完整藏文原文 · 德格版页 当前仅加载第 36 函德格 79a 版页；藏文 NFD、目录标记与异常页序保留在来源切片中，重复版页行以稳定序号区分。
དགོན་པ་ཤིན་ཏུ་དབེན་པ་ལ་མངོན་པར་མོས་པར་གྱུར་ཅིག །སེམས་ཅན་ཐམས་ཅད་བླ་ན་མེད་པའི་དབེན་པའི་མཐར་ཐུག་པར་གྲོང་དང་། གྲོང་ཁྱེར་དང་། ལྗོངས་དང་། ཁམས་དང་། རྒྱལ་པོའི་གནས་ལ་གནས་མེད་
D44.036.0079a01.01པར་གྱུར་ཅིག །སེམས་ཅན་ཐམས་ཅད་འཇིག་རྟེན་གྱི་སྨྲ་བ་ཐམས་ཅད་ལས་རྣམ་པར་འདས་ཏེ། འདུ་འཛི་མེད་པར་གྱུར་ཅིག །སེམས་ཅན་ཐམས་ཅད་འགྱོད་པ་མེད་པའི་སྦྱིན་བདག་ཏུ་གྱུར་ཏེ། གཏོང་བའི་སེམས་དང་མི་འབྲལ་བར་གྱུར་ཅིག །
D44.036.0079a02.01སེམས་ཅན་ཐམས་ཅད་གནས་མེད་པའི་བསམ་པ་རབ་ཏུ་ཐོབ་ཅིང་ཁྱིམ་གྱི་གནས་དང་རབ་ཏུ་བྲལ་བར་གྱུར་ཅིག །སེམས་ཅན་ཐམས་ཅད་གཏོང་བ་ཤིན་ཏུ་གཏོང་བའི་སེམས་དང་ལྡན་ཞིང་གཏང་བར་བྱ་བ་གཏོང་བར་གྱུར་ཅིག །སེམས་ཅན་
D44.036.0079a03.01ཐམས་ཅད་ཁྱིམ་གྱི་གནས་ལ་ཆགས་པ་ལས་རྣམ་པར་འདས་ཏེ་གནས་པ་ཆུད་ཟ་བ་མེད་པར་གྱུར་ཅིག །སེམས་ཅན་ཐམས་ཅད་གནོད་པ་དང་། འཚེ་བ་དང་། འཇིགས་པ་ཐམས་ཅད་ལས་རྣམ་པར་འདས་ཏེ། གཙེ་བ་ཐམས་ཅད་ཀྱིས་
D44.036.0079a04.01ཡོངས་སུ་གཏོང་བར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ལ་སངས་རྒྱས་ཀྱི་ཞིང་འབུལ་བས་འཇིག་རྟེན་གྱི་ཁམས་ཐམས་ཅད་རྣམ་པར་སྤྱོད་པར་གྱུར་ཅིག །ཅེས་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་ཡུལ་དང་མིར་བཅས་པ་
D44.036.0079a05.01དང་། གྲོང་ཁྱེར་དང་རྒྱལ་པོའི་ཕོ་བྲང་འཁོར་ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་སངས་རྒྱས་ཀྱི་ཞིང་གི་གནས་ཡོངས་སུ་དག་པར་བྱ་བའི་ཕྱིར་སེམས་ཅན་ཐམས་ཅད་ལ་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་
D44.036.0079a06.01སེམས་དཔའ་ཆེན་པོ་གཡོག་དང་། འཁོར་ལ་དགའ་བའི་མཚན་མར་མི་འཛིན་ཅིང་ལྟོས་པ་མེད་པའི་སེམས་དང་ལྡན་པ། འཁོར་ཐམས་ཅད་ལ་ཞེན་པ་མེད་པའི་རྒྱུད་ཅན་འདོད་པའི་དགའ་བ་ཐམས་ཅད་ཀྱིས་སེམས་བཅིངས་པ་མེད་པ།
D44.036.0079a07.01