完整藏文原文 · 德格版页 当前仅加载第 36 函德格 88a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའི་སྤྱོད་པས་རྒྱས་པར་དགང་བའི་ཕྱིར་ཡོངས་སུ་བསྔོའོ། །འཇིག་རྟེན་གྱི་ཁམས་ཀྱི་གྲངས་དང་འཇིག་རྟེན་གྱི་ཁམས་ཀྱི་རྒྱུད་དང་འཇིག་རྟེན་གྱི་ཁམས་འབྱམ་ཀླས་པ་ཀུན་ནས་ཉོན་མོངས་པ་དང་། རྣམ་པར་དག་
D44.036.0088a01.01པ་དང་ཆེ་བ་དང་། ཆུང་བ་དང་། ཕྲ་བ་དང་། ཡངས་པ་དང་། སྣྲེལ་ཞིར་རྒྱུ་བ་དང་། སྤྱིའུ་ཚུགས་སུ་བསྟན་པ་དང་། རྒྱན་གཅིག་པ་དང་། རྒྱན་ཐ་དད་པ་དང་། འཇིག་རྟེན་གྱི་ཁམས་སྣ་ཚོགས་སུ་བགྲང་ཞིང་བསྟན་པ་ཐམས་ཅད་མ་ལུས་པར་བྱང་
D44.036.0088a02.01ཆུབ་སེམས་དཔའི་སྤྱོད་པས་ཡོངས་སུ་རྒྱས་པར་དགང་བའི་ཕྱིར་ཡོངས་སུ་བསྔོའོ། །སངས་རྒྱས་ཀྱི་ཕྲིན་ལས་ཐམས་ཅད་མ་ལུས་པ་ལ་དུས་གསུམ་དུ་བརྩོན་པས་སེམས་སྐད་ཅིག་རེ་རེ་ཞིང་ཐམས་ཅད་མཁྱེན་པར་གདུལ་བ་དང་། རབ་ཏུ་དགོད་པར་བྱ་
D44.036.0088a03.01བའི་ཕྱིར་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་སེམས་ཅན་གྱི་ཁམས་གྲངས་མེད་པ་ཐམས་ཅད་གཟུང་བར་བྱ་བའི་ཕྱིར་སངས་རྒྱས་ཀྱི་ལམ་རྒྱུན་མི་གཅད་པ་ལ་ཞུགས་པ་སྙིང་རྗེ་ཆེན་པོས་འགྲོ་བ་ཐམས་ཅད་ཡོངས་
D44.036.0088a04.01སུ་སྐྱོབ་ཅིང་བྱམས་པ་ཆེན་པོ་ཚད་མེད་པ་ལ་གནས་པ། བྱང་ཆུབ་སེམས་དཔའི་སྤྱོད་པ་ཐམས་ཅད་ཀྱི་རྗེས་སུ་སློབ་པར་ཞུགས་པ། དེ་བཞིན་གཤེགས་པའི་གདམས་ངག་ཐམས་ཅད་ཀྱི་ཚུལ་ལ་གནས་པ། སངས་རྒྱས་ཐམས་ཅད་ལ་དགེ་བའི་རྩ་
D44.036.0088a05.01བ་རྒྱུན་མི་འཆད་པར་སྐྱེད་པ། དུས་ཐམས་ཅད་དུ་སློང་བ་ལ་སྐྱོ་བ་མེད་པར་རིམ་གྲོ་བྱེད་པའི་སེམས་དང་ལྡན་པ། གཏང་བ་ཐམས་ཅད་བཏང་བས་འགྱོད་པ་མེད་པའི་སེམས་དང་ལྡན་པ། སྦྱིན་པ་བརྩམས་པ་ཐམས་ཅད་མཁྱེན་
D44.036.0088a06.01པར་ཡོངས་སུ་བསྔོ་བ་ལ་བརྩོན་པ་དེས་སློང་བ་དེ་དང་དེ་དག་འོངས་ཤིང་ཡོ་བྱད་(གྱི་,ཀྱི་)དངོས་པོ་མཐའ་ཡས་པ་སློང་བ་དང་སློང་བ་ཐམས་ཅད་ཀྱི་བསམ་པ་ཡོངས་སུ་རྫོགས་པར་བྱེད་པའི་བྱང་ཆུབ་སེམས་དཔའི་སྤྱོད་པས་དུས་གཞན་དང་གཞན་དུ་སློང་བ་
D44.036.0088a07.01