完整藏文原文 · 德格版页 当前仅加载第 36 函德格 269b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཤིན་ཏུ་ཚར་གཅོད་པ། ཡོངས་སུ་བསླང་སྟེ། སྐད་ཅིག་ཡུད་ཙམ་ཐང་ཅིག་ཏུ་ཕྱོགས་བཅུའི་འཇིག་རྟེན་སྔ་མ་དེ་དག་ན་རྡུལ་ཕྲ་རབ་ཇི་སྙེད་ཡོད་པ་དེ་སྙེད་ཀྱི་འཇིག་རྟེན་གྱི་ཁམས་ཀྱང་བྱེ་བ་ཁྲག་ཁྲིག་བརྒྱ་སྟོང་དང་། དེ་དག་བས་ཀྱང་ཆེས་མང་ཞིང་ཚད་མེད་པའི་
D44.036.0269b01.01འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་རྒྱས་པར་བཀང་སྟེ། དགེ་བའི་བདུད་རྩིའི་རྒྱུན་གྱི་ཆར་ཆེན་པོས་བསམ་པ་ཇི་ལྟ་བ་བཞིན་དུ་སེམས་ཅན་རྣམས་ཀྱི་{མྱི་,མི་}ཤེས་པ་ལས་ལངས་པའི་ཉོན་མོངས་པའི་རྡུལ་གྱི་མེ་ལྕེ་ཐམས་ཅད་རབ་ཏུ་ཞི་བར་བྱེད་དེ། དེ་བས་
D44.036.0269b02.01ནས་འདིའང་ཆོས་ཀྱི་སྤྲིན་ཅེས་བྱའོ། །ཀྱེ་རྒྱལ་བའི་སྲས་གཞན་ཡང་བྱང་ཆུབ་སེམས་དཔའི་ས་ཆོས་ཀྱི་སྤྲིན་ལ་གནས་པའི་བྱང་ཆུབ་སེམས་དཔའ་ནི་འཇིག་རྟེན་གྱི་ཁམས་གཅིག་ཏུ་ཡང་དགའ་ལྡན་གྱི་གནས་ན་བཞུགས་པ་ནས་བཟུང་སྟེ། འཕོ་བ་དང་ཡུམ་གྱི་སྐུར་བཞུད་པ་དང་། སྐུ་ན་བཞུགས་པ་དང་།
D44.036.0269b03.01ཚེ་དང་མངོན་པར་འབྱུང་བ་དང་། མངོན་པར་འཚང་རྒྱ་བ་དང་། གསོལ་བ་གདབ་པ་དང་། ཆོས་ཀྱི་འཁོར་ལོ་ཆེན་པོ་བསྐོར་བ་དང་། མྱ་ངན་ལས་འདས་པ་ཆེན་པོ་བསྟན་པའི་བར་དུ་སེམས་ཅན་གྱི་བསམ་པའི་ཚུལ་དང་། འདུལ་བའི་ཚུལ་ཇི་ལྟ་བ་བཞིན་དུ་དེ་བཞིན་གཤེགས་
D44.036.0269b04.01པའི་འཕྲིན་ལས་ཐམས་ཅད་བྱིན་གྱིས་རློབ་བོ། །དེ་བཞིན་དུ་འཇིག་རྟེན་གྱི་ཁམས་གཉིས་ནས་འཇིག་རྟེན་གྱི་ཁམས་སྔ་མ་དེ་དག་ན་རྡུལ་ཕྲ་རབ་ཇི་སྙེད་ཡོད་པ་དེ་དག་བས་ཀྱང་ཆེས་མང་བའི་འཇིག་རྟེན་གྱི་ཁམས་བྱེ་བ་ཁྲག་ཁྲིག་བརྒྱ་སྟོང་ཚད་མེད་པའི་བར་དག་ཏུ་ཡང་དགའ་
D44.036.0269b05.01ལྡན་གྱི་གནས་ན་བཞུགས་པ་ནས་བཟུང་སྟེ། ཡོངས་སུ་མྱ་ངན་ལས་འདས་པ་ཆེན་པོ་བསྟན་པའི་བར་དུ་སེམས་ཅན་རྣམས་ཀྱི་བསམ་པའི་ཚུལ་དང་། འདུལ་བའི་ཚུལ་ཇི་ལྟ་བ་བཞིན་དུ་དེ་བཞིན་གཤེགས་པའི་འཕྲིན་ལས་ཐམས་ཅད་བྱིན་གྱིས་རློབ་
D44.036.0269b06.01བོ། །དེ་དེ་ལྟ་བུའི་ཡེ་ཤེས་དང་ལྡན་ཞིང་ཤིན་ཏུ་བརྟགས་པའི་མངོན་པར་ཤེས་པ་ཆེན་པོ་ཐོབ་པས། འདོད་ན་འཇིག་རྟེན་གྱི་ཁམས་དོག་པ་ཡངས་པར་བྱིན་གྱིས་རློབ་བོ། །ཡངས་པ་ཡང་དོག་པར་བྱིན་གྱིས་རློབ་བོ། །འདོད་ན་ཀུན་ནས་ཉོན་མོངས་པ་
D44.036.0269b07.01