完整藏文原文 · 德格版页 当前仅加载第 36 函德格 238b 版页；藏文 NFD、目录标记与异常页序保留在来源切片中，重复版页行以稳定序号区分。
མི་འགྱུར། །དེ་དག་སྔོན་བས་ཐབས་དང་ཤེས་རབ་མཆོག་དང་ལྡན། །ཤེས་དཀའ་འགྲོ་བ་ཀུན་ཏུ་ཤེས་སྤྱོད་ཡོན་ཏན་མང་། །སངས་རྒྱས་བྱེ་བ་ཡང་དུ་བསམ་པ་དག་པས་མཆོད། །གསེར་སྦྲམ་དེ་ཉིད་རིན་ཆེན་མང་པོས་སྤྲས་པ་བཞིན། །
D44.036.0238b01.01འདི་ལ་གནས་པའི་མཁས་པའི་ཤེས་རབ་མཆོག་གི་འོད། །སྲེད་པའི་ཆུ་རྣམས་ཇི་ལྟར་གཉི་བཞིན་ཡོངས་སུ་སྐེམ། །ས་མཆོག་འདི་ལ་གནས་པ་དབང་སྒྱུར་རྒྱལ་པོར་འགྱུར། །ཡེ་ཤེས་དམ་པའི་འབྲས་བུ་སྟོན་ལ་མཐུ་ཡོད་མཁས། །
D44.036.0238b02.01འདོད་ན་བརྩོན་འགྲུས་དམ་པའི་སྟོབས་དང་ལྡན་གྱུར་པ། །སངས་རྒྱས་བྱེ་བ་ཁྲག་ཁྲིག་བརྒྱ་སྟོང་ཚང་བ་དག །ཕྱོགས་རྣམས་ཀུན་ཏུ་ཤིན་ཏུ་མཉམ་པར་བཞག་པས་མཐོང་། །ཡན་ཅད་སྨོན་ལམ་ཡོན་ཏན་མཆོག་ཅན་ཚད་ཀྱང་མེད། །འདི་ནི་ས་
D44.036.0238b03.01མཆོག་བདུན་པ་སྟེ། །རང་རྒྱལ་དབང་ལ་སྤྱོད་པ་དང་། །འཇིག་རྟེན་ཀུན་གྱིས་ཤེས་པར་དཀའ། །ཐབས་དང་ཤེས་རབ་སྦྱོར་བའོ། །རིང་དུ་སོང་བ་ཞེས་བྱ་བ་སྟེ། བྱང་ཆུབ་སེམས་དཔའི་ས་བདུན་པའོ།། །།
D44.036.0238b04.01སངས་རྒྱས་རྨད་ག་ཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་{བཅྭོ་,བཅོ་}བརྒྱད་པ། མཁས་པའི་སྤྱོད་པ་དེ་འདྲ་དམ་པ་ཐོས་ནས། །ལྷ་ཡི་ཚོགས་དང་ལྷའི་དབང་པོ་ཀུན་དགའ། །བྱང་ཆུབ་སེམས་དཔའ་འགྲོ་ཕན་བརྩོན་པ་མང་པོ། །བདེ་བར་
D44.036.0238b05.01གཤེགས་དང་རྒྱལ་སྲས་རྣམས་ལ་མཆོད་བྱེད། །མེ་ཏོག་ཕྲེང་བ་རྒྱལ་མཚན་བ་དན་ཡིད་འོང་། །སྤོས་དང་ཕྱེ་མ་རིན་ཆེན་ན་བཟའ་རྒྱན་པ། །དབྱིག་གིས་སྤྲས་པའི་གདུགས་རབ་ཁྲག་ཁྲིག་དུ་མ། །ཕྲེང་བའི་སྤྲིན་ཀྱི་དམ་པའི་ཆར་ཡང་མངོན་འབེབས།
D44.036.0238b06.01ལྷའི་བུ་མོས་ཡིད་དུ་འོང་བའི་སྒྲ་དབྱངས། །དུ་མའི་སིལ་སྙན་གར་གྱི་མཆོག་དང་ལྡན་བྱས། །བདེ་བར་གཤེགས་དང་རྒྱལ་སྲས་མཆོད་པའི་དོན་དུ། །ཐུབ་པའི་ཡོན་ཏན་རྨད་དུ་བྱུང་བ་རྗོད་བྱེད། །ཐམས་ཅད་གཟིགས་པ་རྐང་གཉིས་ཁྱུ་མཆོག་གཙོ་
D44.036.0238b07.01