完整藏文原文 · 德格版页 当前仅加载第 36 函德格 325a 版页；藏文 NFD、目录标记与异常页序保留在来源切片中，重复版页行以稳定序号区分。
པ་མཛད་དོ། །མངོན་པར་ཤེས་པ་རྣོན་པོས་ཆོས་ཐ་མི་དད་པར་མཁས་པར་ཁོང་དུ་ཆུད་པར་དབང་པོ་ཚད་མེད་པའང་བྱིན་གྱིས་བརླབ་པ་མཛད་དོ། །བྱིན་གྱི་རླབས་ཀྱིས་ཆོས་ཀྱི་དབྱིངས་ཁོང་དུ་ཆུད་པའི་ཚུལ་དུ་
D44.036.0325a01.01སྤྱོད་ཡུལ་ཐོགས་པ་མེད་པ་ཡང་བྱིན་གྱིས་བརླབ་པ་མཛད་དོ། །བསྒྲིབས་པ་མེད་པའི་ཡེ་ཤེས་རྣམ་པར་དག་པར་ཡེ་ཤེས་ལ་འཇུག་པ་འང་བྱིན་གྱིས་བརླབ་པ་མཛད་དོ། །འཇིག་རྟེན་གྱི་ཁམས་ཐམས་ཅད་དུ་རྣམ་པར་འཕྲུལ་པ་ཡང་དག་
D44.036.0325a02.01པར་སྟོན་པར་མངོན་པར་འཚང་རྒྱ་བ་འང་བྱིན་གྱིས་བརླབ་པ་མཛད་དོ། །ཀྱེ་རྒྱལ་བའི་སྲས་དག །དེ་ལྟར་བྱང་ཆུབ་སེམས་དཔའི་ཏིང་ངེ་འཛིན་འདི་ལ་གནས་པའི་བྱང་ཆུབ་སེམས་དཔའ་ནི་རྒྱ་མཚོའི་སྒོ་བཅུ་ལ་ཤིན་ཏུ་རྟོགས་པ་ཡིན་ཏེ།
D44.036.0325a03.01བཅུ་གང་ཞེ་ན། འདི་ལྟར་སངས་རྒྱས་རྒྱ་མཚོ་མཐོང་བས་རྟོགས་པ་ཡིན། སེམས་ཅན་རྒྱ་མཚོ་མིང་གིས་ཁོང་དུ་ཆུད་པ་ཡིན། ཆོས་རྒྱ་མཚོ་ཡེ་ཤེས་ཀྱིས་རབ་ཏུ་རྟོགས་པ་ཡིན། ཞིང་རྒྱ་མཚོ་ལ་དངོས་པོ་མེད་པར་གནས་ཤིང་མངོན་
D44.036.0325a04.01པར་འདུས་མ་བྱས་པའི་བསམ་པས་རྗེས་སུ་འབྲང་བ་ཡིན། ཡོན་ཏན་རྒྱ་མཚོ་ཕུན་སུམ་ཚོགས་པས་རབ་ཏུ་རྟོགས་པ་ཡིན། ཡེ་ཤེས་ཀྱི་རྣམ་པར་འཕྲུལ་པ་རྒྱ་མཚོ་རྣམ་པར་དམིགས་པས་ཁོང་དུ་ཆུད་པ་ཡིན། དབང་པོ་རྒྱ་མཚོ་རྣམ་
D44.036.0325a05.01པར་ཕྱེ་བ་ལ་མཁས་པའི་སའི་ཡེ་ཤེས་ཀྱིས་ཁོང་དུ་ཆུད་པ་ཡིན། སེམས་རྒྱ་མཚོ་སེམས་ཅན་གྱི་རིས་ཐམས་ཅད་ཀྱི་སེམས་ཐ་དད་པ་དང་སེམས་ཡངས་པ་དང་། སེམས་ཚད་མེད་པ་ཡོངས་སུ་ཤེས་པས་ཁོང་དུ་ཆུད་པ་
D44.036.0325a06.01ཡིན། སྤྱོད་པ་རྒྱ་མཚོ་སྨོན་ལམ་གྱིས་ཡོངས་སུ་རྫོགས་པར་བྱེད་པ་ཡིན། སྨོན་ལམ་རྒྱ་མཚོ་མཐའ་ལས་བརྒལ་བར་འབྱུང་བ་རྣམ་པར་དག་པས་ཡོངས་སུ་གྲུབ་པར་བྱེད་པ་ཡིན་ཏེ། འདི་དག་ནི་བྱང་ཆུབ་སེམས་དཔའ་དེ་རྒྱ་མཚོའི་སྒོ་
D44.036.0325a07.01