完整藏文原文 · 德格版页 当前仅加载第 36 函德格 345b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱོགས་ཀྱི་རྒྱུད་སངས་རྒྱས་ཀྱི་ཞིང་བརྗོད་དུ་མེད་པའི་ཡང་བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཐམས་ཅད་ནས་ཀྱང་དེ་བཞིན་ཏེ། ཕྱོགས་རེ་རེ་ནས་ཀྱང་མཚན་རེ་རེའི་སྒོས་དེ་བཞིན་གཤེགས་པ་སངས་རྒྱས་ཀྱི་ཞིང་བརྗོད་དུ་མེད་པའི་ཡང་
D44.036.0345b01.01བརྗོད་དུ་མེད་པའི་རྡུལ་ཤིན་ཏུ་ཕྲ་བ་སྙེད་ཀྱིས་ཞལ་མངོན་པར་བསྟན་ཏོ། །དེ་བཞིན་དུ་ཆོས་ཀྱི་དབྱིངས་ཀྱི་མཐས་ཀླས་པའི་ཕྱོགས་བཅུ་མ་ལུས་པར་རྫོགས་པའི་སངས་རྒྱས་ཀྱི་ཞིང་ཐམས་ཅད་ནས་ཀྱང་། དེ་བཞིན་གཤེགས་པ་ཀུན་
D44.036.0345b02.01གྱིས་ཞལ་མངོན་པར་བསྟན་ཏེ། བྱང་ཆུབ་སེམས་དཔའ་དེ་ཡེ་ཤེས་ཆེན་པོའི་ཏིང་ངེ་འཛིན་དང་སྙོམས་པར་འཇུག་པ་ཀུན་ཏུ་བཟང་པོའི་སྤྱོད་ཡུལ་ལ་ཡང་དག་པར་གནས་པའི་རྣམ་པ་དེ་ལྟ་བུ་དང་། དེ་བཞིན་གཤེགས་པའི་ཡུལ་ལ་
D44.036.0345b03.01རྨོངས་པ་མེད་ཅིང་ཆོས་ཐམས་ཅད་ལ་རབ་ཏུ་གཞོལ་བར་བྱ་བའི་ཕྱིར་དེ་བཞིན་གཤེགས་པའི་བློ་གྲོས་ཉེ་བར་བསྒྲུབ་པ་མཛད་དོ། །ཐམས་ཅད་མཁྱེན་པ་ཉིད་དུ་ཡང་དག་པར་གཞོལ་ཞིང་ཆོས་རྣམ་པ་ཐ་དད་པ་ཐམས་ཅད་ཀྱི་དོན་ཁོང་དུ་ཆུད་
D44.036.0345b04.01པར་བྱའོ། །ཕྱིར་བློ་གྲོས་ཉེ་བར་བསྒྲུབ་པ་མཛད་དེ། ཆགས་པ་མེད་པ་ལ་རྟོགས་པར་གཞོག་པས། སངས་རྒྱས་ཀྱི་ཆོས་ཐམས་ཅད་ཡོངས་སུ་འཛིན་པར་བྱ་བའི་ཕྱིར་རིག་པ་ཉེ་བར་བསྒྲུབ་པ་མཛད་དོ། །ཡེ་ཤེས་འབྱམ་
D44.036.0345b05.01ཀླས་པ་ཁོང་དུ་ཆུད་པར་བྱ་བ་དང་། བློས་རྣམ་པར་སངས་རྒྱས་པའི་ཆོས་ཀྱི་དབྱིངས་ཀྱི་ཡུལ་གྱི་མཐས་ཀླས་པ་ཐམས་ཅད་ལ་སངས་རྒྱས་ཀྱི་བྱང་ཆུབ་ཉེ་བར་བསྒྲུབ་པར་མཛད་དོ། །བྱང་ཆུབ་སེམས་དཔའ་དེ་ཆོས་ཀྱི་སྣང་བ་དང་།
D44.036.0345b06.01འོད་ཐམས་ཅད་ཀྱིས་མུན་པ་མེད་པའི་ཡེ་ཤེས་འབྱམ་ཀླས་པ་ལས་ཕྱིར་མི་ལྡོག་པར་བྱ་བའི་ཕྱིར་ཤེས་རབ་ཉེ་བར་བསྒྲུབ་པ་མཛད་དོ། །བྱང་ཆུབ་སེམས་དཔའ་དེ་ཐབས་མཁས་པ་འཇིག་རྟེན་ཐམས་ཅད་ལས་འཕགས་པས་སེམས་ཅན་
D44.036.0345b07.01