完整藏文原文 · 德格版页 当前仅加载第 36 函德格 224b 版页；藏文 NFD、目录标记与异常页序保留在来源切片中，重复版页行以稳定序号区分。
ཀུན་ནས་རྒྱུ་བ་ཐམས་ཅད་ཀྱིས་མི་འཕྲོགས་པ་ཡིན། བྱང་ཆུབ་སེམས་དཔའི་སྣང་བ་ལ་ཤིན་ཏུ་གནས་པ་ཡིན། སྟོང་པ་ཉིད་དང་། མཚན་མ་མེད་པ་དང་། སྨོན་པ་མེད་པའི་ཆོས་ཡང་དག་པར་སྤྱད་པ་ཡོངས་སུ་བསྒོམས་པ་ཡིན།
D44.036.0224b01.01ཐབས་དང་། ཤེས་རབ་དང་། ཡེ་ཤེས་རྣམ་པར་དཔྱད་པ་དང་ལྡན་པ་ཡིན། བྱང་ཆུབ་ཀྱི་ཕྱོགས་ཀྱི་ཆོས་མངོན་པར་བསྒྲུབ་པ་དང་། རྣམ་པར་འདྲེས་པ་ཡིན། དེ་ལྟར་དེ་བྱང་ཆུབ་སེམས་དཔའི་ས་མངོན་སུམ་འདི་ལ་གནས་པའི་ཚེ།
D44.036.0224b02.01ཤེས་རབ་ཀྱི་ཕ་རོལ་ཏུ་ཕྱིན་པ་ལ་གནས་པའི་ཤས་ཆེ་བ་ཡིན། ཆོས་དེ་དག་ལ་ཚུལ་བཞིན་དུ་འཐུན་པར་བྱེད་ཅིང་མི་མཐུན་པར་མི་བྱེད་པས་འཐུན་པའི་བཟོད་པ་གསུམ་པ་རབ་ཏུ་རྣོ་བ་རབ་ཏུ་སྐྱེས་པ་ཡིན། དེ་ལྟར་དེ་བྱང་ཆུབ་སེམས་དཔའི་
D44.036.0224b03.01ས་མངོན་སུམ་འདི་ལ་གནས་པའི་ཚེ་དེའི་ལྟ་བ་རྒྱ་ཆེན་པོ་དང་སྨོན་ལམ་གྱི་སྟོབས་ཀྱིས་སངས་རྒྱས་མང་པོ་སྣང་བར་འགྱུར་ཏེ། ལྟ་བ་རྒྱ་ཆེན་པོ་དང་། སྨོན་ལམ་གྱི་སྟོབས་ཀྱིས་སངས་རྒྱས་བརྒྱ་ཕྲག་མང་པོ་དང་། སངས་རྒྱས་སྟོང་ཕྲག་མང་པོ་དང་སངས་རྒྱས་
D44.036.0224b04.01བརྒྱ་སྟོང་ཕྲག་མང་པོ་དང་། སངས་རྒྱས་བྱེ་བ་བརྒྱ་སྟོང་ཕྲག་མང་པོ་དང་། སངས་རྒྱས་ཁྲག་ཁྲིག་ཕྲག་མང་པོ་དང་། སངས་རྒྱས་ཁྲག་ཁྲིག་བརྒྱ་ཕྲག་མང་པོ་དང་། སངས་རྒྱས་ཁྲག་ཁྲིག་སྟོང་ཕྲག་མང་པོ་དང་། སངས་རྒྱས་ཁྲག་ཁྲིག་བརྒྱ་སྟོང་ཕྲག་མང་པོ་དང་། སངས་
D44.036.0224b05.01རྒྱས་བྱེ་བ་ཁྲག་ཁྲིག་བརྒྱ་སྟོང་ཕྲག་མང་པོ་སྣང་བར་འགྱུར་རོ། །དེས་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་དེ་དག་མཐོང་ནས་བསམ་པ་རྒྱ་ཆེན་པོས་རིམ་གྲོ་བྱེད་དོ། །བཀུར་སྟི་བྱེད་དོ། །བསྟི་
D44.036.0224b06.01སྟང་བྱེད་དོ། །མཆོད་པ་བྱེད་དོ། །ན་བཟའ་དང་། བསོད་སྙོམས་དང་། གཟིམས་ཆ་དང་། སྙུན་གྱི་རྐྱེན་སྨན་དང་ཡོ་བྱད་དག་ཀྱང་འབུལ་ཞིང་བྱང་ཆུབ་སེམས་དཔའི་བདེ་བའི་ཡོ་བྱད་ཐམས་ཅད་ཀྱང་ཡོངས་སུ་འབུལ་ལོ། །དགེ་འདུན་གྱི་
D44.036.0224b07.01