完整藏文原文 · 德格版页 当前仅加载第 36 函德格 12a 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་བསྟན་པར་བྱ་བའི་ཕྱིར་ཐམས་ཅད་དུ་རྗེས་སུ་སོང་བའི་ལུས་ཀྱི་ལས་རབ་ཏུ་འཐོབ་བོ། །སངས་རྒྱས་ཀྱི་ཞིང་ཐམས་ཅད་དུ་རྣམ་པར་བསྟན་པ་བསྒྲིབས་པ་མེད་པའི་ཕྱིར་ཐམས་ཅད་ཀྱི་རྗེས་སུ་སོང་བའི་ངག་གི་ལས་རབ་ཏུ་འཐོབ་བོ། །སངས་རྒྱས་
D44.036.0012a01.01ཀྱི་ཆོས་ཐམས་ཅད་བསྟན་ཅིང་གཟུང་བའི་ཕྱིར་ཐམས་ཅད་དུ་རྗེས་སུ་སོང་བའི་ཡིད་ཀྱི་ལས་རབ་ཏུ་འཐོབ་བོ། །སེམས་ཅན་ཐམས་ཅད་རྗེས་སུ་འབྲང་བར་བྱ་བའི་ཕྱིར་ཐམས་ཅད་ཀྱི་རྗེས་སུ་སོང་པའི་རྫུ་འཕྲུལ་དང་རྣམ་པར་འཕྲུལ་པ་རབ་ཏུ་འཐོབ་བོ། །ཆོས་ཐམས་ཅད་ལ་ཡང་
D44.036.0012a02.01དག་པར་འཇུག་པར་བྱ་བའི་ཕྱིར་ཐམས་ཅད་དུ་རྗེས་སུ་སོང་བའི། ཆོས་ཁོང་དུ་ཆུད་པ་རབ་ཏུ་འཐོབ་བོ། །སེམས་ཅན་ཐམས་ཅད་ཀྱི་བསམ་པ་ཚིམ་པར་བྱ་བའི་ཕྱིར་ཐམས་ཅད་ཀྱི་རྗེས་སུ་སོང་བའི་གཟུངས་དང་སྤོབས་པ་ཐོབ་པར་བྱ་བར་རབ་ཏུ་འཐོབ་བོ། །སྤུའི་
D44.036.0012a03.01སྦུབས་གཅིག་ཏུ་འཇིག་རྟེན་གྱི་ཁམས་ཐམས་ཅད་གཟུད་པར་བྱ་བའི་ཕྱིར་ཐམས་ཅད་དུ་རྗེས་སུ་སོང་བའི་ཆོས་ཀྱི་དབྱིངས་ལ་འཇུག་པ་རབ་ཏུ་འཐོབ་བོ། །སེམས་ཅན་གཅིག་གི་ལུས་སུ་སེམས་ཅན་ཐམས་ཅད་ཀྱི་ལུས་ཡང་དག་པར་གཞོལ་བར་བྱ་བའི་ཕྱིར་ཐམས་ཅད་ཀྱི་རྗེས་སུ་
D44.036.0012a04.01སོང་བའི་ལུས་ལ་འཇུག་པ་རབ་ཏུ་འཐོབ་བོ། །བསྐལ་པ་ཐམས་ཅད་དུ་དེ་བཞིན་གཤེགས་པ་མཐོང་བ་དང་མི་འབྲལ་བ་ལ་འདུག་པའི་ཕྱིར་ཐམས་ཅད་ཀྱི་རྗེས་སུ་སོང་བའི་བསྐལ་པའི་གྲངས་ལ་འཇུག་པ་རབ་ཏུ་འཐོབ་བོ། །སྐད་ཅིག་གཅིག་གིས་དེ་བཞིན་གཤེགས་པ་འབྱུང་
D44.036.0012a05.01བ་ཐམས་ཅད་མངོན་སུམ་དུ་བསྟན་པའི་ཕྱིར། ཐམས་ཅད་རྗེས་སུ་སོང་བའི་སྐད་ཅིག་ལ་འཇུག་པ་རབ་ཏུ་འཐོབ་བོ། །དེ་ནས་བྱང་ཆུབ་སེམས་དཔའ་རྡོ་རྗེའི་རྒྱལ་མཚན་གྱིས་སངས་རྒྱས་ཀྱི་བྱིན་གྱི་རླབས་ཀྱིས་ཕྱོགས་བཅུར་རྣམ་པར་བལྟས་ཏེ། དེའི་ཚེ་ཚིགས་
D44.036.0012a06.01སུ་བཅད་པ་འདི་དག་སྨྲས་སོ། །འཇིག་རྟེན་མཐའ་དང་དབུས་མེད་གང་ལ་ཡང་། །དེ་དག་གནས་འཆའ་གང་ཡང་ཡོད་པ་{མྱིན,མིན}། །སེམས་ཅན་ཕན་པའི་དོན་ལས་ཕྱིར་མི་ལྡོག །མི་རབ་དེ་དག་ཡེ་ཤེས་འདི་འདྲའོ། །ཞིང་རྣམས་ལ་ཡང་གནས་པར་མི་བྱེད་དེ། །
D44.036.0012a07.01