完整藏文原文 · 德格版页 当前仅加载第 36 函德格 41b 版页；藏文 NFD、目录标记与异常页序保留在来源切片中，重复版页行以稳定序号区分。
གི་གསེར་ལྟར་འོད་གསལ་ཞིང་དག་པ་རྒྱན་བྱེ་བ་ཁྲག་ཁྲིག་བརྒྱ་སྟོང་མཐའ་ཡས་པས་བརྒྱན་པ་དེ་བས་ཀྱང་ཆེས་ལྷག་པའི་གདུགས་བྱེ་བ་ཁྲག་ཁྲིག་བརྒྱ་སྟོང་གྲངས་{མྱེད་,མེད་}པ་དག་ཁ་ན་མ་ཐོ་བ་མེད་པའི་སེམས་ཀྱིས་སྦྱིན་པ་བྱེད་ཅིང་སེམས་ཅན་གྱི་གཙོ་བོ་མངོན་དུ་
D44.036.0041b01.01གྱུར་པ་འམ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མཆོད་རྟེན་བརྒྱན་པའི་ཕྱིར་རམ། ཆོས་བཙལ་བའི་ཕྱིར་བྱང་ཆུབ་སེམས་དཔའ་དང་། དགེ་བའི་བཤེས་གཉེན་ནམ། བྱང་ཆུབ་སེམས་དཔའ་ཆོས་སྨྲ་བ་བཙུན་པར་བྱ་བ་དག་
D44.036.0041b02.01གམ། ཕ་དང་མ་འམ་དགེ་འདུན་དཀོན་མཆོག་གམ། སངས་རྒྱས་ཐམས་ཅད་ཀྱི་བསྟན་པ་འམ། སྦྱིན་པའི་གནས་ཀྱི་གང་ཟག་སྣ་ཚོགས་སམ། སློབ་དཔོན་དང་བླ་མ་དང་། བྱང་ཆུབ་ཀྱི་ཐེག་པ་གྲུབ་པ་འམ། དེ་ལ་ཞུགས་པ་དག་གམ།
D44.036.0041b03.01ཕོངས་པ་དང་། བཀྲེན་པ་སློང་བ་དང་། ལེན་པ་དག་ལ་འབུལ་བ་དང་། ཡོངས་སུ་གཏོང་བ་དང་སྦྱིན་པ་བྱེད་པའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་སངས་རྒྱས་ཐམས་ཅད་ཀྱི་གཡོག་པ་རབ་ཏུ་ཐོབ་
D44.036.0041b04.01སྟེ། དགེ་བའི་རྩ་བས་ཡང་དག་པར་གཡོགས་པར་གྱུར་ཅིག །སེམས་ཅན་ཐམས་ཅད་ཉོན་མོངས་པ་དང་། ཉེ་བའི་ཉོན་མོངས་པ་ཐམས་ཅད་ལས་ཡོངས་སུ་འདས་ཏེ། ཡོན་ཏན་དང་ཡེ་ཤེས་ཀྱིས་མངོན་པར་བཀབ་པར་གྱུར་ཅིག །སེམས་ཅན་ཐམས་ཅད་
D44.036.0041b05.01འཇིག་རྟེན་གྱི་རྡུལ་དང་མུན་པ་དང་ཡོངས་སུ་གདུང་བ་ཐམས་ཅད་ལས་རྣམ་པར་འདས་ཏེ་ལུས་ཤིན་ཏུ་བཀབ་པར་གྱུར་ཅིག །སེམས་ཅན་ཐམས་ཅད་འགྲོ་བ་ཐམས་ཅད་ཀྱིས་བལྟ་ན་སྡུག་ཅིང་སངས་རྒྱས་ཐམས་ཅད་ལ་མངའ་བའི་ཡེ་ཤེས་ཀྱི་སྙིང་པོ་ཅན་དུ་
D44.036.0041b06.01གྱུར་ཅིག །སེམས་ཅན་ཐམས་ཅད་སངས་རྒྱས་ཀྱི་ཆོས་ལ་ལོག་པ་{མྱེད་,མེད་}པར་འཇུག་པར་བརྩོན་པས་མ་འཁྲུགས་པའི་ཆོས་དཀར་པོས་ཤིན་ཏུ་བཀབ་པར་གྱུར་ཅིག །སེམས་ཅན་ཐམས་ཅད་ཆོས་ཀྱི་ལུས་ཀྱིས་སངས་རྒྱས་ཀྱི་སྐུའི་མཐར་གཏུགས་ཏེ་མངོན་
D44.036.0041b07.01