完整藏文原文 · 德格版页 当前仅加载第 36 函德格 261b 版页；藏文 NFD、目录标记与异常页序保留在来源切片中，重复版页行以稳定序号区分。
བརྗོད་བྱས་ནས། །ལྷའི་བུ་མོ་{མྱི་,མི་}སྨྲ་ཞིང་། །ཞི་ལ་དགའ་བར་བདེ་གཤེགས་ལྟ། །འཁོར་རྣམས་ཞི་བར་ཤེས་གྱུར་ནས། །རྣམ་ཐར་ཟླ་བ་འཇིགས་མེད་པས། རྡོ་རྗེའི་སྙིང་པོ་འཇིགས་{མྱེད་,མེད་}པ། །རྒྱལ་སྲས་དེ་ལ་ཡང་སྨྲས་པ། །བཅུ་པར་ཡང་དག་འཕར་བ་ཡི། །རྣམ་པ་ཡོན་ཏན་སྤྱོད་ཡུལ་
D44.036.0261b01.01དང་། །མཚན་མ་དག་དང་ཆོ་འཕྲུལ་རྣམས། །མཁས་པས་ཀུན་ཀྱང་བསྟན་པར་མཛོད། །བྱང་ཆུབ་སེམས་དཔའ་རྡོ་རྗེའི་སྙིང་པོས་སྨྲས་པ། ཀྱེ་རྒྱལ་བའི་སྲས་དག །དེ་ལྟར་བྱང་ཆུབ་སེམས་དཔའ་དེ་བྱང་ཆུབ་སེམས་དཔའི་ས་དགུ་པའི་བར་
D44.036.0261b02.01དུ་ཤེས་པར་བྱ་བ། ཚད་མེད་པ་ཡོངས་སུ་བརྟགས་པའི་བློས་རྣམ་པར་དབྱེ་བ་ཤིན་ཏུ་རྣམ་པར་ཕྱེ་བ། ཆོས་དཀར་པོ་ཤིན་ཏུ་རྫོགས་པ་བསྩགས་པར་བྱ་བའི་ཚོགས་མཐའ་ཡས་པ་ཤིན་ཏུ་བསྩགས་པ། བསོད་ནམས་དང་ཡེ་ཤེས་ཀྱི་ཚོགས་ཡོངས་སུ་ཟིན་པ། སྙིང་
D44.036.0261b03.01རྗེ་ཆེན་པོ་ཤིན་ཏུ་ཡངས་པ་ཐོབ་པ། འཇིག་རྟེན་གྱི་ཁམས་རྣམ་པར་ཕྱེ་བ་རྣམ་པ་ཐ་དད་པ་ལ་མཁས་པ། །སེམས་ཅན་གྱི་ཁམས་ཐིབས་པོས་ཉེ་བར་སྤྱོད་པ་ལ་རབ་ཏུ་ཞུགས་པ། དེ་བཞིན་གཤེགས་པའི་སྤྱོད་ཡུལ་ལ་འཇུག་པ་དང་ལྡན་པའི་འདུ་ཤེས་དང་། ཡིད་ལ་བྱེད་པ་
D44.036.0261b04.01ཅན་སྟོབས་དང་མི་འཇིགས་པ་དང་། སངས་རྒྱས་ཀྱི་ཆོས་ལ་ལྷག་པར་དམིགས་པའི་རྗེས་སུ་སོང་བ་ནི་རྣམ་པ་ཐམས་ཅད་དུ་ཐམས་ཅད་མཁྱེན་པའི་ཡེ་ཤེས་ལ་དབང་བསྐུར་བའི་ས་ཐོབ་པ་ཞེས་བྱའོ། །ཀྱེ་རྒྱལ་བའི་སྲས་དག །བྱང་ཆུབ་སེམས་དཔའ་ཡེ་ཤེས་དེ་ལྟ་བུ་དང་ལྡན་ཞིང་དབང་
D44.036.0261b05.01བསྐུར་བའི་ས་ཐོབ་པ་དེ་ལ་བྱང་ཆུབ་སེམས་དཔའི་ཏིང་ངེ་འཛིན་དྲི་མ་{མྱེད་,མེད་}པ་ཞེས་བྱ་བ་མངོན་དུ་འགྱུར་རོ། །བྱང་ཆུབ་སེམས་དཔའི་ཏིང་ངེ་འཛིན་ཆོས་ཀྱི་དབྱིངས་རྣམ་པར་ཕྱེ་བ་ལ་འཇུག་པ་ཞེས་བྱ་བ་དང་། སྙིང་པོ་བྱང་ཆུབ་ཀྱི་རྒྱན་རྣམ་པར་ཕྱེ་བ་ཞེས་བྱ་བ་དང་།
D44.036.0261b06.01འོད་གཟེར་གྱི་མེ་ཏོག་རྣམ་པ་ཐམས་ཅད་ཅེས་བྱ་བ་དང་། རྒྱ་མཚོའི་སྙིང་པོ་ཞེས་བྱ་བ་དང་། རྒྱ་མཚོའི་རྒྱ་ཞེས་བྱ་བ་དང་། ནམ་མཁའི་དབྱིངས་ལྟར་ཡངས་པ་ཞེས་བྱ་བ་དང་། ཆོས་ཐམས་ཅད་ཀྱི་རང་བཞིན་རྣམ་པར་འབྱེད་པ་ཞེས་བྱ་བ་དང་། སེམས་ཅན་ཐམས་
D44.036.0261b07.01