完整藏文原文 · 德格版页 当前仅加载第 36 函德格 219a 版页；藏文 NFD、目录标记与异常页序保留在来源切片中，重复版页行以稳定序号区分。
ཚུལ་ཁྲིམས་ཤིན་ཏུ་སེམས་དམ་སྔོན་ནས་ཞི་ཞིང་དུ་ལ། །འགྲོ་བའི་དོན་དུ་ཆོས་ཀྱི་ཡེ་ཤེས་མཉམས་བཟོད། །བརྩོན་འགྲུས་སྟོབས་དང་ལྡན་ཞིང་ཆོས་རྣམས་ཀུན་གྱིས་དབེན། །ཉོན་མོངས་བསྩལ་ཞིང་རྣམ་དག་བསམ་གཏན་
D44.036.0219a01.01ཚུལ་ལ་ཞུགས། །དངོས་པོ་ཐམས་ཅད་སྔ་ནས་ཞི་ཞིང་རྣམ་པར་ཕྱེ། །ཡེ་ཤེས་སྤྱོད་དང་སྟོབས་ཕྱུག་རྟག་ཏུ་འགྲོ་དོན་བརྩོན། །རྒྱལ་སྲས་དེ་དག་སྡིག་ཞི་ཆེ་བ་ཉིད་དང་ལྡན། །དེ་སྐད་སྒྲ་དབྱངས་སྙན་པ་སྟོང་གྲངས་བརྗོད་བྱས་ནས། །ལྷའི་བུ་མོ་མི་
D44.036.0219a02.01སྨྲ་དད་པར་ཐུབ་ལ་ལྟ། །རྡོ་རྗེའི་སྙིང་པོ་འཇིགས་མེད་ལ། ཐར་པའི་ཟླ་བས་ཡང་སྨྲས་པ། །ས་མཆོག་ལྔ་ཡི་གོང་མ་དེ། །རྣམ་པ་ཅི་འདྲས་འགྲུབ་པར་འགྱུར། །བྱང་ཆུབ་སེམས་དཔའ་རྡོ་རྗེའི་སྙིང་པོས་སྨྲས་པ། །ཀྱེ་རྒྱལ་བའི་སྲས་དག་
D44.036.0219a03.01དེ་ལྟར་བྱང་ཆུབ་སེམས་དཔའི་ས་ལྔ་པ་ལ། སའི་ལམ་ཡོངས་སུ་རྫོགས་པའི་བྱང་ཆུབ་སེམས་དཔའ་དེ་ནི་བྱང་ཆུབ་སེམས་དཔའི་ས་དྲུག་པ་ལ་འཇུག་གོ །དེ་ཆོས་མཉམ་པ་ཉིད་བཅུས་འཇུག་སྟེ། བཅུ་གང་ཞེ་ན་འདི་ལྟ་སྟེ། ཆོས་ཐམས་ཅད་མཚན་མ་མེད་
D44.036.0219a04.01པ་མཉམ་པ་ཉིད་དང་། ཆོས་ཐམས་ཅད་མཚན་ཉིད་མེད་པ་མཉམ་པ་ཉིད་དང་། ཆོས་ཐམས་ཅད་མི་སྐྱེ་བ་མཉམ་པ་ཉིད་དང་། ཆོས་ཐམས་ཅད་མ་བྱུང་བ་མཉམ་པ་ཉིད་དང་། ཆོས་ཐམས་ཅད་དབེན་པ་མཉམ་པ་ཉིད་དང་། ཆོས་ཐམས་ཅད་སྔ་ནས་
D44.036.0219a05.01རྣམ་པར་དག་པ་མཉམ་པ་ཉིད་དང་། ཆོས་ཐམས་ཅད་སྤྲོས་པ་མེད་པ་མཉམ་པ་ཉིད་དང་། ཆོས་ཐམས་ཅད་བླང་བ་མེད་པ་དང་། དོར་བ་མེད་པ་མཉམ་པ་ཉིད་དང་། ཆོས་ཐམས་ཅད་སྒྱུ་མ་དང་རྨི་ལམ་དང་མིག་ཡོར་དང་སྒྲ་བརྙན་དང་། ཆུའི་ཟླ་བ་དང་།
D44.036.0219a06.01གཟུགས་བརྙན་དང་། སྤྲུལ་པ་དང་མཚུངས་པ་མཉམ་པ་ཉིད་དང་། ཆོས་ཐམས་ཅད་དངོས་པོ་ཡོད་པ་དང་། དངོས་པོ་མེད་པ་དང་། གཉིས་ཀ་མ་ཡིན་པ་མཉམ་པ་ཉིད་དེ། ཀྱེ་རྒྱལ་བའི་སྲས་དག །ཆོས་མཉམ་པ་ཉིད་བཅུ་པོ་འདི་དག་གིས་བྱང་ཆུབ་
D44.036.0219a07.01