完整藏文原文 · 德格版页 当前仅加载第 36 函德格 143a 版页；藏文 NFD、目录标记与异常页序保留在来源切片中，重复版页行以稳定序号区分。
རྣམ་པར་མི་གནས་པས་གཞན་བྱང་ཆུབ་སེམས་དཔའི་ཚངས་པར་སྤྱོད་པ་ལ་གནས་པར་གཞག་པར་མི་ནུས་སོ། །བྱང་ཆུབ་སེམས་དཔའ་ཚངས་པར་སྤྱོད་པ་ལ་མ་ཞུགས་པས་གཞན་བྱང་ཆུབ་སེམས་དཔའི་ཚངས་པར་སྤྱོད་པ་ལ་གཞུག་པར་
D44.036.0143a01.01མི་ནུས་སོ། །བྱང་ཆུབ་སེམས་དཔའ་ཚངས་པར་སྤྱོད་པ་ལས་གཡོས་པས་གཞན་བྱང་ཆུབ་སེམས་དཔའི་ཚངས་པར་སྤྱོད་པ་{མྱི་,མི་}གཡོ་བ་ལ་གཞག་པར་མི་ནུས་སོ། །བྱང་ཆུབ་སེམས་དཔའ་ཚངས་པར་སྤྱོད་པ་མ་སྤྱད་པས་གཞན་བྱང་ཆུབ་སེམས་དཔའི་ཚངས་པར་སྤྱོད་པས་
D44.036.0143a02.01ཡང་དག་པར་གཟུང་བར་མི་ནུས་སོ། །དེ་ཅིའི་ཕྱིར་ཞེ་ན། བྱང་ཆུབ་སེམས་དཔའ་ནི་ཇི་སྐད་སྨྲ་བ་དེ་ལྟར་བྱེད་པ་ཡིན། བྱང་ཆུབ་སེམས་དཔའ་ནི་མ་ནོར་བ་ལ་གནས་ཤིང་མ་ནོར་བར་སྨྲ་བ་ཡིན། བྱང་ཆུབ་སེམས་དཔའ་ནི་བདེན་པར་སྨྲ་ཞིང་དེ་བཞིན་དུ་བྱེད་པ་ལ་གནས་
D44.036.0143a03.01པ་ཡིན། བྱང་ཆུབ་སེམས་དཔའ་ནི་ལུས་ཀྱི་ལས་དང་ངག་གི་ལས་དང་། ཡིད་ཀྱི་ལས་ཡོངས་སུ་དག་ཅིང་ཉོན་མོངས་པ་ཐམས་ཅད་བསྩལ་བ་ཡིན། བྱང་ཆུབ་སེམས་དཔའ་ནི་སྒྲིབ་པ་ཐམས་ཅད་རྣམ་པར་འཐོར་ཞིང་བསྒྲིབས་པ་མེད་པའི་སྤྱོད་ཡུལ་ལ་ཞུགས་པ་ཡིན།
D44.036.0143a04.01བྱང་ཆུབ་སེམས་དཔའ་ནི་ལྷག་པའི་བསམ་པ་དང་ལྡན་ཞིང་གཞན་ལ་ལྷག་པའི་བསམ་པ་དག་པས་ཆོས་སྟོན་པ་ཡིན། བྱང་ཆུབ་སེམས་དཔའ་ནི་དྲང་པོའི་ཚུལ་གྱིས་དགེ་བའི་རྩ་བ་ལ་འཇམ་པའི་སེམས་དང་ལྡན་ཞིང་གཞན་དྲང་པོ་ལ་བཞག་པ་ཡིན།
D44.036.0143a05.01བྱང་ཆུབ་སེམས་དཔའ་ནི་འགྱོད་པ་དང་བྲལ་བར་བྱས་ཤིང་གཞན་འགྱོད་པ་ལས་རྣམ་པར་སློང་བ་ཡིན། བྱང་ཆུབ་སེམས་དཔའ་ནི་ཡིད་དང་བར་གྱུར་ཅིང་གཞན་སེམས་དང་བར་དབྱེར་མེད་པ་ཡང་དག་པར་སྒྲུབ་པ་ཡིན། བྱང་ཆུབ་སེམས་དཔའ་ནི་ཆོས་ཡང་དག་པར་
D44.036.0143a06.01བརྗོད་པར་གྱུར་ཅིང་གཞན་ཆོས་ལ་ཉེ་བར་སྟོབས་པ་ཡིན་ཏེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་ཡོངས་སུ་བསྔོའོ། །གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཆོས་ཀྱི་སྦྱིན་པ་ལ་བརྩོན་པ་དགེ་བའི་རྩ་བ་
D44.036.0143a07.01