完整藏文原文 · 德格版页 当前仅加载第 36 函德格 22a 版页；藏文 NFD、目录标记与异常页序保留在来源切片中，重复版页行以稳定序号区分。
རིན་པོ་ཆེས་གཞལ་བའི་སྣོད་སྣ་ཚོགས་བཀང་ཞིང་ཡོངས་སུ་གཏོང་བ་དང་། ཤིང་རྟ་སྣ་ཚོགས་དང་། ཤིང་རྟ་དུ་མ་བཀང་ཞིང་ཚད་{མྱེད་,མེད་}པའི་རིན་པོ་ཆེ་དང་ནོར་ཡོངས་སུ་གཏོང་བ་དང་། གླང་པོ་ཅང་ཤེས་སམ། རྟ་ཅང་ཤེས་རྒྱན་ཐམས་ཅད་
D44.036.0022a01.01ཀྱིས་བརྒྱན་པ་གཏོང་བ་དང་། སློང་བ་རྣམས་ལ་ཅི་རིགས་སུ་རྒྱལ་པོའི་སྟན་བཟང་པོ་གཏོང་པ་འམ། གདུགས་གཏོང་བ་འམ། རྒྱལ་མཚན་དང་བ་དན་གཏོང་བ་འམ། རིན་པོ་ཆེ་གཏོང་ཞིང་སྦྱིན་པ་འམ། རྒྱན་དང་ལྷབ་ལྷུབ་ཀྱི་སྦྱིན་པ་ཡོངས་སུ་གཏོང་བ་འམ།
D44.036.0022a02.01ཅོད་པན་ནམ། གཙུག་གི་ནོར་བུ་དག་དབང་ཕྱུག་ལ་སྤྱི་བོ་ནས་དབང་བསྐུར་བས་མཚོན་ཆས་བཅིངས་ཤིང་བཙོན་ར་ན་འདུག་པའི་སེམས་ཅན་རྣམས་མཐོང་ནས། ནོར་ཐམས་ཅད་ཡོངས་སུ་གཏོང་བ་དང་། གཡོག་དང་བདག་ཏུ་བཅས་ཏེ་བྱིན་ནས། བཙོན་ར་དེ་དག་ནས་
D44.036.0022a03.01སེམས་ཅན་རྣམས་ཡོངས་སུ་ཐར་བར་བྱེད་པ་གསད་པར་ཁྲིད་པ་མཐོང་ནས། བདག་གི་ལུས་དང་སྲོག་ཡོངས་སུ་བཏང་སྟེ། གསད་པ་དེ་བླུ་བར་བྱེད་པ། གཙུག་ཕུད་དང་ཐོར་པག་ཏུ་བཅས་པའི་མགོ་བོ་དག་ཀྱང་བསློང་བས་བསླངས་ན། གཏོང་བ་{མྱེད་,མེད་}པའི་སེམས་
D44.036.0022a04.01ཀྱིས་གཏོང་བ་{མྱིག་,མིག་}གཉིས་ཡོངས་སུ་གཏོང་བ་འམ། རྣ་བ་དང་། སྣ་ཡོངས་སུ་གཏོང་བ་འམ། སོ་དང་ལྕེ་ཡོངས་སུ་གཏོང་བ་འམ། མགོ་ཡོངས་སུ་གཏོང་བ་འམ། རྐ་ལག་ཡོངས་སུ་གཏོང་བ་འམ། རང་གི་ལུས་ཀྱང་དྲལ་ཅིང་སློང་བ་ལ་ཁྲག་ཡོངས་སུ་
D44.036.0022a05.01གཏོང་བ་འམ། ཤ་དང་རྐང་ཡོངས་སུ་གཏོང་བ་འམ། སློང་བ་ལ་རང་གི་ལུས་ལས་སྙིང་ཕྱུང་སྟེ། ཡོངས་སུ་གཏོང་བ་འམ། སློང་ཞིང་ལེན་པ་སྣ་ཚོགས་ལ་རྒྱུ་མ་དང་མཚེར་པ་དང་། མཁལ་མ་དང་། ཕོ་བ་རྣམས་ཡོངས་སུ་གཏོང་བ་འམ། རང་གི་ལུས་
D44.036.0022a06.01ལས་ཡན་ལག་དང་། ཉིང་ལག་དང་རུས་པ་བསླངས་ན་དད་པའི་སེམས་ཀྱིས་ཡོངས་སུ་གཏོང་བ་འམ། སློང་བ་ལ་མོས་པར་ལྟ་བས་པགས་པ་དང་མདོག་ཡོངས་སུ་གཏོང་བ་འམ། རྐ་ལག་ལས་སོར་མོ་ཡོངས་སུ་གཏོང་བ་འམ། ཆོས་འདོད་པའི་ཕྱིར་རང་གི་
D44.036.0022a07.01