完整藏文原文 · 德格版页 当前仅加载第 36 函德格 137b 版页；藏文 NFD、目录标记与异常页序保留在来源切片中，重复版页行以稳定序号区分。
འདས་པའི་སངས་རྒྱས་ཐམས་ཅད་ཀྱི་ཡུལ་ལ་ཡོངས་སུ་སྤྱོད་པ་ཡིན། མ་བྱོན་པའི་སངས་རྒྱས་ཐམས་ཅད་ཀྱི་ཡུལ་ལ་རབ་ཏུ་གནས་པ་ཡིན། ད་ལྟར་བྱུང་བའི་སངས་རྒྱས་ཐམས་ཅད་ཀྱི་ཡུལ་དང་མཉམ་པར་འགྱུར་བ་ཡིན། འདས་པ་དང་མ་བྱོན་པ་དང་ད་ལྟར་བྱུང་བའི་
D44.036.0137b01.01སངས་རྒྱས་ཐམས་ཅད་དང་དགེ་བའི་རྩ་བའི་མཚན་ཉིད་གཅིག་པ་ཡིན། འདས་པ་དང་མ་བྱོན་པ་དང་། ད་ལྟར་བྱུང་བའི་སངས་རྒྱས་ཀྱི་རིགས་ཐམས་ཅད་དང་མཉམ་པ་ཉིད་དུ་གནས་པ་ཐོབ་པ་ཡིན། འདས་པ་དང་མ་བྱོན་པ་དང་ད་ལྟར་བྱུང་བའི་དེ་བཞིན་
D44.036.0137b02.01གཤེགས་པ་ཐམས་ཅད་ཀྱི་སྤྱོད་ཡུལ་དང་། ཚུལ་གྱི་རྒྱུད་གཅིག་ཏུ་གྱུར་པ་ཡིན། འདས་པ་དང་མ་བྱོན་པ་དང་ད་ལྟར་བྱུང་བའི་སེམས་ཅན་གྱི་གཙོ་བོ་ཐམས་ཅད་ཀྱི་ཡུལ་དང་{མྱི་,མི་}འགལ་བ་ཐོབ་པ་ཡིན་ཏེ། ཀྱེ་རྒྱལ་བའི་སྲས་དག་འདི་ནི་བྱང་ཆུབ་སེམས་དཔའ་
D44.036.0137b03.01སེམས་དཔའ་ཆེན་པོ་རྣམས་ཀྱི་ཡོངས་སུ་བསྔོ་བ་ཆགས་པ་{མྱེད་,མེད་}པ་དང་། གྲོལ་ཞིང་བཅིངས་པ་{མྱེད་,མེད་}པའི་སེམས་ཤེས་བྱ་བ་སྟེ་དགུ་པའོ། །ཡོངས་སུ་བསྔོ་བ་དེ་དག་ལ་གནས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ནི་དགེ་བའི་རྩ་བ་ཐམས་ཅད་དེ་དེ་ལྟར་ཡོངས་
D44.036.0137b04.01སུ་བསྔོ་སྟེ། དེ་དེ་ལྟར་ཡོངས་སུ་བསྔོ་བས་འཁོར་ཡུག་རྡོ་རྗེའི་རི་ཐམས་ཅད་ཀྱིས་{མྱི་,མི་}ཆོམས་པའི་སྟོབས་དང་ལྡན་པ་ཡིན། འགྲོ་བ་ཐམས་ཅད་ཀྱི་གཟུགས་ཐམས་ཅད་མ་ལུས་པ་དང་ལྡན་ཞིང་ཟིལ་གྱིས་{མྱི་,མི་}ནོན་པ་ཡིན། བདུད་ཀྱི་སྡེ་དང་བདུད་ཀྱི་དཔུང་དང་།
D44.036.0137b05.01བདུད་ཀྱི་ལས་ཐམས་ཅད་རབ་ཏུ་འཇོམས་པ་ཡིན། འཇིག་རྟེན་གྱི་ཁམས་ཐམས་ཅད་དུ་བྱང་ཆུབ་སེམས་དཔའི་སྤྱོད་པ་མ་ལུས་པར་ཡང་དག་པར་བསྟན་པ་ལ་བརྩོན་པ་ཡིན། འགྲོ་བ་ཐམས་ཅད་ལ་གོ་བར་བྱེད་པའི་སངས་རྒྱས་ཀྱི་ཆོས་ཐམས་ཅད་ཀྱི་ཚིག་དབྱེ་བ་ལ་མཁས་
D44.036.0137b06.01པ་དང་ལྡན་པ་ཡིན། སངས་རྒྱས་ཀྱི་ཆོས་ཐམས་ཅད་ལ་རྨོངས་པ་{མྱེད་,མེད་}པའི་ཡེ་ཤེས་འབྱམ་ཀླས་པ་དང་ལྡན་པ་ཡིན། གང་དང་གང་དུ་ཤི་འཕོ་བ་དང་སྐྱེ་བ་དང་འགྲོ་བ་དང་འོང་བ་དང་། གནས་པ་དང་འདུག་པ་ཐམས་ཅད་དུ་{མྱི་,མི་}ཕྱེད་པའི་གཡོག་འཁོར་དང་ལྡན་པ་ཡིན།
D44.036.0137b07.01