完整藏文原文 · 德格版页 当前仅加载第 36 函德格 190b 版页；藏文 NFD、目录标记与异常页序保留在来源切片中，重复版页行以稳定序号区分。
པ་གཉིས་མངོན་པར་འགྲུབ་པ་འདི་ལྟ་སྟེ། ཡིད་དུ་མི་འོང་བ་ཐོས་པ་དང་། འཐབ་མོའི་ཚིག་གོ། ཚིག་ཀྱལ་བས་ནི། སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ནའང་རྣམ་པར་སྨིན་པ་གཉིས་མངོན་པར་
D44.036.0190b01.01འགྲུབ་པ་འདི་ལྟ་སྟེ། ཚིག་མི་བཙུན་པ་དང་། སྤོབས་པ་མ་བརྟགས་པའོ། །ཆགས་སེམས་ཀྱིས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་པ་འདི་ལྟ་སྟེ། ཆོག་མི་ཤེས་
D44.036.0190b02.01པ་དང་། འདོད་པ་ཆེ་བའོ། །གནོད་སེམས་ཀྱིས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མྱིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་པ་འདི་ལྟ་སྟེ། གནོད་པར་གླགས་ལྟ་བ་དང་། ཕ་རོལ་གྱིས་མནར་བའོ། །
D44.036.0190b03.01ལོག་པར་ལྟ་བས་ནི་སེམས་ཅན་དམྱལ་བར་ཁྲིད་དོ། །བྱོལ་སོང་གི་སྐྱེ་གནས་སུ་ཁྲིད་དོ། །གཤིན་རྗེའི་འཇིག་རྟེན་དུ་ཁྲིད་དོ། །དེ་ནས་ཅི་སྟེ་མྱིར་སྐྱེས་ན་ཡང་རྣམ་པར་སྨིན་པ་གཉིས་མངོན་པར་འགྲུབ་པ་འདི་ལྟ་སྟེ། ལྟ་བ་ངན་པར་ལྟུང་བ་དང་གཡོ་སྒྱུ་ཅན་ནོ། །དེ་ལྟར་ན་མི་དགེ་བ་བཅུའི་ལས་ཀྱི་ལམ་
D44.036.0190b04.01འདི་དག་ནི་སྡུག་བསྔལ་གྱི་ཕུང་པོ་ཆེ་ཞིང་ཚད་མེད་པ་སྡུད་པར་འགྱུར་གྱིས་མི་དགེ་བ་བཅུའི་ལས་ཀྱི་ལམ་འདི་དག་བདག་གིས་སྤངས་ཏེ་ཆོས་ལ་དགའ་ཞིང་མོས་པར་དགའ་བར་གནས་པར་བྱའོ་ཞེས་ཏེ། དེ་མི་དགེ་བ་བཅུའི་ལས་ཀྱི་ལམ་འདི་དག་སྤངས་ནས་དགེ་བ་བཅུའི་
D44.036.0190b05.01ལས་ཀྱི་ལམ་ལ་གནས་ཤིང་གཞན་ཡང་དེ་ཉིད་ལ་རབ་ཏུ་གཞོག་གོ །དེ་སེམས་ཅན་རྣམས་ལ་སྔོན་བས་ཀྱང་ཕན་པའི་སེམས་དང་། བདེ་བའི་སེམས་དང་། བྱམས་པའི་སེམས་དང་། སྙིང་རྗེའི་སེམས་དང་། སྙིང་བརྩེ་བའི་སེམས་དང་། ཕན་གདགས་པའི་སེམས་དང་། ཡོངས་སུ་བསྲུང་
D44.036.0190b06.01བའི་སེམས་དང་། སློབ་དཔོན་ཀྱི་སེམས་དང་། སྟོན་པའི་སེམས་དང་མཉམ་པའི་སེམས་བསྐྱེད་ཅིང་དེ་འདི་སྙམ་དུ་སེམས་ཏེ། ཀྱེ་མ་སེམས་ཅན་འདི་དག་ནི་ལྟ་བ་ངན་པར་ལྟུང་བ་དག་སྟེ། བློ་གྲོས་མི་མཉམ་ཞིང་བསམ་པ་མི་མཉམ་པ། ལོག་པའི་ལམ་ཐིབས་
D44.036.0190b07.01