完整藏文原文 · 德格版页 当前仅加载第 36 函德格 392b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་མེད་པས། །ཟད་པར་མི་ནུས་དེ་བཞིན་བརྗོད་དུ་མེད། །དེ་དག་མགོན་པོ་བརྗོད་དུ་མེད་པ་ལ། །ཚིག་དང་དབང་པོ་བརྗོད་དུ་མེད་པ་ཡིས། །བསྐལ་པ་བརྗོད་དུ་མེད་པར་བསྟོད་བྱས་ཀྱང་། །དེ་བཞིན་གཤེགས་པའི་ཡོན་ཏན་མཐར་ཐུག་
D44.036.0392b01.01མེད། །ཕྱོགས་བཅུའི་སེམས་ཅན་ཇི་སྙེད་ཡོད་པ་རྣམས། །མ་ལུས་ཐམས་ཅད་བདེ་བར་གཤེགས་གྱུར་ཏེ། །སངས་རྒྱས་གཅིག་ལའང་བརྗོད་དུ་མེད་པ་ཡི། །སྐུ་མངའ་ཐམས་ཅད་བརྗོད་དུ་མེད་གྱུར་ལ། །སྐུ་རྣམས་རེ་རེ་བརྗོད་དུ་མེད་པ་ཡི། །
D44.036.0392b02.01བརྗོད་དུ་མེད་པའི་དབུ་རྣམས་མངར་གྱུར་ལ། །དབུ་རྣམས་རེ་རེ་བརྗོད་དུ་མེད་པ་ཡི། །བརྗོད་དུ་མེད་པའི་ལྗགས་ཡངས་མངར་གྱུར་ལ། །ལྗགས་ཡངས་རེ་རེ་བརྗོད་དུ་མེད་པ་ཡི། །གསུང་ཟབ་བརྗོད་དུ་མེད་པ་བརྗོད་མཛད་དེ། །དབྱངས་
D44.036.0392b03.01གཅིག་གིས་ཀྱང་ཡོན་ཏན་བརྗོད་མེད་པར། །བསྐལ་པ་བརྗོད་དུ་མེད་པར་བསྟོད་བྱས་ལ། །སངས་རྒྱས་གཅིག་བཞིན་སངས་རྒྱས་ཐམས་ཅད་དེ། །སྐུ་གཅིག་ཇི་བཞིན་དེ་བཞིན་ཐམས་ཅད་སྐུ། །དབུ་གཅིག་ཇི་བཞིན་དེ་བཞིན་ཐམས་
D44.036.0392b04.01ཅད་དབུ། །ལྗགས་གཅིག་ཇི་བཞིན་དེ་བཞིན་ཐམས་ཅད་ལྗགས། །དབྱངས་ཀྱི་ཡན་ལག་ལྡན་པས་ལེགས་བརྗོད་ཀྱང་། །བསྐལ་པ་སྣ་ཚོགས་མཐའ་ཡས་པའི། །བསྐལ་པ་མཐའ་ཡས་མུར་ཐུག་ཟད་པར་འགྱུར། །ལེགས་པ་ཆགས་མེད་དེ་དག་མཐར་ཐུག་མི་འགྱུར་རོ། །
D44.036.0392b05.01རྡུལ་རྩེ་གཅིག་ལ་བརྗོད་དུ་མེད་པ་ཡི། །པད་མོའི་དཔལ་ཞེས་བྱ་བ་བརྗོད་དུ་མེད། །དེ་བཞིན་གཤེགས་པ་བཟང་པོ་ཞེས་བྱ་བའི། །ཞིང་རྣམས་བརྗོད་དུ་མེད་ལ་རབ་ཏུ་འཇུག །རྡུལ་རྩེ་གཅིག་ལ་ཇི་སྙེད་ཡོད་པ་ཡི། །ཆོས་དབྱིངས་ཇི་ཙམ་
D44.036.0392b06.01ཐམས་ཅད་མ་ལུས་པར། །རྡུལ་གྱི་ཞིང་རྣམས་བརྗོད་དུ་མེད་པ་དག །འབྱུང་བར་འགྱུར་ཞིང་གཞན་ཡང་འཇིག་པར་འགྱུར། །རྡུལ་གཅིག་རྩེ་ལ་མཐའ་དང་དབུས་མེད་པའི། །ཞིང་རྣམས་དུ་མ་བསྟན་པ་ཡང་དག་འཇུག །ཕྱོགས་རྣམས་
D44.036.0392b07.01