完整藏文原文 · 德格版页 当前仅加载第 36 函德格 392a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་དག་དེ་བཞིན་བརྗོད་དུ་མེད། །བརྟན་པ་གང་ལ་གནས་པ་བརྗོད་དུ་མེད། །གང་གནས་ཡེ་ཤེས་དེ་ཡང་བརྗོད་དུ་མེད། །བསྐལ་པ་ཇི་སྙེད་ཟད་འགྱུར་བརྗོད་དུ་མེད། །དེ་དག་མཐར་ཐུག་
D44.036.0392a01.01མེད་པ་བརྗོད་དུ་མེད། །སངས་རྒྱས་ཤེས་བྱེད་ཡིད་འོང་བརྗོད་དུ་མེད། །ཡང་དག་འཇུག་པའི་ཡེ་ཤེས་བརྗོད་དུ་མེད། །དེ་དག་བརྗོད་དུ་མེད་པའི་ཆོས་ལ་འཇུག །དེ་དག་ཆགས་པ་མེད་པའང་བརྗོད་དུ་མེད། །དུས་
D44.036.0392a02.01གསུམ་བསམ་པ་བརྗོད་དུ་མེད་པ་སྟེ། །དེ་ལ་ཚད་བཟུང་བརྗོད་དུ་མེད་པ་མིན། །འབྱུང་བའི་ཡེ་ཤེས་བརྗོད་དུ་མེད་པ་སྟེ། །མི་གནས་གནས་པའང་དེ་བཞིན་བརྗོད་དུ་མེད། །སྤྱོད་པའི་ཁྱད་པར་བརྗོད་དུ་མེད་པ་སྟེ། །སྨོན་ལམ་
D44.036.0392a03.01ཁྱད་པར་དེ་བཞིན་བརྗོད་དུ་མེད། །སྨོན་ལམ་རྣམ་དག་བརྗོད་དུ་མེད་པ་སྟེ། །བྱང་ཆུབ་སྒྲུབ་པ་འང་དེ་བཞིན་བརྗོད་དུ་མེད། །སངས་རྒྱས་བྱང་ཆུབ་བརྗོད་དུ་མེད་པ་ལ། །དེ་དག་ཡེ་ཤེས་བརྗོད་དུ་མེད་པས་བྱུང་། །དོན་རྣམས་བརྗོད་དུ་མེད་པ་ཤེས་པར་བྱེད། །
D44.036.0392a04.01ཐམས་ཅད་མཁྱེན་ཆོས་དེ་བཞིན་བརྗོད་དུ་མེད། །རྣམ་དག་ཞིང་ཡང་བརྗོད་དུ་མེད་པ་སྟེ། །དེ་དག་སྤྱོད་པའི་སྟོབས་ཀྱང་བརྗོད་དུ་མེད། །དེ་དག་བརྗོད་དུ་མེད་པར་བསྒོམས་བྱས་ནས། །སྐད་ཅིག་གཅིག་ཏུ་བརྗོད་མེད་མངོན་འཚང་
D44.036.0392a05.01རྒྱ། །དེ་དག་བརྗོད་དུ་མེད་པའི་རྣམ་འཕྲུལ་བ། །སངས་རྒྱས་བརྗོད་དུ་མེད་པ་རབ་ཏུ་སྟོན། །དེ་དག་ཆོ་འཕྲུལ་བརྗོད་དུ་མེད་པ་ཡིས། །འཇིག་རྟེན་བརྗོད་དུ་མེད་པ་རབ་ཏུ་སྟོན། །བརྟན་པ་ཆོས་ཀྱི་འཁོར་ལོ་བརྗོད་མེད་པ། །
D44.036.0392a06.01དེ་དག་བརྗོད་དུ་མེད་པ་རབ་ཏུ་བསྐོར། །དེ་དག་སྟོན་པའང་བརྗོད་དུ་མེད་པ་སྟེ། །འཇིག་རྟེན་ཕན་འདོགས་བརྗོད་དུ་མེད་པ་བྱེད། །བསྐལ་པ་བརྗོད་དུ་མེད་པ་ཐམས་ཅད་ཀྱང་། །ཟད་པར་འགྱུར་གྱི་ཡོན་ཏན་བརྗོད་དུ་མེད། །ཡོན་ཏན་དང་ནི་ལེགས་པ་
D44.036.0392a07.01