完整藏文原文 · 德格版页 当前仅加载第 36 函德格 103b 版页；藏文 NFD、目录标记与异常页序保留在来源切片中，重复版页行以稳定序号区分。
ཏུ་སྦྱོང་བ། སེམས་ཅན་ཐམས་ཅད་ཀྱི་སྡུག་བསྔལ་གྱི་ཕུང་པོ་རང་གི་ལུས་ཀྱིས་ལེན་པ། ཡེ་ཤེས་ཆེན་པོའི་མིག་གིས་ཡང་དག་པར་ལྟ་བའི་དགེ་བའི་རྩ་བ་དང་ལྡན་པ་ཡེ་ཤེས་ཀྱི་འབྱུང་གནས་དགེ་བའི་རྩ་བ་རབ་ཏུ་ཉན་པ། སེམས་ཅན་ཐམས་ཅད་ལ་
D44.036.0103b01.01དགེ་བའི་རྩ་བ་ཡོངས་སུ་བསྔོ་བ། སེམས་ཅན་ཐམས་ཅད་ཡོན་ཏན་རྣམ་པར་དག་པ་ལ་རབ་ཏུ་དག་ཕྱིར་དགེ་བའི་རྩ་བ་མཉམ་པར་ཡོངས་སུ་བསྔོ་བ། སེམས་ཅན་ཐམས་ཅད་ཀྱི་ཕྱིར་དགེ་བའི་རྩ་བ་ཡོངས་སུ་བསྡུ་བ་ལ་མཁས་པ། དོན་གྱི་རྗེས་
D44.036.0103b02.01སུ་སོང་བའི་ཁམས་ཀྱི་ཡོན་ཏན་མངོན་པར་ཤེས་པ་སེམས་ཅན་ཐམས་ཅད་དང་མཉམ་དུ་དགེ་བའི་རྩ་བ་རྣམ་པར་བྱང་བ་ཡོངས་སུ་བསྔོ་བ། སེམས་ཅན་ཐམས་ཅད་ཀྱི་བསོད་ནམས་ཀྱི་ཞིང་གི་རྣམ་པ་ལ་ཆོས་དཀར་པོའི་ས་བོན་ལྟ་བུར་གྱུར་པ། དགེ་
D44.036.0103b03.01བའི་རྩ་བ་ཐམས་ཅད་འགྱོད་པ་མེད་པར་ཡོངས་སུ་བསྔོ་བ་དང་ལྡན་པ། སེམས་ཅན་(ཀྱི་,གྱི་)ཁམས་ཐམས་ཅད་ཐམས་ཅད་མཁྱེན་པའི་སྐལ་བ་ཡོངས་སུ་བསྔོ་བས་ཡོངས་སུ་འཛིན་པ་དགེ་བའི་རྩ་བ་ཐམས་ཅད་ཀྱི་སྐལ་བ་དང་། ཆོས་ཀྱིས་ཆར་འབེབས་
D44.036.0103b04.01པས་དབྱར་གྱི་དུས་སུ་གྱུར་པ། ཡོངས་སུ་བསྔོ་བའི་རིགས་དང་ལྡན་པ་དེ་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། ཅི་ནས་ཀྱང་སེམས་ཅན་ཐམས་ཅད་ཤིན་ཏུ་བདེ་ཞིང་སྐྱིད་པ་དང་ལྡན་པར་འགྱུར་བ་དང་། ཅི་ནས་ཀྱང་སེམས་ཅན་ཐམས་
D44.036.0103b05.01ཅད་རྣམ་པར་དག་པར་འགྱུར་བ་དང་། ཅི་ནས་ཀྱང་སེམས་ཅན་ཐམས་ཅད་ཤིན་ཏུ་བདེ་བར་འགྱུར་བ་དང་། ཅི་ནས་ཀྱང་སེམས་ཅན་ཐམས་ཅད་ཤིན་ཏུ་གྲོལ་བར་འགྱུར་བ་དང་། ཅི་ནས་ཀྱང་སེམས་ཅན་ཐམས་ཅད་མཉམ་པ་ཉིད་དུ་འགྱུར་བ་དང་། ཅི་
D44.036.0103b06.01ནས་ཀྱང་སེམས་ཅན་ཐམས་ཅད་ཤིན་ཏུ་ཤེས་པ་དང་ལྡན་པར་འགྱུར་བ་དང་། ཅི་ནས་ཀྱང་སེམས་ཅན་ཐམས་ཅད་ཆོས་དཀར་པོ་ལ་ཤིན་ཏུ་བཀོད་པར་འགྱུར་བ་དང་། ཅི་ནས་ཀྱང་སེམས་ཅན་ཐམས་ཅད་ཉམས་པ་མེད་པའི་མིག་དང་ལྡན་པར་
D44.036.0103b07.01