མ་རྣམ་པར་སྟོན་བྱེད། །སྒྲ་ཡི་རྣམ་རྟོག་སྣ་ཚོགས་དབྱངས་ཀྱི་ཡན་ལག་ཀུན་ལྡན། །
D44.036.0382a04.01འཇིག་རྟེན་མ་ལུས་ཀུན་དབྱངས་མཚན་ཉིད་ཅི་འདྲ་དེ་བཞིན། །འགྲོ་བ་ཀུན་གྱི་མཚན་ཉིད་རྒྱལ་བའི་སྲས་ཀྱིས་རབ་ཤེས། །བཟོད་པ་འདི་འདྲའི་སྟོབས་ཀྱི་མཁས་གྱུར་དཔའ་བོ་དེ་དག །སྒྲ་དབྱངས་སྣ་ཚོགས་འཇིག་རྟེན་ཀུན་ཏུ་ཡོངས་
D44.036.0382a05.01སུ་སྦྱོང་སྟེ། །དུས་གསུམ་ཤེས་པའི་བློ་དང་ལྡན་པས་སྒྲ་ཡི་ཚུལ་ཤེས། །འོན་ཀྱང་རྣམ་རྟོག་གནས་ལ་དེ་དག་གནས་མི་འཆའོ། །ཞི་བའི་ཡིད་ལྡན་འདི་ལྟར་བྱང་ཆུབ་བརྩོན། །འཇིག་རྟེན་ཕན་པའི་དོན་དུ་བྱང་ཆུབ་ཚོལ། །
D44.036.0382a06.01ཆོས་ཉིད་རབ་ཏུ་ཞི་ལ་རྟག་ཏུ་འཇུག །བརྟན་པ་འཇིག་རྟེན་རྣམས་ལ་རྟོག་མི་བྱེད། །མི་སྒུལ་མཐུ་ཅན་ཡེ་ཤེས་སྟོབས་ལྡན་པས། །ཆོས་ཉིད་དངོས་མེད་ཞི་བ་ཇི་བཞིན་དུ། །འཇིག་རྟེན་ཐམས་ཅད་མ་ལུས་དེས་ཤེས་ཏེ། །
D44.036.0382a07.01