完整藏文原文 · 德格版页 当前仅加载第 36 函德格 145a 版页；藏文 NFD、目录标记与异常页序保留在来源切片中，重复版页行以稳定序号区分。
ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་ལ་རིས་སུ་ཆད་པ་མེད་པ་དེ་བཞིན་དུ་དགེ་བའི་རྩ་བ་དེ་དག་སེམས་ཅན་ཐམས་ཅད་ལ་ཐམས་ཅད་མཁྱེན་པའི་ཡེ་ཤེས་རིས་སུ་ཆད་པ་མེད་པར་བྱ་བའི་ཕྱིར་ཡོངས་སུ་བསྔོའོ། །ཇི་ལྟར་ཆོས་
D44.036.0145a01.01ཀྱི་དབྱིངས་རྒྱུད་ཀྱི་ཚུལ་གཅིག་པར་གྱུར་པ་དེ་བཞིན་དུ་དགེ་བའི་རྩ་བ་དེ་དག་སེམས་ཅན་ཐམས་ཅད་ཡེ་ཤེས་ཀྱི་རྒྱུད་ཀྱི་ཚུལ་གཅིག་ཏུ་འགྱུར་བའི་ཕྱིར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་རང་བཞིན་ཡོངས་སུ་དག་པ་དེ་བཞིན་དུ་དགེ་བའི་རྩ་བ་དེ་དག་འགྲོ་བ་
D44.036.0145a02.01ཐམས་ཅད་ཤིན་ཏུ་རྣམ་པར་དག་པར་བྱ་བའི་ཕྱིར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་འགྲོ་བ་ཐམས་ཅད་ཀྱི་རྗེས་སུ་སོང་བ་དེ་བཞིན་དུ་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་ཡང་དག་པར་བསྡུ་བའི་
D44.036.0145a03.01ཕྱིར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་འགྲོ་བ་ཐམས་ཅད་ཀྱི་རྒྱན་ཏུ་གྱུར་པ་དེ་བཞིན་དུ་དགེ་བའི་རྩ་བ་དེ་དག་སེམས་ཅན་ཐམས་ཅད་ཀྱིས་ཀུན་ཏུ་བཟང་པོའི་སྤྱོད་པའི་རྒྱན་རྣམ་པར་དག་པར་ཡོངས་སུ་བསྔོའོ། །ཇི་ལྟར་ཆོས་ཀྱི་དབྱིངས་ལ་འཇིག་པ་མེད་
D44.036.0145a04.01པ་དེ་བཞིན་དུ་དགེ་བའི་རྩ་བ་དེ་དག་བྱང་ཆུབ་སེམས་དཔའི་སྤྱོད་པ་ཐམས་ཅད་འཇིག་པ་མེད་པའི་ཕྱིར་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། །གང་གིས་ཐམས་ཅད་མཁྱེན་པ་
D44.036.0145a05.01ཉིད་དུ་འགྱུར་བ་དེར་དགེ་བའི་རྩ་བ་དེ་དག་ཡོངས་སུ་བསྔོའོ། །ཐམས་ཅད་མཁྱེན་པ་ཉིད་ནི་ཐམས་ཅད་དུ་འགྲོ་བས་ན་ཐམས་ཅད་དུ་འགྲོ་བའི་ཕྱིར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་འགྲོ་བ་ཐམས་ཅད་དུ་ཤིན་ཏུ་སྣང་བར་གྱུར་པ་དེ་ལྟར་དགེ་བའི་རྩ་བ་དེ་དག་
D44.036.0145a06.01ཡོངས་སུ་བསྔོའོ། །ཅི་ནས་ཀྱང་སངས་རྒྱས་མཐོང་བ་དང་སངས་རྒྱས་ཀྱི་མཛད་པ་ཡོངས་སུ་ཐོབ་པ་དེ་ལྟར་དགེ་བའི་རྩ་བ་དེ་དག་ཡོངས་སུ་བསྔོའོ། །ཅི་ནས་ཀྱང་སངས་རྒྱས་མཐོང་བ་དང་། སངས་རྒྱས་ཀྱི་མཛད་པ་ཐོགས་པ་མེད་པར་འགྱུར་བ་དེ་ལྟར་
D44.036.0145a07.01