完整藏文原文 · 德格版页 当前仅加载第 36 函德格 255b 版页；藏文 NFD、目录标记与异常页序保留在来源切片中，重复版页行以稳定序号区分。
ཐ་དད་པ་ཡང་དག་པར་ཤེས་པས། བྱང་ཆུབ་སེམས་དཔའི་སྤྱོད་པ་དང་། ཡེ་ཤེས་ཀྱི་སྤྱོད་པ་དང་། ཆོས་ཀྱི་སྤྱོད་པ་ཐམས་ཅད་ཡེ་ཤེས་ཀྱི་ཁོང་དུ་ཆུད་པར་བྱ་བ་ལ་རབ་ཏུ་འཇུག་གོ །དོན་ཐ་དད་པ་ཡང་དག་པར་ཤེས་པས། ས་བཅུ་
D44.036.0255b01.01རྣམ་པར་དགོད་ཅིང་། ཤིན་ཏུ་བསྟན་པ་རྣམ་པར་ཕྱེ་བ་ལ་ཡང་དག་པར་འཇུག་གོ །ངེས་པའི་ཚིག་ཐ་དད་པ་ཡང་དག་པར་ཤེས་པས། སའི་ལམ་ཇི་ལྟ་བ་བཞིན་དུ་ཉེ་བར་བསྒྲུབ་པ་ཐ་{མྱི་,མི་}དད་པར་ཡང་དག་པར་སྟོན་ཏོ། །སྤོབས་པ་ཐ་
D44.036.0255b02.01དད་པ་ཡང་དག་པར་ཤེས་པས། ས་རེ་རེ་ཞིང་རྣམ་པ་མུ་{མྱེད་,མེད་}པར་ཡང་དག་པར་སྟོན་ཏོ། །གཞན་ཡང་ཆོས་ཐ་དད་པ་ཡང་དག་པར་ཤེས་པས། དེ་བཞིན་གཤེགས་པ་ཐམས་ཅད་མཚན་ཉིད་གཅིག་ཏུ། ཁོང་དུ་ཆུད་པར་བྱ་བ་ལ་རབ་ཏུ་
D44.036.0255b03.01འཇུག་གོ །དོན་ཐ་དད་པ་ཡང་དག་པར་ཤེས་པས་དུས་དང་དངོས་པོ་དང་། མཚན་ཉིད་རྣམ་པར་ཕྱེ་བ་སྣ་ཚོགས་ཁོང་དུ་ཆུད་པར་བྱ་བ་རབ་ཏུ་ཤེས་སོ། །ངེས་པའི་ཚིག་ཐ་དད་པ་ཡང་དག་པར་ཤེས་པས། ཁོང་དུ་ཆུད་པ་རྣམ་པར་ཕྱེ་བ་ཇི་ལྟ་བ་བཞིན་དུ་
D44.036.0255b04.01བསྟན་པས་ཆོས་སྟོན་ཏོ། །སྤོབས་པ་ཐ་དད་པ་ཡང་དག་པར་ཤེས་པས། ཆོས་ཀྱི་ཚིག་རེ་རེ་ལ་ཡང་བསྐལ་པ་མཐའ་ཡས་པར་རྒྱུན་མི་ཆད་པར་ཆོས་སྟོན་ཏོ། །གཞན་ཡང་ཆོས་ཐ་དད་པ་ཡང་དག་པར་ཤེས་པས། དེ་བཞིན་གཤེགས་པ་
D44.036.0255b05.01ཐམས་ཅད་ཀྱི་གསུང་དང་། སྟོབས་དང་། {མྱི་,མི་}འཇིགས་པ་དང་། སངས་རྒྱས་ཀྱི་ཆོས་དང་། བྱམས་པ་ཆེན་པོ་དང་། ཐུགས་རྗེ་ཆེན་པོ་དང་། ཐ་དད་པ་ཡང་དག་པར་མཁྱེན་པའི་ཚུལ་དང་། ཆོས་ཀྱི་འཁོར་ལོ་བསྐོར་བ་དང་། ཐམས་ཅད་མཁྱེན་པའི་
D44.036.0255b06.01ཡེ་ཤེས་རྟོགས་པར་བྱ་བ་རབ་ཏུ་ཤེས་སོ། །དོན་ཐ་དད་པ་ཡང་དག་པར་ཤེས་པས་སེམས་ཅན་གྱི་སྤྱོད་པ་སྟོང་ཕྲག་བརྒྱད་ཅུ་རྩ་བཞི་དང་། བསམ་པ་ཇི་ལྟ་བ་དང་། དབང་པོ་ཇི་ལྟ་བ་དང་མོས་པ་ཇི་ལྟ་བ་བཞིན་དུ་དེ་བཞིན་གཤེགས་པའི་གསུང་རབ་ཏུ་ཤེས་སོ། །ངེས་པའི་
D44.036.0255b07.01