完整藏文原文 · 德格版页 当前仅加载第 36 函德格 148b 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་ཅང་ཤེས་བསྒོམ་པ་ཡོངས་སུ་རྫོགས་པར་བྱ་བས་དགེ་བའི་བཤེས་གཉེན་གྲངས་མེད་པ་ཐམས་ཅད་དགའ་བར་བྱ་བའི་སེམས་ཀྱིས་ཡོངས་སུ་བསྔོའོ། །སངས་རྒྱས་ཀྱི་ཆོས་ཟབ་མོ་ལ་གནས་པར་བྱ་བའི་ལྷག་པའི་བསམ་པས་སངས་རྒྱས་ཀྱི་
D44.036.0148b01.01ཆོས་ཐམས་ཅད་ཡང་དག་པར་གཟུང་ཞིང་ཡེ་ཤེས་ཀྱི་སྣང་བ་ཤིན་ཏུ་འཕགས་པར་བྱ་བའི་ཕྱིར་ཡོངས་སུ་བསྔོའོ། །བྱང་ཆུབ་སེམས་དཔའི་སྤྱོད་པ་ལ་བསྒྲིབས་པ་མེད་པར་མངོན་སུམ་དུ་འགྱུར་བར་བྱ་བའི་ཕྱིར་ཡོངས་སུ་བསྔོའོ། །སངས་རྒྱས་ཐམས་
D44.036.0148b02.01ཅད་མངོན་དུ་ལྟ་བར་མངོན་པར་མོས་པས་ཡོངས་སུ་བསྔོའོ། །ཆོས་སྣང་བ་ཐམས་ཅད་ལ་མངོན་པར་མོས་པས་ཡོངས་སུ་བསྔོའོ། །དོགས་པ་མེད་པའི་བྱང་ཆུབ་ཀྱི་སེམས་ཀྱིས་འཇིགས་པ་མེད་པ་ལ་མངོན་པར་མོས་པས་ཡོངས་སུ་བསྔོའོ། །
D44.036.0148b03.01བྱང་ཆུབ་སེམས་དཔའི་གནས་བསམ་གྱིས་{མྱི་,མི་}ཁྱབ་པའི་ཡེ་ཤེས་ལ་མངོན་པར་མོས་པས་ཡོངས་སུ་བསྔོའོ། །སེམས་ཅན་ཐམས་ཅད་སྙིང་རྗེ་ཆེན་པོ་རྣམ་པར་དག་པས་ཡོངས་སུ་བསྐྱབ་པ་ལ་མངོན་པར་མོས་པས་ཡོངས་སུ་བསྔོའོ། །སངས་རྒྱས་ཀྱི་
D44.036.0148b04.01ཞིང་མཐའ་དག་མ་ལུས་པ་ལྷག་མ་མེད་པར་ཐམས་ཅད་རྣམ་པར་དག་པར་བྱ་བ་དང་། བརྗོད་དུ་མེད་པའི་རྒྱན་སྣ་ཚོགས་ཀྱིས་ཐམས་ཅད་བརྒྱན་པར་མངོན་པར་མོས་པས་ཡོངས་སུ་བསྔོའོ། །བདུད་ཀྱི་ལས་དང་། བདུད་ཀྱི་ཞགས་པ་དང་།
D44.036.0148b05.01བདུད་ཀྱི་དཀྲུགས་མ་ཐམས་ཅད་རྣམ་པར་གཏོར་བ་དང་། རབ་ཏུ་གཞོམ་པར་མངོན་པར་མོས་པས་ཡོངས་སུ་བསྔོའོ། །སངས་རྒྱས་ཀྱི་ཞིང་ཐམས་ཅད་དུ་གནས་མེད་པར་བྱང་ཆུབ་སེམས་དཔའི་སྤྱོད་པ་ལ་གནས་པར་མངོན་པར་མོས་པས་ཡོངས་སུ་བསྔོའོ།
D44.036.0148b06.01ཐམས་ཅད་མཁྱེན་པའི་སེམས་རྒྱ་ཆེན་པོས་སངས་རྒྱས་ཐམས་ཅད་ཀྱི་ཆོས་ཀྱི་རྒྱུད་ལ་འཇུག་པར་མངོན་པར་མོས་པས་ཡོངས་སུ་བསྔོའོ། །དྲན་པ་རྣམ་པར་སྦྱངས་པས་ཡོངས་སུ་བསྔོའོ། །བློ་གྲོས་རྣམ་པར་ངེས་པས་
D44.036.0148b07.01