完整藏文原文 · 德格版页 当前仅加载第 36 函德格 25a 版页；藏文 NFD、目录标记与异常页序保留在来源切片中，重复版页行以稳定序号区分。
མེ་ཏོག་དང་། ཡིད་དུ་འོང་བའི་མེ་ཏོག་དུ་མ་དང་། {མྱིག་,མིག་}ཏུ་འོང་བའི་མེ་ཏོག་དང་། {མྱི་,མི་}མཐུན་པ་མེད་པའི་མེ་ཏོག་དང་། དུས་ཐམས་ཅད་ན་ཡོད་པའི་མེ་ཏོག་དང་། ལྷ་རྫས་དང་{མྱིའི་,མིའི་}མེ་ཏོག་དང་། འོད་མཛེས་པའི་མེ་ཏོག་དང་། ཤིན་
D44.036.0025a01.01ཏུ་དྲི་ཆེ་ཞིང་ཡིད་དུ་འོང་བར་མཛེས་པའི་མེ་ཏོག་དང་། འདི་ལྟ་བུའི་མེ་ཏོག་རྣམས་སངས་རྒྱས་བཅོམ་ལྡན་འདས་མངོན་དུ་གྱུར་པ་དང་། དེ་བཞིན་གཤེགས་པ་ཡོངས་སུ་མྱ་ངན་ལས་འདས་པའི་མཆོད་རྟེན་རྣམས་ལ་འབུལ་བ་དང་། ཆོས་དཀོན་མཆོག་ལ་མཆོད་པ་
D44.036.0025a02.01བྱེད་པ་དང་། དགེ་འདུན་དཀོན་མཆོག་ལ་འབུལ་བ་དང་། དགེ་བའི་བཤེས་གཉེན་བྱང་ཆུབ་སེམས་དཔའ་ལ་འབུལ་བ་དང་། ཉན་ཐོས་དང་རང་སངས་རྒྱས་དང་། ཕ་དང་མ་རྣམས་ལ་སྦྱིན་པ་བྱེད་པའི་ཚེ་ཆུང་ངུ་ན་བདག་གི་ལུས་དང་དེ་མ་ཡིན་པའི་གཞན་བཀྲེན་
D44.036.0025a03.01པ་ཕོངས་པ། སློང་ཞིང་ལེན་པ་སྣ་ཚོགས་ལ་དེ་དང་དེ་དག་སྦྱིན་པར་བྱ་བའི་ཚེ། དགེ་བའི་རྩ་བ་དེ་དག་འདི་ལྟར་ཡོངས་སུ་བསྔོ་སྟེ། སེམས་ཅན་ཐམས་ཅད་ཆོས་ཐམས་ཅད་ཀྱི་མེ་ཏོག་རྒྱས་པའི་སེམས་དང་ལྡན་པས་སངས་རྒྱས་ཀྱི་ཏིང་ངེ་འཛིན་གྱི་མེ་ཏོག་རྒྱས་
D44.036.0025a04.01པ་རབ་ཏུ་མཐོང་བར་གྱུར་ཅིག །སེམས་ཅན་ཐམས་ཅད་སངས་རྒྱས་ལ་དགའ་བ་རབ་ཏུ་རྙེད་ནས་བལྟ་ན་{མྱི་,མི་}ངོམས་པར་གྱུར་ཅིག །སེམས་ཅན་ཐམས་ཅད་སེམས་ཅན་ཀུན་གྱི་སེམས་མི་འཁྲུག་པས་བལྟ་ན་ཡིད་དུ་འོང་བར་གྱུར་ཅིག །སེམས་ཅན་ཐམས་ཅད་
D44.036.0025a05.01དགེ་བའི་ལས་ལ་ལྟ་ཞིང་ཉེ་བར་སྤྱོད་པས་ལྟ་བ་ཡོངས་པར་གྱུར་ཅིག །སེམས་ཅན་ཐམས་ཅད་དགེ་བའི་བཤེས་གཉེན་ཐམས་ཅད་ལ་ལྟ་བ་དང་སེམས་མཉམས་པས་རྗེས་སུ་ལྟ་བའི་དྲན་པ་དང་ལྡན་པར་གྱུར་ཅིག །སེམས་ཅན་ཐམས་ཅད་འགྲོ་བ་ཀུན་གྱི་ཉོན་མོངས་པའི་
D44.036.0025a06.01དུག་བསྲེག་པའི་ཕྱིར་དུག་སྨན་བཟང་པོ་ཉམས་མྱོང་བ་ལྟ་བུར་གྱུར་ཅིག །སེམས་ཅན་ཐམས་ཅད་ཡེ་ཤེས་ཀྱི་རྒྱལ་པོ་ཆེན་པོ་ལ་འགྲོ་བ་ཐམས་ཅད་འགོད་པས་སྨོན་ལམ་ཆེན་པོ་མཐོང་བར་གྱུར་ཅིག །སེམས་ཅན་ཐམས་ཅད་སེམས་ཅན་ཀུན་གྱི་རབ་རིབ་དང་། ལིང་ཏོག་དང་།
D44.036.0025a07.01