完整藏文原文 · 德格版页 当前仅加载第 36 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཐམས་ཅད་ཀྱི་དམ་པ། མགོ་ལྟ་བུའི་ཡེ་ཤེས་ལ་འཇུག་ཅིང་། སེམས་ཅན་ཐམས་ཅད་ཡོངས་སུ་བསྐྱབ་པའི་མགོ་བྱང་ཆུབ་ཁོང་དུ་ཆུད་པར་བྱེད་པ་
D44.036.0054b01.01དང་། ཆོས་ཐམས་ཅད་ཀྱི་མཆོག་ཚུལ་གྱི་མགོ་དང་ལྡན་པར་བྱ་བའི་ཕྱིར་ཡང་དག་པར་ལྟ་བ་དང་། ཡེ་ཤེས་རྣམ་པར་དག་པའི་མགོ་ལ་ཡང་དག་པར་ལྟ་བ་དང་། བསྒྲིབས་པ་{མྱེད་,མེད་}པའི་མགོ་ཡོངས་སུ་སྒྲུབ་པ་དང་། ས་དམ་པའི་མགོ་རྗེས་སུ་ལྟ་བ་དང་། འགྲོ་བ་
D44.036.0054b02.01ཐམས་ཅད་ཀྱི་ཡེ་ཤེས་དམ་པ་མགོ་ལྟ་བུ་འདོད་ཅིང་ཚོལ་བ་དང་། ཁམས་གསུམ་པ་ཐམས་ཅད་ཀྱིས་བལྟར་མེད་པའི་ཡེ་ཤེས་ཀྱི་མགོའི་དམ་པ་ཡང་དག་པར་སྒྲུབ་པ་དང་། ཕྱོགས་ཐམས་ཅད་དུ་ཕྱིན་པའི་ཡེ་ཤེས་ཀྱི་རྒྱལ་པོའི་མགོ་ལ་མངོན་པར་མོས་པར་བྱེད་
D44.036.0054b03.01པ་དང་ཆོས་ཐམས་ཅད་ལ་དབང་བྱེད་པ་ཟིལ་གྱིས་{མྱི་,མི་}ནོན་པའི་མགོ་ཡོངས་སུ་གྲུབ་པར་བྱེད་ཅིང་། དེ་ལྟ་བུའི་ཆོས་ལ་སྤྱོད་པར་བརྩོན་པའི་བྱང་ཆུབ་སེམས་དཔའི་སངས་རྒྱས་ཀྱི་རིགས་ཐམས་ཅད་ཀྱི་ཡོངས་སུ་གཏོང་བའི་ཚུལ་ལ་བསླབས་པ། སངས་
D44.036.0054b04.01རྒྱས་ལ་མོས་པ་སྐྱེས་པས་དགེ་བའི་རྩ་བ་རབ་ཏུ་ཐོབ་པ། སློང་བ་མཐའ་ཡས་པས་དགའ་བས་ཡོངས་སུ་རྒྱས་པའི་སེམས་དང་ལྡན་པ་ཡིད་ཀྱི་དབང་པོ་ཤིན་ཏུ་གསལ་བ། རྒྱུད་རབ་ཏུ་དང་ཞིང་སེམས་དང་ཡིད་ཤིན་ཏུ་དང་བ། སངས་རྒྱས་ཀྱི་ཆོས་ལ་
D44.036.0054b05.01དགའ་བའི་སྣང་བ་ཐོབ་པ། བྱང་ཆུབ་ཀྱི་སེམས་བསྐྱེད་པ་ཤིན་ཏུ་རྒྱ་ཆེ་བ། རྒྱུན་མི་འཆད་པར་སེམས་པ། གཏོང་བ་ཆེན་པོ་གཏོང་བ་ཤིན་ཏུ་གཏོང་བ། གཏོང་བའི་ཡིད་དང་ལྡན་པ་དབང་པོ་ཤིན་ཏུ་དགའ་བས་ཉེ་བར་བརྟན་པའི་ཆོས་ཅན་
D44.036.0054b06.01ལྷག་པའི་བསམ་པ་ཡངས་ཤིང་དགེ་ལ་རྒྱ་ཆེ་བས་སྦྱིན་པ་གཏོང་བར་མངོན་པར་འདོད་པ། ཇི་ལྟར་བྱང་ཆུབ་སེམས་དཔའ་ཡེ་ཤེས་མཆོག་དང་། སྐྱེས་བུ་དམ་པ་ཀ་ཤིའི་རྒྱལ་པོ་དང་། དེ་མ་ཡིན་པའི་བྱང་ཆུབ་སེམས་དཔའ་སེམས་དཔའ་
D44.036.0054b07.01