完整藏文原文 · 德格版页 当前仅加载第 36 函德格 103a 版页；藏文 NFD、目录标记与异常页序保留在来源切片中，重复版页行以稳定序号区分。
མངོན་པར་ཤེས་པ་དང་། བསོད་ནམས་དང་ཡོན་ཏན་མཉམ་པ་ཉིད་རབ་ཏུ་ཐོབ་པར་བྱ་བ་དང་། སེམས་ཅན་ཐམས་ཅད་ཀྱི་ཆོས་མི་མཉམ་པ་མེད་པའི་དགེ་བའི་རྩ་བ་མཉམ་པ་དང་ལྡན་པའི་སངས་རྒྱས་ཐམས་ཅད་
D44.036.0103a01.01ཀྱི་དབང་བསྐུར་བས་དབང་བསྐུར་བ་གཅིག་ཏུ་ལེགས་པར་དབང་བསྐུར་བ་མཉམ་པ་ཉིད་ཡོངས་སུ་རྫོགས་པར་བྱ་བ་དང་། སེམས་ཅན་ཐམས་ཅད་ཚུར་ཟིལ་གྱིས་གནོན་ཅིང་ཕར་ཟིལ་གྱིས་མི་ནོན་པའི་སེམས་ཅན་ཐམས་ཅད་ཀྱི་ཡེ་ཤེས་
D44.036.0103a02.01དང་། ལུས་རྣམ་པར་དག་པ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སྙིང་བརྩེ་བ་དང་ལྡན་པ། ཕན་པར་དགའ་བ། སྙིང་རྗེ་ཆེན་པོ་ཅན་སེམས་ཅན་ཐམས་ཅད་རྣམ་པར་དག་
D44.036.0103a03.01པར་བྱ་བ་ལ་ཡང་དག་པར་ཞུགས་པ། ཕྲག་དོག་མེད་པ་སེར་སྣ་མེད་པ། རིགས་པ་དང་ལྡན་པ། རབ་ཏུ་དགེ་བ་ཆེ་བ་ཉིད་དང་ལྡན་པ། ཡངས་པ་ལ་མོས་པ། འཁྲུག་པ་མེད་པ། ཁྲོ་བ་མེད་པ། རྙོག་པ་མེད་པ། རབ་རིབ་མེད་པ། ཁམས་དང་
D44.036.0103a04.01བསམ་པ་ཤིན་ཏུ་གསལ་བའི་ཡིད་དང་ལྡན་པ། དྲང་པོ་དྲང་བ་གཡོ་མེད་པ། རྨོངས་པ་མེད་པ། མཆོག་ཏུ་བྱ་བ་མི་ཕྱེད་པ། འདའ་བ་མེད་པར་སྤྱོད་པ། ཕྱིར་མི་ལྡོག་པ། སེམས་ཅན་ཐམས་ཅད་ལ་སེམས་མཉམ་པ། ཆོས་དཀར་པོའི་
D44.036.0103a05.01སྟོབས་ཀྱི་ཤུགས་དང་ལྡན་པ། མདུད་པ་མེད་པ། ཉམས་པ་མེད་པ། ཆོས་དཀར་པོ་ཐམས་ཅད་ཡོངས་སུ་བསྔོ་བ་ལ་མཁས་པ། སེམས་ཅན་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བ་ལ་ཡང་དག་པར་བརྩོན་པ་ལས་ངན་
D44.036.0103a06.01པ་ཐམས་ཅད་འགགས་པ། དཀའ་ཐུབ་དང་བརྟུལ་ཞུགས་ཆེན་པོའི་དགེ་བའི་རྩ་བ་སེམས་ཅན་ཐམས་ཅད་ལ་ཡོངས་སུ་བསྔོ་བ་ལ་མཁས་པ། བརྟུལ་ཞུགས་དང་། དཀའ་ཐུབ་གྱིས་སེམས་ཅན་ཐམས་ཅད་ཀྱི་དགེ་བའི་རྩ་བ་ཤིན་
D44.036.0103a07.01