完整藏文原文 · 德格版页 当前仅加载第 36 函德格 14b 版页；藏文 NFD、目录标记与异常页序保留在来源切片中，重复版页行以稳定序号区分。
མ་འོངས་པའི་དུས་སུ་མཚམས་མེད་ཅིང་རིས་སུ་མི་ཆོད་པ་དག་ཏུ་མ་བྱོན་པའི་དེ་བཞིན་གཤེགས་པ་དགྲ་བཅོམ་པ་ཡང་དག་པར་རྫོགས་པའི་སངས་རྒྱས་ཆོས་ཀྱི་དབྱིངས་ཐམས་ཅད་དུ་ཁྱབ་པར་གཤེགས་པའི་སངས་རྒྱས་ཀྱི་ཞིང་གི་ཡོན་ཏན་དང་རྒྱན་ཡོངས་སུ་དག་པ།
D44.036.0014b01.01རིན་པོ་ཆེའི་རྒྱན་རྣམ་པར་བྲེ་བ་དུ་མ་དང་། སྤོས་ཀྱི་རྒྱན་ཡིད་དུ་འོང་བ་དང་། ལྡན་པ་ཐམས་ཅད་དང་། མེ་ཏོག་ཐམས་ཅད་ཀྱི་རྒྱན་གྱི་ཆར་རབ་ཏུ་འབེབ་པ། ན་བཟའ་ཐམས་ཅད་ཀྱི་རྒྱན་གྱི་སྤྲིན་སྣ་ཚོགས་ཡོན་ཏན་ཐམས་ཅད་ཀྱིས་བརྒྱན་པ། རྣམ་པ་ཐ་དད་
D44.036.0014b02.01པའི་མཛོད་དེ་བཞིན་གཤེགས་པའི་རྒྱན་གྱི་བྱིན་གྱི་རླབས་ཀྱིས་རྣམ་པར་བྲེས་པ། སངས་རྒྱས་ཀྱི་ཞིང་ཐམས་ཅད་ཀྱི་རྒྱན་རབ་ཏུ་བརྒྱན་པར་བྱ་བ། རྣམ་པ་སྣ་ཚོགས་པ་ཐ་དད་པ་བརྗོད་དུ་མེད་པས་རབ་ཏུ་བརྒྱན་ཅིང་གྲུབ་པ། གྲོགས་བསམ་གྱིས་མི་ཁྱབ་པ་རྣམ་པར་དག་
D44.036.0014b03.01པས་ཡོངས་སུ་བསྒྲུབས་པ། དེ་བཞིན་གཤེགས་པ་མངོན་པར་འཚང་རྒྱ་བའི་བྱིན་གྱི་རླབས་ཀྱིས་རྒྱན་གྱི་རྣམ་པར་དག་པ་རྣམས་འབྱུང་བར་འགྱུར་བ་དང་། གང་ཡང་མ་བྱོན་པའི་དེ་བཞིན་གཤེགས་པ་ཐམས་ཅད་མངོན་པར་འཚང་རྒྱ་བའི་སངས་རྒྱས་ཀྱི་ཞིང་ཡོངས་
D44.036.0014b04.01སུ་དག་པ། བྱང་ཆུབ་སེམས་དཔའི་མིག་འཇིག་རྟེན་ལས་འདས་པ་ཐུན་མོང་མ་ཡིན་པས་རྣམ་པར་མཐོང་བ། བྱང་ཆུབ་སེམས་དཔའི་མཐུ་ཆེན་པོའི་དགེ་བའི་རྩ་བ་རབ་ཏུ་མྱོང་བར་འགྱུར་བ་ཆོས་ཐམས་ཅད་སྒྱུ་མའི་རྣམ་པ་ལྟ་བུར་ཁོང་དུ་ཆུད་པ། ཆོས་ཐམས་
D44.036.0014b05.01ཅད་ཀྱི་མཐུ་སྤྲུལ་པ་ལྟ་བུས་རྣམ་པར་དག་པ། བྱང་ཆུབ་སེམས་དཔའི་ལས་འབྱམ་ཀླས་པ། མཉམ་པ་ཉིད་ཀྱི་རྗེས་སུ་སོང་བས་རྣམ་པར་དག་པ། བྱང་ཆུབ་སེམས་དཔའི་རྣམ་པར་འཕྲུལ་པ་དང་། ཏིང་ངེ་འཛིན་གྱི་ཚུལ་བསམ་གྱིས་མི་ཁྱབ་པ་ལ་
D44.036.0014b06.01ཞུགས་པ། སངས་རྒྱས་ཀྱི་ཁྱུ་མཆོག་གི་མཐུ་ཕྱུང་བ། ཡང་དག་པར་རྒྱུ་བ། སངས་རྒྱས་ཀྱི་འོད་བླ་ན་མེད་པས་སྣང་བར་བྱས་པ། རྒྱ་ཆེ་བ་སྣ་ཚོགས་པ། ཚད་མེད་པ། བསམ་གྱིས་མི་ཁྱབ་པ་རྣམས་ཡང་དག་པར་གནས་པར་འགྱུར་བ་དང་།
D44.036.0014b07.01