完整藏文原文 · 德格版页 当前仅加载第 36 函德格 300a 版页；藏文 NFD、目录标记与异常页序保留在来源切片中，重复版页行以稳定序号区分。
གསུམ་གྱི་སྟོང་ཆེན་པོའི་འཇིག་རྟེན་གྱི་ཁམས་དེར་ཡང་གླིང་བཞི་པ་ཁྲག་ཁྲིག་ཕྲག་བརྒྱ་སྟོན་ཏོ། །གླིང་བཞི་པ་ཁྲག་ཁྲིག་བརྒྱ་པོ་རེ་རེ་ཞིང་ཡང་བདག་གི་ལུས་རེ་རེ་བྱིན་གྱིས་རློབ་སྟེ། ལུས་དེ་དག་རེ་རེ་ལའང་སྟོང་གསུམ་
D44.036.0300a01.01གྱི་སྟོང་ཆེན་པོའི་འཇིག་རྟེན་གྱི་ཁམས་ཁྲག་ཁྲིག་བརྒྱ་བརྒྱ་སྟོན་ཏོ། །འཇིག་རྟེན་གྱི་ཁམས་དེ་དག་གི་གླིང་བཞི་བ་རེ་རེར་ཡང་བྱང་ཆུབ་སེམས་དཔའི་སྤྱོད་པ་ཁྲག་ཁྲིག་བརྒྱ་བརྒྱ་ཡང་དག་པར་སྟོན་ཏེ། བྱང་ཆུབ་སེམས་དཔའི་སྤྱོད་པ་དེ་དག་རེ་རེ་
D44.036.0300a02.01ལ་ཡང་མོས་པ་བྱེ་བ་ཁྲག་ཁྲིག་བརྒྱ་བརྒྱ་མངོན་པར་སྒྲུབ་བོ། །མོས་པ་དེ་དག་རེ་རེ་ལ་ཡང་དབང་པོ་སྣ་ཚོགས་རྣམ་པར་ཕྱེ་བ་ཁྲག་ཁྲིག་བརྒྱ་བརྒྱ་ཡོངས་སུ་རྫོགས་པ་རབ་ཏུ་ཐོབ་པར་བྱ་བ་ཡོངས་སུ་རྫོགས་པར་བྱེད་དོ། །དབང་པོ་སྣ་ཚོགས་
D44.036.0300a03.01རྣམ་པར་ཕྱེ་བ་དེ་དག་རེ་རེ་ལ་ཡང་བྱང་ཆུབ་སེམས་དཔའ་ཁྲག་ཁྲིག་ཕྲག་བརྒྱ་བརྒྱ་ཕྱིར་མི་ལྡོག་པའི་ལས་ཀྱིས་བྱང་ཆུབ་སེམས་དཔའི་ཆོས་ལ་རབ་ཏུ་གཞོག་གོ །འོན་ཀྱང་ལུས་མང་པོ་འམ་ལྷག་པར་འཕེལ་བར་མི་བྱེད་དོ། །མཉམ་པར་གཞག་
D44.036.0300a04.01པའང་ཉམས་པར་འགྱུར་བ་མེད་དོ། །ཀྱེ་རྒྱལ་བའི་སྲས་དག་འདི་ལྟ་སྟེ་དཔེར་ན། ལྷ་མ་ཡིན་གྱི་དབང་པོ་སྒྲ་གཅན་ཞེས་བྱ་བ་ཡོད་དེ། དེའི་རང་བཞིན་གྱི་ལུས་ནི་དཔག་ཚད་བདུན་བརྒྱའོ། །དེའི་སྤྲུལ་པའི་ལུས་ནི་དཔག་ཚད་བརྒྱ་སྟོང་ཕྲག་
D44.036.0300a05.01དྲུག་ཅུ་རྩ་བརྒྱད་དེ། དེའི་ལུས་ཕྱེད་རྒྱ་མཚོ་ཆེན་པོའི་ནང་ན། འདུག་ཀྱང་ལུས་ཀྱི་སྟོད་གྱེན་དུ་འཕགས་པ་རི་རབ་ཀྱི་རྩེ་མོ་དང་མཉམ་ཡང་། ཀྱེ་རྒྱལ་བའི་སྲས་ལྷ་མ་ཡིན་གྱི་དབང་པོ་སྒྲ་གཅན་ད་སྤྲུལ་པའི་ལུས་ཚད་བརྒྱ་སྟོང་ཕྲག་དྲུག་ཅུ་རྩ་བརྒྱད་
D44.036.0300a06.01པ་དེས་སྔོན་གྱི་ལུས་འཇིག་པར་མི་བྱེད་དོ། །སྔོན་སྐྱེས་པའི་ཕུང་པོ་དང་ཁམས་དང་། སྐྱེ་མཆེད་ཀྱང་ཡོངས་སུ་ཉམས་པར་མི་འགྱུར་རོ། །ལུས་ཆེན་པོ་དེ་ཡོད་པས་ཀྱང་སྤྲུལ་པའི་ལུས་ལ་གཞན་དུ་འདུ་ཤེས་པར་མི་འགྱུར་ཏེ། ལུས་སྔ་
D44.036.0300a07.01