完整藏文原文 · 德格版页 当前仅加载第 36 函德格 335a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ལྟར་བྱང་ཆུབ་སེམས་དཔའ་དེའི་ཏིང་ངེ་འཛིན་དེ་ནི་འོད་ཕྱོགས་ཐམས་ཅད་ཀྱི་མཐས་ཀླས་པར་འདལ་བ། འཇིག་རྟེན་གྱི་ཁམས་ཐམས་ཅད་དུ་འོད་གཟེར་ཐོགས་པ་མེད་པ། ཡོན་ཏན་སྣ་ཚོགས་དུ་མའི་སྙིང་པོ་
D44.036.0335a01.01ཅན་གོས་བརྗོད་དུ་མེད་པ་ཡོངས་སུ་འབྱུང་བ་རིན་པོ་ཆེ་བརྗོད་དུ་མེད་པ་ཡོངས་སུ་འབྱུང་བ། སྤོས་བརྗོད་དུ་མེད་པ་ཡོངས་སུ་འབྱུང་བརྒྱན་དང་། ལྷབ་ལྷུབ་དུ་མ་དང་ལྡན་པ། གསེར་གྱི་དྲ་བ་རྒྱ་ཆེན་པོས་ཀུན་ནས་ཡོག་པ། དྲིལ་བུའི་དྲ་
D44.036.0335a02.01བའི་སྒྲ་ཀུན་ནས་འབྱུང་བ། བལྟ་ན་བཟང་ཞིང་ཡིད་དུ་འོང་བ། རིན་པོ་ཆེ་སྣ་ཚོགས་བརྗོད་དུ་མེད་པའི་མཛོད་དང་ལྡན་པ། རིན་པོ་ཆེ་སྣ་ཚོགས་མང་པོ་སྟོན་པས་དག་ཅིང་བཟང་བར་སྤྱོད་པ་གནས་ཤིན་ཏུ་བརྟན་པ། ཐམས་ཅད་མཁྱེན་པ་
D44.036.0335a03.01ཉིད་ཀྱི་སྒོ་སྟོན་པའི་ཡོན་ཏན་ཅན། དེ་བཞིན་གཤེགས་པ་མང་པོས་བྱིན་གྱིས་རླབས་པ། དགེ་བའི་རྩ་བ་དག་པ་ཐམས་ཅད་ཀྱིས་ཡང་དག་པར་བྱུང་བས་རྣམ་པར་སྣང་བ་དེ་བཞིན་གཤེགས་པ་ཐམས་ཅད་ཀྱི་དཔལ་གྱི་བྱིན་དང་
D44.036.0335a04.01ལྡན་པ། དེ་བཞིན་གཤེགས་པ་ཐམས་ཅད་ཀྱི་བྱིན་གྱི་རླབས་ལས་བྱུང་བ། ལུས་གཅིག་ཏུ་གནས་ཀྱང་ཕྱོགས་བཅུ་བརྗོད་དུ་མེད་ཅིང་ཚད་མེད་པར་བྱང་ཆུབ་སེམས་དཔའ་འབྱུང་བའི་གོ་འཕང་དང་ཡོན་ཏན་ཚད་མེད་པ་གྲངས་མེད་པ་
D44.036.0335a05.01བརྒྱ་སྟོང་རྣམ་པར་དག་པ་ཕུན་སུམ་ཚོགས་པ་ཐམས་ཅད་མཁྱེན་པ་ཉིད་དུ་མཐུན་ཞིང་གནས་སུ་གྱུར་པ། སངས་རྒྱས་ཐམས་ཅད་མཁྱེན་པ་ཉིད་དུ་མཐུན་ཞིང་གནས་སུ་གྱུར་པས། སངས་རྒྱས་ཐམས་ཅད་ཀྱི་སྣང་བ་འབྱུང་བར་བྱེད་པ།
D44.036.0335a06.01འགྲོ་བ་ཐམས་ཅད་ཀྱི་མཆོད་རྟེན་དུ་གྱུར་པ། འཇིག་རྟེན་ཐམས་ཅད་ཀྱིས་ཕྱག་བྱ་ཞིང་མདུན་དུ་བྱ་བར་འོས་པ། ཆོས་ཉིད་སྒྱུ་མ་ལྟ་བུའི་མཐུན་པའི་འབྲས་བུ་སྤྲུལ་པ་ཀུན་ཏུ་འགྱེད་པ། འགྲོ་བ་ཐམས་ཅད་ཀྱི་དཔེ་དང་དཔེ་མེད་པའི་ཡོན་ཏན་
D44.036.0335a07.01