完整藏文原文 · 德格版页 当前仅加载第 36 函德格 305a 版页；藏文 NFD、目录标记与异常页序保留在来源切片中，重复版页行以稳定序号区分。
གཤེགས་པའི་ཡེ་ཤེས་བསམ་གྱིས་མི་ཁྱབ་པའི་རྣམ་པར་ཐར་པ་སྒྱུ་མ་ལ་བྱང་ཆུབ་སེམས་དཔའ་རབ་ཏུ་སློབ་ཅིང་ཡོངས་སུ་གྲུབ་པའི་ཕ་རོལ་ཏུ་ཕྱིན་པས་ཡེ་ཤེས་སྒྱུ་མའི་མཐར་ཕྱིན་པ་དང་། འཇིག་རྟེན་སྒྱུ་མའི་གྲངས་
D44.036.0305a01.01ཀྱི་རྗེས་སུ་ཞུགས་པ་དང་། ཆོས་ཐམས་ཅད་སྒྱུ་མའི་རང་བཞིན་དུ་རྟོགས་པ་དང་། འཇིག་རྟེན་དང་འགལ་བ་མེད་པའི་ཡེ་ཤེས་སྒྱུ་མའི་མཐར་ཕྱིན་པ་དང་། དུས་གསུམ་སྒྱུ་མ་ཐ་མི་དད་པར་ཁོང་དུ་ཆུད་པ་དང་། མངོན་པར་ཤེས་པ་སྒྱུ་
D44.036.0305a02.01མ་ངེས་པར་རྟོགས་པ་དང་། སེམས་སྒྱུ་མ་མཐའ་ཡས་ཤིང་མུ་མེད་པ་ལ་རབ་ཏུ་ཞུགས་པ་དང་། སངས་རྒྱས་ཐམས་ཅད་སྒྱུ་མའི་རང་བཞིན་དུ་ཡང་དག་པར་མོས་པར་བྱས་པའི་ཕྱིར་ཏེ། དེ་ལྟར་བྱང་ཆུབ་སེམས་དཔའ་འཇིག་རྟེན་
D44.036.0305a03.01གྱི་ཁམས་ཐམས་ཅད་ལ་རབ་ཏུ་འཇུག་ཅིང་རྣམ་པར་སྤྱོད་ཀྱང་ཐམས་ཅད་དུ་ཆགས་པ་མེད་དེ། ཀུན་ལ་འང་རློམ་སེམས་མེད་དོ། །འདི་ལྟ་སྟེ་དཔེར་ན། སྒྱུ་མ་བྱེད་པ་ནི་མིག་འཕྲུལ་དང་སྒྱུ་མ་ཐམས་ཅད་སྟོན་ཀྱང་ཡོངས་སུ་སྟོན་པ་ཡང་མེད་དེ།
D44.036.0305a04.01དེ་ལ་རྨོངས་པར་ཡང་མི་འགྱུར་རོ། །དེ་བཞིན་དུ་བྱང་ཆུབ་སེམས་དཔའ་རྣམས་ཀྱང་ཆོས་ཐམས་ཅད་ལ་འཇུག་པའི་ཕ་རོལ་ཏུ་འང་ཕྱིན་ལ་ཆོས་ལ་ཞུགས་པས་རློམ་པ་ཡང་མེད་དོ། །ཀྱེ་རྒྱལ་བའི་སྲས་དག །འདི་ནི་བྱང་ཆུབ་སེམས་
D44.036.0305a05.01དཔའ་སེམས་དཔའ་ཆེན་པོ་རྣམས་ཀྱི་ཏིང་ངེ་འཛིན་རྒྱ་ཆེན་པོ་ལ་མཁས་པའི་ཡེ་ཤེས་ཡིད་དུ་འོང་བ་ཞེས་བྱ་བ་སྟེ་གཉིས་པའོ། །ཀྱེ་རྒྱལ་བའི་སྲས་དག །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དག་ཤར་ཕྱོགས་
D44.036.0305a06.01ལོགས་སུ་འཇིག་རྟེན་གྱི་ཁམས་གྲངས་མེད་པ་འདས་ཤིང་། དེར་སངས་རྒྱས་ཀྱི་ཞིང་འབྱམ་ཀླས་པ་གཅིག་ནས་གཅིག་ཏུ་བརྒྱུད་པའི་རྗེས་སུ་སོང་བ་ཞེས་བྱ་བའི་ཏིང་ངེ་འཛིན་ལ་སྙོམས་པར་འཇུག་གོ །འཇིག་རྟེན་གྱི་ཁམས་དེ་དག་ཇི་སྙེད་
D44.036.0305a07.01