完整藏文原文 · 德格版页 当前仅加载第 36 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
འགྲོ་བ་ཐམས་ཅད་ཀྱི་སྨན་ལ་མཁས་པར་གྱུར་ཅིག་ཅེས་དེ་ལྟར་བྱང་ཆུབ་སེམས་དཔའ་སྨན་གྱི་སྦྱིན་པ་བྱེད་པའི་ཚེ། དགེ་བའི་རྩ་བ་དེ་དག་སེམས་ཅན་ཐམས་ཅད་ཤིན་ཏུ་གསོ་བའི་ཕྱིར་ཡོངས་སུ་བསྔོའོ། །ཤིན་ཏུ་བདེ་ཞིང་
D44.036.0029a01.01དགའ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཤིན་ཏུ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་སངས་རྒྱས་སྙུན་མི་མངའ་བ་ལྟ་བུ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་
D44.036.0029a02.01ཀྱི་ནད་ཀྱི་ཟུག་རྔུ་ཐམས་ཅད་བཟློག་པའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཀྱི་ལུས་ཉམས་པ་{མྱེད་,མེད་}ཅིང་བརྟན་པའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་རྡོ་རྗེའི་རི་ཁོར་ཡུག་ལྟ་བུར་གཞོམ་དུ་{མྱི་,མི་}ཆོམས་པ་དང་སྟོབས་དང་ལྡན་
D44.036.0029a03.01པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་སྟོབས་ཐམས་ཅད་ཀྱིས་བརྟན་ཅིང་བསམ་པ་ཤིན་ཏུ་མཐོ་བ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཀྱིས་སངས་རྒྱས་ཀྱི་བདེ་བའི་རྣམ་པ་ཟིལ་གྱིས་{མྱི་,མི་}ནོན་པ་ཡོངས་
D44.036.0029a04.01སུ་རྫོགས་པར་འགྱུར་བའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཀྱི་ལུས་སངས་རྒྱས་ཐམས་ཅད་ཀྱི་བྱིན་གྱི་རླབས་ཀྱིས་བརྟན་པའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་སྣོད་སྣ་ཚོགས་དང་། བྲེ་
D44.036.0029a05.01དང་ལྔ་བྲེའི་སྦྱིན་པ་བྱེད་པ་འདི་ལྟ་སྟེ། གསེར་གྱི་སྣོད་དང་། གསེར་གྱི་བྲེ་དང་ལྔ་བྲེ་རིན་པོ་ཆེ་སྣ་ཚོགས་ཀྱིས་ཡོངས་སུ་བཀང་བ་དང་། འདི་ལྟ་སྟེ་དངུལ་གྱི་སྣོད་དང་། དངུལ་གྱི་བྲེ་དང་། ལྔ་བྲེ་རིན་པོ་ཆེ་སྣ་ཚོགས་ཀྱིས་ཡོངས་སུ་བཀང་བ་དང་། འདི་ལྟ་སྟེ་
D44.036.0029a06.01བཻ་ཌཱུརྱའི་སྣོད་དང་། བཻ་ཌཱུརྱའི་བྲེ་དང་ལྔ་བྲེ་རིན་པོ་ཆེ་རྣམ་པ་ཐ་དད་པས་ཡོངས་སུ་བཀང་བ་དང་། འདི་ལྟ་སྟེ་ཤེལ་གྱི་སྣོད་དང་། ཤེལ་གྱི་བྲེ་དང་། ལྔ་བྲེ་རིན་པོ་ཆེའི་རྒྱན་རྣམ་པ་ཐ་དད་པས་ཡོངས་སུ་བཀང་བ་དང་། འདི་ལྟ་སྟེ་མུ་ས་ར་གལ་པའི་སྣོད་
D44.036.0029a07.01