完整藏文原文 · 德格版页 当前仅加载第 36 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
བསྒྲེང་བ། གསེར་གྱི་དྲ་བས་ཀུན་ནས་སྤྱངས་ཤིང་ཀླུབས་པ། གསེར་གྱི་དྲིལ་བུའི་སྒྲ་འབྱུང་བ་དྲིལ་བུ་གཡེར་ཀའི་དྲ་བས་ཤིན་ཏུ་བརྒྱན་པའི་རྒྱལ་མཚན་དང་། བ་དན་བྱེ་བ་ཁྲག་ཁྲིག་བརྒྱ་སྟོང་ཁ་དོག་ཐ་དད་པ་ཚོན་ཐ་དད་པ་ཤིན་ཏུ་མཐོ་བ་རིན་པོ་ཆེས་རྣམ་པ་སྣ་
D44.036.0043b01.01ཚོགས་སུ་བརྒྱན་པ། རྒྱལ་མཚན་གྱི་རྩེ་མོ་ཟླ་ཁམ་གྱིས་མཛེས་པར་བརྒྱན་པ། འཛམ་བུའི་ཆུ་ཀླུང་གི་གསེར་གྱི་ཉི་མའི་དཀྱིལ་འཁོར་བཅུག་པ། འོད་གཟེར་རྣམ་པ་སྣ་ཚོགས་འབྱུང་བ། རྒྱལ་མཚན་གྱི་རྒྱན་གྱིས་ཐམས་ཅད་ཀུན་ཏུ་ཡོག་པ། རྒྱལ་
D44.036.0043b02.01མཚན་གྱི་རྒྱན་རྣམ་པ་དུ་མ་འོད་དང་ལྡན་པས་རབ་ཏུ་བརྒྱན་པའི་རྒྱལ་མཚན་རྣམ་པ་སྣ་ཚོགས་བསྒྲེང་བའི་རྒྱན་དེ་ལྟ་བུ་དག་འཇིག་རྟེན་གྱི་ཁམས་ཐམས་ཅད་ཀྱི་ལས་ཀྱི་རྣམ་པར་སྨིན་པ་ལ་མོས་པའི་རྒྱལ་མཚན་གྱི་རྒྱན་གྱིས་ཀུན་ཏུ་ཁྱབ་པར་བྱ་བ་དང་། འཇིག་
D44.036.0043b03.01རྟེན་གྱི་ཁམས་ཆོས་ཀྱི་དབྱིངས་ཐམས་ཅད་འབྱམ་ཀླས་པ། སངས་རྒྱས་ཀྱི་ཞིང་ནམ་མཁའི་དབྱིངས་ཐམས་ཅད་འབྱམ་ཀླས་པ་ལ་གནས་པ། ཡངས་པ་ཀུན་ཏུ་རྒྱལ་མཚན་གྱི་སྦྱིན་པ་ཡོངས་སུ་གཏོང་བར་མོས་པས་འཇིག་རྟེན་གྱི་ཁམས་ཐམས་ཅད་
D44.036.0043b04.01རྒྱས་པར་བྱ་བ་དང་། བྱང་ཆུབ་སེམས་དཔའི་བསམ་པ་དང་མོས་པའི་ཁྱད་པར་རྣམ་པར་དག་པར་བྱ་བའི་ཕྱིར། སངས་རྒྱས་བཅོམ་ལྡན་འདས་མངོན་དུ་གྱུར་པ་རྣམས་ལ་འབུལ་བའམ། དེ་བཞིན་གཤེགས་པ་ཡོངས་སུ་མྱ་ངན་ལས་འདས་
D44.036.0043b05.01པའི་མཆོད་རྟེན་ནམ། ཆོས་དཀོན་མཆོག་མཆོད་པ་འམ། དགེ་འདུན་དཀོན་མཆོག་ལ་འབུལ་ལམ། དགེ་བའི་བཤེས་གཉེན་བྱང་ཆུབ་སེམས་དཔའ་རྣམས་སམ། ཉན་ཐོས་དང་། རང་སངས་རྒྱས་རྣམས་སམ། འཁོར་གྱི་ཚོགས་
D44.036.0043b06.01སུ་གྱུར་པའམ། གང་ཟག་གི་རྣམ་པ་གཞན་སུ་འང་རུང་སྟེ། སློང་བ་ཐམས་ཅད་ལ་རིམ་གྲོ་བྱ་བའི་ཕྱིར་སྦྱིན་ཞིང་ཡོངས་སུ་གཏོང་བ་ན། རྒྱལ་མཚན་དང་བ་དན་སྦྱིན་པས་ཡང་དག་པར་བསྡུས་པའི་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ།
D44.036.0043b07.01