完整藏文原文 · 德格版页 当前仅加载第 36 函德格 158b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པར་གཞོལ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་དགེ་བའི་རྩ་བ་ཐམས་ཅད་རྒྱུད་(གྱི་,ཀྱི་)ཚུལ་གཅིག་ཏུ་གྱུར་པས་རྣམ་པར་དབྱེ་བ་མེད་པ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་རྒྱུད་ཀྱི་ཚུལ་གཅིག་ཏུ་གྱུར་པའི་ལུས་
D44.036.0158b01.01ཀྱི་ལས་དང་ངག་གི་ལས་དང་། ཡིད་ཀྱི་ལས་ཡོན་ཏན་ཐམས་ཅད་ཀྱི་རྒྱན་དང་ལྡན་པ་རྣམ་པར་དག་པ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་ཀུན་ཏུ་བཟང་པོའི་སྤྱོད་པ་རྒྱུད་ཀྱི་ཚུལ་གཅིག་ཏུ་གྱུར་པས་འབྱུང་བ་དང་། སེམས་ཅན་ཐམས་
D44.036.0158b02.01ཅད་མཉམ་པ་ཉིད་ཀྱི་ཕྱིར་སངས་རྒྱས་ཀྱི་ཞིང་ཐམས་ཅད་རྒྱུད་ཀྱི་ཚུལ་གཅིག་ཅིང་རྣམ་པར་དག་པ་ལ་འཇུག་པ་དང་། གོམས་པར་བྱ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་ཤེས་པ་ཐམས་ཅད་རྣམ་པར་དཔྱད་པ་ལ་འཇུག་པ་ཡོངས་སུ་
D44.036.0158b03.01རྫོགས་པར་བྱ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་མི་མཉམ་པ་མེད་པར་དགེ་བའི་རྩ་བ་ཐམས་ཅད་ཡོངས་སུ་བསྔོ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་ལྷག་པའི་བསམ་པ་གཅིག་ནས་གཅིག་ཏུ་བརྒྱུད་པ་རྣམ་
D44.036.0158b04.01པ་ཐ་དད་པས་ཐམས་ཅད་མཁྱེན་པའི་ཡེ་ཤེས་ཡོངས་སུ་རྫོགས་པར་བྱ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་དཀར་པོའི་ཕྱོགས་ཐམས་ཅད་བསྒྲུབ་ཅིང་བསྟན་པར་བྱ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་སྐད་
D44.036.0158b05.01ཅིག་གཅིག་གིས་ཐམས་ཅད་མཁྱེན་པ་ཉིད་དུ་མངོན་པར་འཚང་རྒྱ་བའི་མཐར་ཐུག་པར་བྱ་བ་དང་། སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་ནན་ཏན་གྱི་རྣམ་པ་ཐམས་ཅད། ཡོངས་སུ་རྫོགས་པ་རྣམ་པར་དག་པ་ཡོངས་སུ་བསྒྲུབ་
D44.036.0158b06.01པའི་ཕྱིར་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོས་དགེ་བའི་རྩ་བ་དེ་དག་སེམས་ཅན་ཐམས་ཅད་མཉམ་པ་ཉིད་ཀྱི་ཕྱིར་ཡོངས་སུ་བསྔོས་ནས། ཆོས་ཐམས་ཅད་ཡོངས་སུ་དག་པར་ཆོས་བསྟན་པའི་ཚུལ་གྱིས་
D44.036.0158b07.01