完整藏文原文 · 德格版页 当前仅加载第 36 函德格 112a 版页；藏文 NFD、目录标记与异常页序保留在来源切片中，重复版页行以稳定序号区分。
བསྟན་པ་ཡོངས་སུ་རྫོགས་པས་མདངས་དགའ་བར་བྱ་བའི་ཕྱིར་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཡེ་ཤེས་ཀྱི་སྣང་བ་རབ་ཏུ་ཐོབ་པ། དགེ་བའི་བཤེས་གཉེན་གྱིས་ཡོངས་སུ་བཟུང་བ།
D44.036.0112a01.01དེ་བཞིན་གཤེགས་པའི་ཉི་མས་སེམས་ཤིན་ཏུ་སྣང་བར་བྱས་པ། རྨོངས་པ་མེད་པའི་ཆོས་ལ་རབ་ཏུ་བརྩོན་པ། ཡེ་ཤེས་ཀྱི་ལས་ལ་ཞུགས་པ། ཡེ་ཤེས་ཀྱི་ས་ལ་ཤིན་ཏུ་བསླབས་པ། ཆོས་ཀྱི་དབྱིངས་ཐམས་ཅད་དུ་དགེ་བའི་རྩ་བ་རྣམ་པར་བཀྲམ་པ་
D44.036.0112a02.01ཡོངས་སུ་བསྔོ་བའི་ཡེ་ཤེས་དང་ལྡན་པ། བྱང་ཆུབ་སེམས་དཔའི་དགེ་བའི་རྩ་བ་རྒྱ་མཚོ་ཐམས་ཅད་ཀྱི་གཏིང་རྙེད་པ། ཡེ་ཤེས་ཀྱི་རིག་པ་དམ་པ་ལ་ཞུགས་པ་དགེ་བའི་རྩ་བ་རྣམ་པ་ཐ་དད་པ་འབྱམ་ཀླས་པ་ཐམས་ཅད་ཀྱི་ཡེ་ཤེས་ལ་འཇུག་པ་དང་ལྡན་པ་
D44.036.0112a03.01དེ་འཇིག་རྟེན་ཐམས་ཅད་དུ་གནས་མེད་པར་འགྲོ་བའི་སེམས་དང་སེམས་ཅན་གྱི་ཁམས་ཐམས་ཅད་ལ་མངོན་པར་ཆགས་པས་མི་གནས་པའི་བསམ་པ་དང་། ཆོས་ཐམས་ཅད་ལ་རློམ་སེམས་མེད་པའི་ཡིད་ལ་བྱེད་པ་དང་། སངས་རྒྱས་ཐམས་ཅད་ལ་ཉམས་པ་མེད་
D44.036.0112a04.01པའི་ཡེ་ཤེས་དང་། མངོན་པར་ཤེས་པ་དང་། འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་དང་མི་འགལ་བའི་ཡོངས་སུ་བསྔོ་བའི་སྒོས་དགེ་བའི་རྩ་བ་ཉེ་བར་བསྩགས་པ་དེ་དག་ཐམས་ཅད་ཆོས་ཐམས་ཅད་ཀྱི་མཉམ་པ་ཉིད་དང་འགལ་བ་མེད་
D44.036.0112a05.01ཅིང་དེ་བཞིན་གཤེགས་པའི་མཚན་ཉིད་འཁྲུག་པར་མི་འགྱུར་བ་དང་། དུས་མཉམ་པ་ཉིད་ལ་རྣམ་པར་དཔྱད་པ་དང་། སེམས་ཅན་མེད་པར་རྟོགས་པར་བྱ་བ་དང་། དེ་བཞིན་གཤེགས་པའི་བྱང་ཆུབ་ཀྱི་རྗེས་སུ་འབྲང་བ་དང་། ཆོས་རྣམ་པར་དགོད་
D44.036.0112a06.01པ་ཡང་དག་པར་བརྗོད་པ་དང་། དོན་ཤེས་པ་ཁོང་དུ་ཆུད་པར་བྱ་བ་དང་། ཟིལ་གྱིས་གནོན་པའི་ས་ཐམས་ཅད་ཀྱི་རྗེས་སུ་འབྲང་བ་དང་། ཆོས་ཉིད་ཇི་ལྟ་བ་བཞིན་དུ་རྣམ་པར་དཔྱད་པ་དང་། ཡེ་ཤེས་ཀྱི་དཀྱིལ་འཁོར་ལ་ཡང་དག་པར་སེམས་པ་དང་།
D44.036.0112a07.01