完整藏文原文 · 德格版页 当前仅加载第 36 函德格 351b 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་དང་མི་གཉིས་པར་སྤྱོད་པ་མ་ཡིན། ཅིའི་ཕྱིར་གནས་པའི་མཐར་གྱུར་པའི་ཡེ་ཤེས་དང་ལྡན་པ་མ་ཡིན། ཅིའི་ཕྱིར་བྱང་ཆུབ་སེམས་དཔའ་ཀུན་ཏུ་བཟང་པོའི་སྤྱོད་པ་དང་སྨོན་ལམ་རྒྱུན་གཅོད་པ་མ་ཡིན། ཅིའི་ཕྱིར་ཆོས་ཀྱི་
D44.036.0351b01.01དབྱིངས་ཀྱི་མཐར་ཐུག་པ་མ་ཡིན། ཅིའི་ཕྱིར་བྱང་ཆུབ་སེམས་དཔའི་རྒྱུད་ཉེ་བར་ལེན་པ་བཏང་སྙོམས་སུ་མི་གཞོག །དེ་ནས་བྱང་ཆུབ་སེམས་དཔའ་ཀུན་ཏུ་བཟང་པོས། བྱང་ཆུབ་སེམས་དཔའ་ཀུན་ཏུ་མིག་ལ་འདི་སྐད་ཅེས་སྨྲས་སོ། །
D44.036.0351b02.01ཀྱེ་རྒྱལ་བའི་སྲས་ཁྱོད་དེ་སྐད་དུ་གལ་ཏེ། བྱང་ཆུབ་སེམས་དཔའ་དེ་བཞིན་གཤེགས་པ་ཐམས་ཅད་དང་མཚུངས་པ་མཉམ་པ་ཡིན་ན། ཅིའི་ཕྱིར་སངས་རྒྱས་མ་ཡིན་ཞེས་ཟེར་བ་དེ་ཇི་སྐད་སྨྲས་པ་དེ་བཞིན་ཏེ་ལེགས་སོ་ལེགས་སོ། །
D44.036.0351b03.01ཀྱེ་རྒྱལ་བའི་སྲས་ནམ་བྱང་ཆུབ་སེམས་དཔའི་སྤྱོད་པའི་དཀྱིལ་འཁོར་དང་འདས་པ་དང་མ་འོངས་པ་དང་ད་ལྟར་བྱུང་བའི་སྨོན་ལམ་ཐ་མི་དད་པར་ཞུགས་པས་ཡང་དག་པར་སྐྱེས་པའི་ཡུལ་ཐོབ་པར་གྱུར་པ་དེའི་ཚེ་སངས་རྒྱས་ཞེས་བྱའོ། །དེ་བཞིན་
D44.036.0351b04.01གཤེགས་པའི་དོན་དུ་བྱང་ཆུབ་སེམས་དཔའི་སྤྱད་པ་སྤྱོད་པ་རྒྱུན་མ་བཅང་པས་དེ་བྱང་ཆུབ་སེམས་དཔའ་ཞེས་བྱའོ། །ནམ་དེ་བཞིན་གཤེགས་པ་རྣམས་ཀྱི་སྟོབས་བཅུ་ལ་ཞུགས་པར་གྱུར་པ་དེའི་ཚེ་སྟོབས་བཅུ་ཞེས་བྱའོ། །དེ་བཞིན་
D44.036.0351b05.01གཤེགས་པའི་སྟོབས་སྒྲུབ་ཅིང་། བྱང་ཆུབ་སེམས་དཔའི་སྤྱོད་པ་རྒྱུན་མི་གཅོད་པས་བྱང་ཆུབ་སེམས་དཔའ་ཞེས་བྱའོ། །ནམ་ཆེད་དུ་བྱ་བ་མེད་པར་ཆོས་ཀྱི་དབྱིངས་ཤིན་ཏུ་བསྟན་པ་ཐམས་ཅད་རྟོགས་པར་གྱུར་པ་དེའི་ཚེ་ཐམས་
D44.036.0351b06.01ཅད་མཁྱེན་པ་ཞེས་བྱའོ། །ཆོས་ཀྱི་དབྱིངས་ཐམས་ཅད་ཤིན་ཏུ་བསྟན་པ་ཐ་དད་པ་ལ་འཇུག་པ་རིག་པར་སྤྱོད་ཅིང་མཁས་པར་བྱ་བ་ལས་ཕྱིར་མི་ལྡོག་པས་དེའི་ཕྱིར་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་
D44.036.0351b07.01