完整藏文原文 · 德格版页 当前仅加载第 36 函德格 378b 版页；藏文 NFD、目录标记与异常页序保留在来源切片中，重复版页行以稳定序号区分。
ཆོས་རྣམས་མཉམ་པ་ཉིད་ལ་དེ་བརྩོན་ཏེ། །དངོས་པོ་རྣམ་པར་བསྒོམ་ལ་མངོན་པར་བརྩོན། །རྒྱལ་བའི་མཛོད་དང་འགལ་བར་མི་བྱེད་དེ། །ཆོས་རྣམས་མི་མཉམ་མེད་པར་རབ་ཏུ་ཤེས། །དེ་ནི་བསམ་པ་མཐར་ཐུག་རབ་བརྟན་
D44.036.0378b01.01པས། །རྒྱལ་བའི་བྱང་ཆུབ་ཇི་བཞིན་རབ་ཏུ་སྤྱོད། །རི་རབ་བཞིན་དུ་མི་གཡོ་བརྟན་པ་ཡིས། །དེ་ཡི་བསམ་པ་བྱང་ཆུབ་མཆོག་ལ་རྟེན། །མཉམ་གཞག་སེམས་དང་ལྡན་པས་དེ་བརྩོན་ཏེ། །བརྩོན་འགྲུས་ལྡན་པའི་ཡིད་ཀྱིས་
D44.036.0378b02.01རབ་ཏུ་སྤྱོད། །བསྐལ་པ་སྟོང་དུ་སྤྱད་པ་སྤྱོད་བྱེད་ཀྱང་། །དེ་ཡི་བརྩོན་འགྲུས་འཇིག་པར་མི་འགྱུར་རོ། །འདི་དག་ཆོས་ལ་ཡང་དག་དེ་འཇུག་སྟེ། །རྒྱལ་བའི་རྟོགས་བྱའི་གཏིང་ཡང་རབ་ཏུ་རྙེད། །ཆོས་ཉིད་ཞི་བ་རབ་ཏུ་ཐོབ་གྱུར་པས། །
D44.036.0378b03.01དེ་ལ་འཇུམ་པའི་ཡིད་བྱེད་གང་ཡང་མེད། །དཔེ་ཟླ་མེད་པས་ཇི་སྐད་གསུངས་པ་ལྟར། །དེ་ནི་ཆོས་རྣམས་མཉམ་པ་ཉིད་དུ་བྱེད། །མི་མཉམ་ཚུལ་དུ་བཟོད་པ་མི་སྐྱེད་དེ། །ཡེ་ཤེས་མཉམ་ཉིད་ཡོངས་སུ་རྫོགས་པར་སྒྲུབ། །བདེ་
D44.036.0378b04.01བར་གཤེགས་པས་མཐུན་པར་གང་གསུངས་པ། །དེ་དག་བཟོད་པའི་སྒོ་ནས་རབ་ཏུ་འགྲུབ། །ཆོས་རྣམས་འཇིག་དང་ལྡན་པ་མ་ཡིན་ཏེ། །ཆོས་ཉིད་ཇི་བཞིན་དེ་འདྲ་རབ་ཏུ་ཤེས། །ལྷ་གནས་འདིའི་ལྷའི་བུ་རྣམས་འདིར་འདུས་དང་། །
D44.036.0378b05.01སུམ་ཅུ་རྩ་གསུམ་གནས་སུ་ལྷ་རྣམས་སྐྱེས་གྱུར་པ། །དེ་དག་ཟིལ་དངར་སྣ་ཚོགས་རྣམ་པ་གཞན་དང་གཞན། །དེ་དག་ཁར་བའི་སྣོད་གཅིག་མངོན་སྤྱོད་ཟད་གྱུར་ན། །ཟིལ་དངར་ཞིམ་པ་དེ་དག་འོང་བ་མ་ཡིན་ཏེ། །ཕྱོགས་བཅུ་ཀུན་
D44.036.0378b06.01ནས་ཟིལ་དངར་སྟོབས་པ་མེད། །ལས་རྣམས་ཇི་ལྟ་ཇི་བཞིན་ལྷ་རྣམས་དེ་ལྟར་ཟ། །དེ་ལ་སྐྱེ་བ་མེད་དེ་བཟའ་བ་མེད་པ་མིན། །དེ་བཞིན་བྱང་ཆུབ་སེམས་དཔའི་སེམས་རབ་མངོན་སྐྱེས་ཀྱང་། །དེ་ལ་རྡུལ་ཆའི་ཆོས་ཀྱང་སྐྱེས་
D44.036.0378b07.01