完整藏文原文 · 德格版页 当前仅加载第 36 函德格 218a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པས་བཟོ་ཡི་གནས། །ཡི་གེ་ལག་བརྡ་གྲངས་དང་རྩིས་དང་གསོ་བའི་ཐབས། །འབྱུང་པོའི་གདོན་དང་ལས་རྣམས་སྣ་ཚོགས་བསྩལ་བའི་ཕྱིར། །སྙིང་བརྩེ་བྱམས་པའི་བློ་གསལ་གཙུག་ལག་ཀུན་
D44.036.0218a01.01ལ་གཞོལ། །རང་བཟོ་མཆོག་དང་གར་སྡུག་སྣ་ཚོགས་དགའ་བྱེད་དང་། །ཆུ་ཀླུང་ར་བ་ཤིང་ཏོག་མེ་ཏོག་འདུག་གནས་དང་། །བྱ་བ་སྣ་ཚོགས་སྒྲུབ་བྱེད་སེམས་ཅན་བདེ་དོན་དུ། །རིན་ཆེན་འབྱུང་གནས་དུ་མ་འང་ཉེ་བར་སྟོན་པ་བྱེད། །ས་
D44.036.0218a02.01གཡོ་ཉི་ཟླ་གཟའ་སྐར་ཀུན་ཀྱང་དེ་བཞིན་དུ། །སེམས་ཅན་ཡན་ལག་མཚན་མའི་དཔྱད་དང་རྒྱལ་སྲིད་གནས། །གཟུགས་མེད་བསམ་གཏན་མངོན་ཤེས་མཆོག་དང་ཚད་མེད་པ། །འགྲོ་ལ་བདེ་དང་ཕན་པའི་དོན་འདོད་མངོན་པར་
D44.036.0218a03.01བསྒྲུབ། །ཤིན་ཏུ་རྒྱལ་དཀའ་འདི་ཐོབ་ཤེས་རབ་མཆོག་སྤྱོད་པ། །སངས་རྒྱས་བྱེ་བ་མཆོད་བྱེད་ཆོས་རྣམས་ཉན་པ་བྱེད། །དེ་དག་དགེ་དང་བསམ་པ་ཕྱིར་ཞིང་དག་པར་འགྱུར། །གསེར་སྦྲམ་ཇི་ལྟར་མུ་སར་གལ་བས་བཏབ་པ་
D44.036.0218a04.01བཞིན། །ཇི་ལྟར་བར་སྣང་གཟའི་རིན་ཆེན་གཞལ་མེད་ཁང་། །རླུང་ལ་རྒྱུ་སྟེ་འོན་ཀྱང་རླུང་གིས་འཕྲོགས་པ་མིན། །དེ་ལྟར་འགྲོ་བའི་དོན་སྤྱོད་འཇིག་རྟེན་ཆོས་སྤྱོད་ཀྱང་། །ཇི་ལྟར་པད་མོ་ཆུས་མི་ཆགས་བཞིན་འཕྲོགས་པ་མིན།
D44.036.0218a05.01འདི་ལ་གནས་པ་དགའ་ལྡན་དབང་པོ་མཁས་པར་འགྱུར། །མུ་སྟེགས་སྤྱོད་དང་ལྟ་བ་མང་པོའི་གནས་ཀྱང་སེལ། །སྟོབས་རྣམས་བཅུ་པོས་སེམས་ཅན་བསྐྱབ་པར་བྱའོ་ཞེས། །དགེ་བ་དེ་དག་རྒྱལ་བའི་ཡེ་ཤེས་དོན་དུ་རྩོམ།
D44.036.0218a06.01འདི་ནས་གོང་དུ་བརྩོན་འགྲུས་རྩོམ་བྱེད་མཐུ་ཐོབ་པ། །ཁྲག་ཁྲིག་བྱེ་བ་སྟོང་གི་བདེ་གཤེགས་མཆོད་པ་བྱེད། །ཏིང་འཛིན་ཐོབ་ནས་ཁྲག་ཁྲིག་ཞིང་ཡང་མཁས་པས་སྐྱོད། །ཡན་ཅད་སྨོན་ལམ་ཁྱད་པར་ཡོན་ཏན་འབྱུང་གནས་སོ། །
D44.036.0218a07.01