完整藏文原文 · 德格版页 当前仅加载第 36 函德格 298b 版页；藏文 NFD、目录标记与异常页序保留在来源切片中，重复版页行以稳定序号区分。
མཐར་ཐུག་པ་སྟེ། བཅུ་གང་ཞེ་ན་འདི་ལྟ་སྟེ། སངས་རྒྱས་སྐྱེ་བ་ཁོང་དུ་ཆུད་པའི་ཡེ་ཤེས་དང་། སེམས་ཅན་དྲི་མ་མེད་པར་མངོན་པར་བསྒྲུབ་པར་བྱ་བའི་ཡེ་ཤེས་དང་། འཇིག་རྟེན་གྱི་ཁམས་མིག་ཡོར་ལྟ་བུར་ཤེས་པའི་ཡེ་ཤེས་དང་། ཆོས་ཀྱི་
D44.036.0298b01.01དབྱིངས་ཀྱི་རྗེས་སུ་འཇུག་པའི་ཡེ་ཤེས་དང་། བྱང་ཆུབ་སེམས་དཔའ་རབ་ཏུ་གཟུང་བ་ལ་མཁས་པའི་ཡེ་ཤེས་དང་། ཕྱིར་མི་ལྡོག་པའི་བྱང་ཆུབ་སེམས་དཔའི་ཐབས་ཡོངས་སུ་གནན་པའི་ཡེ་ཤེས་དང་། དོན་ཐམས་ཅད་དང་ལྡན་པའི་ཆོས་
D44.036.0298b02.01ཀྱི་ལྷག་མཐོང་ལ་མཁས་པའི་ཡེ་ཤེས་དང་། བྱང་ཆུབ་ཀྱི་སེམས་ཀྱི་མཐུའི་རྗེས་སུ་སོང་བའི་ཡེ་ཤེས་དང་། སངས་རྒྱས་ཀྱི་ཆོས་ཐམས་ཅད་ཤེས་པའི་ཡེ་ཤེས་དང་། ཐམས་ཅད་མཁྱེན་པའི་སྨོན་ལམ་དང་བྱིན་གྱི་རླབས་ཀྱི་ཡེ་ཤེས་ཏེ།
D44.036.0298b03.01ཀྱེ་རྒྱལ་བའི་སྲས་དག །དེ་དག་ནི་བྱང་ཆུབ་སེམས་དཔའ་རྣམས་ཀྱི་བྱང་ཆུབ་སེམས་དཔའི་ཆོས་མ་ལུས་པར་མཐར་ཐུག་པའོ། །ཀྱེ་རྒྱལ་བའི་སྲས་དག །བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་སེམས་
D44.036.0298b04.01བསྐྱེད་པ་མཐའ་དང་དབུས་མེད་པ་སྟེ། བཅུ་གང་ཞེ་ན་འདི་ལྟ་སྟེ། སེམས་ཅན་ཐམས་ཅད་ཉེ་བར་གཟུང་བ་དང་། ཡོངས་སུ་དགྲོལ་བའི་ཕྱིར། སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ་སངས་རྒྱས་ཀྱི་ཆོས་ཐམས་
D44.036.0298b05.01ཅད་ཡོངས་སུ་བསྒྲུབ་པའི་ཕྱིར། སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ་སངས་རྒྱས་ཐམས་ཅད་བསྙེན་བཀུར་ཞིང་མཆོད་པའི་ཕྱིར་སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ། སངས་
D44.036.0298b06.01རྒྱས་ཐམས་ཅད་མཐོང་བར་བྱ་བའི་མིག་ཚད་མེད་པ་ཡང་དག་པར་བསྒྲུབ་པའི་ཕྱིར་སེམས་བསྐྱེད་པ་མཐའ་དང་དབུས་མེད་པ་དང་། འདི་ལྟ་སྟེ་སངས་རྒྱས་ཐམས་ཅད་ཀྱི་གསུང་དང་དབྱངས་དང་བཀའ་ཡང་དག་པར་བཟུང་ཞིང་
D44.036.0298b07.01