完整藏文原文 · 德格版页 当前仅加载第 36 函德格 352a 版页；藏文 NFD、目录标记与异常页序保留在来源切片中，重复版页行以稳定序号区分。
སེམས་དཔའ་དེ་ཆོས་ཐམས་ཅད་མི་གཉིས་པར་ཡང་དག་པར་སྤྱོད་པ་ཡོངས་སུ་ཤེས་པར་གྱུར་པ་དེའི་ཚེ་སངས་རྒྱས་ཀྱི་ཆོས་ཐམས་ཅད་རྣམ་པར་སངས་རྒྱས་པའི་བློ་མངའ་བ་ཞེས་བྱའོ། །བྱང་ཆུབ་སེམས་
D44.036.0352a01.01དཔའ་དེ་ཆོས་ཐམས་ཅད་གཉིས་པ་དང་གཉིས་མ་ཡིན་པ་ལ་མཁས་པས་རྣམ་པ་ཐ་དད་པའི་རྒྱུད་ལ་འཇུག་ཅིང་ཆོས་གཅིག་ནས་གཅིག་ཏུ་བརྒྱུད་པ་མཁས་པ་ལ་གནས་པས་དེ་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་དཔའ་དེ་
D44.036.0352a02.01ཀུན་ཏུ་གཟིགས་པའི་ཡུལ་ཡེ་ཤེས་ཀྱི་སྒོས་ཁོང་དུ་ཆུད་པར་གྱུར་པ་དེའི་ཚེ་ཀུན་ཏུ་གཟིགས་པ་ཞེས་བྱའོ། །བྱང་ཆུབ་སེམས་དཔའ་དེ་ཀུན་ཏུ་གཟིགས་པའི་ཡུལ་མངོན་པར་སྒྲུབ་ཅིང་སེམས་དང་ཡེ་ཤེས་སེམས་སྐད་ཅིག་ཏུ་རྣམ་པར་
D44.036.0352a03.01འཕེལ་བས་ཡོངས་སུ་སྐྱོ་བར་མི་བྱེད་པས་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་དཔའ་དེ་ཆོས་སྣང་བའི་སྒོ་ཐམས་ཅད་ཀྱིས་སྣང་བར་བྱེད་ཅིང་མུན་པ་མེད་པའི་ས་ལ་གནས་པ་དེའི་ཚེ་བསྒྲིབས་པ་མེད་པར་
D44.036.0352a04.01གཟིགས་པ་ཞེས་བྱའོ། །བྱང་ཆུབ་སེམས་དཔའ་དེ་བསྒྲིབས་པ་མེད་པའི་ཡེ་ཤེས་སྟོན་པའི་དོན་དུ་སངས་རྒྱས་རྗེས་སུ་དྲན་པས་དེ་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་དཔའ་དེས་དེ་བཞིན་གཤེགས་པ་
D44.036.0352a05.01རྣམས་ཀྱི་ཡེ་ཤེས་ཀྱི་ཚུལ་མངོན་པར་ཁོང་དུ་ཆུད་པར་གྱུར་པ་དེའི་ཚེ། ཆོས་ཐམས་ཅད་མངོན་པར་སངས་རྒྱས་པ་ཞེས་བྱའོ། །བྱང་ཆུབ་སེམས་དཔའ་དེ་དེ་བཞིན་གཤེགས་པ་རྣམས་ཀྱི་ཡེ་ཤེས་ཀྱི་ཚུལ་མངོན་པར་སངས་རྒྱས་པ་
D44.036.0352a06.01ལ་སྤྱོད་ཅིང་རྟོགས་པ་ལ་ཁོང་དུ་ཆུད་པས་དེ་བྱང་ཆུབ་སེམས་དཔའ་ཞེས་བྱའོ། །ནམ་བྱང་ཆུབ་སེམས་དཔའ་དེ་དེ་བཞིན་གཤེགས་པའི་གནས་ལ་སྤྱོད་ཅིང་། དེ་བཞིན་གཤེགས་པ་ཐམས་ཅད་དང་མི་གཉིས་པར་གྱུར་པ་དེའི་ཚེ་
D44.036.0352a07.01