完整藏文原文 · 德格版页 当前仅加载第 36 函德格 77b 版页；藏文 NFD、目录标记与异常页序保留在来源切片中，重复版页行以稳定序号区分。
པར་ཞེན་པ་མེད་པར་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་འཇིག་རྟེན་གྱི་ཁམས་ཐམས་ཅད་ཀྱི་གནས་ལ་གནས་ཀྱི་འདུ་ཤེས་མི་བསྐྱེད་པ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་ཕུང་པོ་དང་
D44.036.0077b01.01ཁམས་དང་། སྐྱེ་མཆེད་ལ་མངོན་པར་ཞེན་པ་མེད་པ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་ཕྱི་ནང་གི་ཆོས་ཐམས་ཅད་དུ་ལུས་ལ་གནས་པའི་སེམས་མི་སྐྱེ་བ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་
D44.036.0077b02.01ནས་ཀྱང་བྱང་ཆུབ་སེམས་དཔའི་སྤྱོད་པ་ཐམས་ཅད་ལ་རྨོངས་པར་མི་འགྱུར་བ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་དགེ་བའི་བཤེས་གཉེན་ཐམས་ཅད་དང་རིང་དུ་མི་འགྱུར་བ་དེ་ལྟར་དགེ་བའི་རྩ་བ་དེ་དག་ཡོངས་སུ་
D44.036.0077b03.01བསྔོའོ། །ཅི་ནས་ཀྱང་བྱང་ཆུབ་སེམས་དཔའི་སྤྱོད་པ་ཆེན་པོའི་སྨོན་ལམ་ཉམས་པར་མི་འགྱུར་བ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་དགེ་བའི་བཤེས་གཉེན་ཐམས་ཅད་མངོན་པར་མཉེས་པར་འགྱུར་བ་དེ་
D44.036.0077b04.01ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །གཞན་ཡང་འདི་ལྟར་ཡོངས་སུ་བསྔོ་སྟེ། རྒྱལ་པོའི་སྲིད་བྱིན་པས་ཡང་དག་པར་བསྡུས་པའི་དགེ་བའི་རྩ་བ་འདིས། སེམས་ཅན་ཐམས་ཅད་ཆོས་ཀྱི་དབང་ཕྱུག་གི་དམ་པ་ཐོབ་སྟེ།
D44.036.0077b05.01ཆོས་ཀྱི་རྒྱལ་པོའི་སྲིད་ལ་དབང་སྒྱུར་བ་རབ་ཏུ་ཐོབ་པར་གྱུར་ཅིག །སེམས་ཅན་ཐམས་ཅད་རྒྱལ་པོའི་དཀྲུགས་མ་དང་དགྲ་ཐམས་ཅད་རབ་ཏུ་གཞོམ་པའི་ཕྱིར་སངས་རྒྱས་ཀྱི་རྒྱལ་སྲིད་རབ་ཏུ་ཐོབ་པར་གྱུར་ཅིག །སེམས་ཅན་ཐམས་
D44.036.0077b06.01ཅད་དེ་བཞིན་གཤེགས་པའི་ཡེ་ཤེས་ཀྱིས་སངས་རྒྱས་ཀྱི་ཆོས་རབ་ཏུ་བརྗོད་པའི་ཕྱིར། སངས་རྒྱས་ཀྱི་རྒྱལ་སྲིད་ཆེན་པོ་ལ་རབ་ཏུ་གནས་པར་གྱུར་ཅིག །སེམས་ཅན་ཐམས་ཅད་བླ་ན་མེད་པའི་ཆོས་ཀྱི་འཁོར་ལོ་ཐོགས་པ་མེད་པར་བསྐོར་
D44.036.0077b07.01