完整藏文原文 · 德格版页 当前仅加载第 36 函德格 166a 版页；藏文 NFD、目录标记与异常页序保留在来源切片中，重复版页行以稳定序号区分。
མཁས་པའི་སྤྱོད་པ་ཅི་ནས་འགྲུབ་འགྱུར་བར། །དགེ་བ་ཡངས་པ་དེ་ཡིས་ཡོངས་སུ་བསྔོ། །རྒྱལ་བའི་སྲས་ཀྱིས་འདི་ལ་བསླབས་བྱས་ཏེ། །ཇི་སྙེད་གང་ཡོད་ཐམས་ཅད་མ་ལུས་པར། །ཁམས་རྣམས་ཀུན་ཀྱང་ཡོངས་སུ་བསྡུ་བྱས་
D44.036.0166a01.01ཏེ། །ཅི་ནས་བདེ་གཤེགས་སྟོབས་ལ་འཇུག་པར་བསྔོ། །ཡངས་པ་ཇི་སྙེད་རྒྱལ་བས་གསུངས་པ་དང་། །ཀུན་ཏུ་བཟང་ཞེས་གང་ལ་གདགས་པ་ཡི། །རྒྱལ་བའི་སྲས་རྣམས་གང་ལ་གནས་གྱུར་པའི། །སྤྱོད་པ་དམ་པ་དེ་དག་སུ་འདོད་པས། སེམས་
D44.036.0166a02.01ཅན་མ་ལུས་ཐམས་ཅད་བགྲང་བར་ནུས། །དུས་གསུམ་སེམས་ཀྱང་མ་ལུས་ཀུན་བགྲང་ནུས། །གང་ལ་ཀུན་ཏུ་བཟང་པོར་མིང་གདགས་པ། །རྒྱལ་སྲས་དེ་ཡི་ཡོན་ཏན་མཐའ་མེད་དོ། །ནམ་མཁའ་སྤུ་རྩེས་བགྲང་བར་ནུས་ཀྱང་སྲིད། །ཞིང་
D44.036.0166a03.01རྣམས་ཀུན་གྱི་རྡུལ་ཡང་བགྲང་བར་ནུས། །གང་ལ་རྒྱལ་སྲས་དྲང་སྲོང་ཆེ་གནས་པའི། །སྤྱོད་པ་དེ་དག་བགྲང་བར་མི་ནུས་སོ། །ཆོས་ཀྱི་དབྱིངས་ཚད་མེད་པ་ཞེས་བྱ་བ་སྟེ། ཡོངས་སུ་བསྔོ་བ་བཅུ་པའོ། རྡོ་རྗེའི་རྒྱལ་མཚན་གྱི་ཡོངས་སུ་བསྔོ་བའི་
D44.036.0166a04.01ལེའུ་སྟེ། སུམ་ཅུ་པའོ།། །།ཤིན་ཏུ་རྒྱས་པ་ཆེན་པོའི་མདོ། །སངས་རྒྱས་རྨད་གཅད་ཅེས་བྱ་བ་ལས་ས་བཅུ་པའི་ལེའུ་སྟེ། བམ་པོ་བཅུ་གསུམ་པ། དེ་ནས་བཅོམ་ལྡན་འདས་ལྷའི་རྒྱལ་པོ་དབང་སྒྱུར་གྱི་གནས་ཀྱི་ནོར་བུ་རིན་པོ་ཆེ་དམ་པའི་
D44.036.0166a05.01ཁང་པ་ན། བྱང་ཆུབ་སེམས་དཔའི་དགེ་འདུན་ཆེན་པོ་ཐམས་ཅད་ཀྱང་བླ་ན་མེད་པ་ཡང་དག་པར་རྫོགས་པའི་བྱང་ཆུབ་ལས་ཕྱིར་མི་ལྡོག་པ། འཇིག་རྟེན་གྱི་ཁམས་གཞན་དང་གཞན་ནས་འདུས་པ་ཤ་སྟག་ཀུན་ཀྱང་བྱང་ཆུབ་སེམས་དཔའི་ཡེ་
D44.036.0166a06.01ཤེས་ཀྱི་ཡུལ་དང་སྤྱོད་ཡུལ་ཐམས་ཅད་རབ་ཏུ་ཐོབ་པས་གནས་པ། དེ་བཞིན་གཤེགས་པ་ཐམས་ཅད་ཀྱི་ཡེ་ཤེས་ཀྱི་ཡུལ་ལ་འཇུག་ཅིང་གཞོལ་བའི་སྤྱོད་ཡུལ་མ་བཏང་བ། འགྲོ་བ་ཐམས་ཅད་ཡོངས་སུ་སྨིན་པར་བྱ་བ་དང་། གདུལ་བར་བྱ་བའི་དུས་
D44.036.0166a07.01