完整藏文原文 · 德格版页 当前仅加载第 36 函德格 361b 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་དག་པ་སངས་རྒྱས་སྐྱེ་བ་དང་ལྡན་པ་འཇིག་རྟེན་གྱི་ཁམས་ཀྱི་རྒྱན་གཞན་དང་གཞན་ཡོད་པ་ཡོན་ཏན་བྱ་བ་སྣ་ཚོགས་ཀྱིས་རྣམ་པར་སྦྱངས་པ་ཡོན་ཏན་ཚད་མེད་པས་ཡོངས་སུ་རྒྱས་པའི་སངས་རྒྱས་ཀྱི་ཞིང་རྣམ་པར་དག་པ་དག་ཏུ་རྣམ་པར་འཕྲུལ་
D44.036.0361b01.01པ་སྣ་ཚོགས་ཀྱིས་རྣམ་པར་འཕྲུལ་པ་དང་། དེ་བཞིན་གཤེགས་པའི་མཚན་ཡོངས་སུ་བརྗོད་པ་བྱེད་ཅིང་དེ་དག་ཏུ་བདག་ཕྱིན་པར་བྱེད་པས། དེ་བཞིན་གཤེགས་པ་དག་གི་ཞབས་ཀྱི་དྲུང་ན་འདུག་ཀྱང་འདི་ནས་ཀྱང་གཡོས་པ་མེད་དོ། །དེར་སོང་
D44.036.0361b02.01བའང་མེད་ལ་དེར་ཡང་བདག་ཕྱིན་པར་རབ་ཏུ་སྟོན་ཅིང་དེ་བཞིན་གཤེགས་པ་དེ་དག་གི་ཞལ་བལྟའོ། །དེ་དག་ལ་ཕྱག་འཚལ་ལོ། །དེ་དག་ལ་འདུད་པ་བྱེད་དོ། །དེ་དག་ལ་མཆོད་པ་བྱེད་དོ། །དེ་དག་ལ་རིམ་གྲོ་བྱེད་དོ། །དེ་དག་ལ་
D44.036.0361b03.01བསྙེན་བཀུར་བྱེད་དོ། །བྱང་ཆུབ་སེམས་དཔའི་ཆོས་ཀྱང་ཡོངས་སུ་འདྲིའོ། །སངས་རྒྱས་ཀྱི་ཡེ་ཤེས་མངོན་པར་བསྒྲུབ་པ་ལའང་རབ་ཏུ་འཇུག་གོ །སངས་རྒྱས་བཅོམ་ལྡན་འདས་དེ་དག་གི་འཁོར་གྱི་དཀྱིལ་འཁོར་གྱི་མཚན་མ་ཡང་
D44.036.0361b04.01རབ་ཏུ་ཤེས་སོ། །ཆོས་བསྟན་པའི་མཚན་མའང་རབ་ཏུ་ཤེས་སོ། །སངས་རྒྱས་ཀྱི་ཞིང་གི་མཚན་མའང་རབ་ཏུ་ཤེས་སོ། །དེ་དག་ལ་མངོན་པར་ཆགས་པའང་མེད་དེ། དེ་དག་ལའང་ཕ་རོལ་ཏུ་ཕྱིན་པ་ཤིན་ཏུ་ཐོབ་པ་ཡིན།
D44.036.0361b05.01སངས་རྒྱས་ཀྱི་ཞིང་དུ་འགྲོ་བ་དང་། སངས་རྒྱས་ཀྱི་ཞིང་ལ་དམིགས་པས་བསྐལ་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས་འགྲོ་ཡང་འགྲོ་བ་དང་། སངས་རྒྱས་བལྟ་བའི་རྣམ་པར་དམིགས་པ་མཐར་
D44.036.0361b06.01ཐུག་པ་མེད་དོ། །སངས་རྒྱས་ཀྱི་ཞིང་གཅིག་ནས་གཅིག་ཏུ་བརྒྱུད་པ་ལས་ཕྱིར་ལྡོག་པ་མེད་དོ། །དེ་བཞིན་གཤེགས་པའི་ཞལ་བལྟ་བའི་རྒྱུན་གཅོད་པ་མེད་དོ། །དེ་བཞིན་གཤེགས་པའི་འཁོར་གྱི་དཀྱིལ་འཁོར་མི་དམིགས་པར་བྱེད་
D44.036.0361b07.01