完整藏文原文 · 德格版页 当前仅加载第 36 函德格 353b 版页；藏文 NFD、目录标记与异常页序保留在来源切片中，重复版页行以稳定序号区分。
ཏེ། མགོ་སུམ་ཅུ་རྩ་གསུམ་མངོན་པར་སྤྲུལ་པ་བྱེད་དོ། །མགོ་རེ་རེ་ལ་ཡང་མཆེ་བ་དྲུག་དྲུག་མངོན་པར་སྤྲུལ་པ་བྱེད་དོ། །སོ་རེ་རེ་ལ་ཡང་རྫིང་བུ་བདུན་བདུན་མངོན་པར་སྤྲུལ་པ་བྱེད་དོ། །རྫིང་བུ་རེ་རེ་ཞིང་ཡང་པད་མོ་བདུན་བདུན་མངོན་པར་
D44.036.0353b01.01སྤྲུལ་པ་བྱེད་དོ། །པད་མོ་རེ་རེ་ལ་ཡང་ལྷའི་བུ་མོ་བརྒྱ་ཕྲག་བདུན་བདུན་མངོན་པར་སྤྲུལ་པ་བྱེད་དོ། །ལྷའི་བུ་མོ་དེ་དག་ཐམས་ཅད་ཀྱང་ལྷ་རྫས་ཀྱི་རོལ་མོ་སྟོང་ཕྲག་དུ་མའི་སྒྲ་འབྱིན་པས་ལྷའི་དབང་པོ་བརྒྱ་བྱིན་ལ་རིམ་གྲོར་བྱེད་དོ། །ལྷའི་དབང་
D44.036.0353b02.01པོ་བརྒྱ་བྱིན་ཡང་ཤུགས་དང་ལྡན་པའི་རིམ་གྲོ་དང་སྤྲུལ་པ་ལ་ལོངས་སྤྱོད་པའི་ཕྱིར། ཆུ་ཀླུང་ཕྱོགས་མཚམས་ཞེས་བྱ་བའི་ངོགས་ནས་པུན་ད་རི་ཀ་གཅིག་གིས་ཁེབས་པ་ཞེས་བྱ་བའི་བཟའ་ཤིང་གི་ར་བར་འགྲོའོ། །དེ་ནས་ལྷའི་དབང་པོ་བརྒྱ་བྱིན་
D44.036.0353b03.01པུན་ད་རི་ཀ་གཅིག་གིས་ཁེབས་པའི་བཟའ་ཤིང་གི་ར་བར་ཕྱིན་ནས། གླང་པོའི་རྒྱལ་པོ་ཤུགས་དང་ལྡན་པ་ལས་བབས་ཏེ། ཁང་བ་རིན་པོ་ཆེ་ཐམས་ཅད་ཀྱི་རྒྱན་དང་སྙིང་པོ་ཅན་ན་གནས་ཤིང་ལྷའི་བུ་མོ་མཐའ་ཡས་པ་དང་རྩེའོ། །དེ་ནས་གླང་པོའི་
D44.036.0353b04.01རྒྱལ་པོ་ཤུགས་དང་ལྡན་པའི་ལུས་སྣ་ཚོགས་ཀྱིས་རྫུ་འཕྲུལ་བརྟུལ་ཏེ་སུམ་ཅུ་རྩ་གསུམ་པའི་ལྷ་རྣམས་དང་པུན་ད་རི་ཀ་གཅིག་གིས་ཁེབས་པའི་བཟའ་ཤིང་གི་ར་བ་དེ་ན་ལྷ་མོ་རྣམས་དང་ལྷན་ཅིག་རྩེ་དགའ་ཞིང་དགའ་བར་སྤྱོད་དོ། །དེ་ལྟར་གླང་པོའི་
D44.036.0353b05.01རྒྱལ་པོ་ཤུགས་དང་ལྡན་པ་རྩེ་དགའ་ཞིང་དགའ་བར་སྤྱོད་པའི་ཚེ། སུམ་ཅུ་རྩ་གསུམ་པའི་ལྷ་དང་ལུས་མཚུངས་པར་གནས་པས་སུམ་ཅུ་རྩ་གསུམ་པའི་ལྷ་དང་གླང་པོའི་རྒྱལ་པོ་ཤུགས་དང་ལྡན་པས་ལུས་ཤེས་ལུས་ཀྱི་ཁྱད་པར་མེད་དོ། །གཟུགས་ཤེས་
D44.036.0353b06.01གཟུགས་ཀྱི་ཁྱད་པར་མེད་དོ། །ཁ་དོག་ཅེས་ཁ་དོག་གི་ཁྱད་པར་མེད་དོ། །གཟི་བརྗིད་ཅེས་གཟི་བརྗིད་ཀྱི་ཁྱད་པར་མེད་དོ། །འོད་དང་རྒྱན་དང་གོས་དང་རྩེད་མོ་དང་ལོངས་སྤྱོད་དང་བལྟ་བ་དང་ཚུལ་གྱིས་ཀྱང་ཁྱད་པར་གང་ཡང་མེད་དེ་གླང་པོའི་རྒྱལ་པོ་ཤུགས་དང་ལྡན་པ་དང་། སུམ་ཅུ་རྩ་
D44.036.0353b07.01