完整藏文原文 · 德格版页 当前仅加载第 36 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
མ་ལུས་པའི་སྐྱེ་བ་དང་། སངས་རྒྱས་ཀྱི་བྱང་ཆུབ་ཏུ་མངོན་པར་འཚང་རྒྱ་བས་ཡང་དག་པར་ཟིན་པར་གྱུར་ཅིག །འཇིག་རྟེན་གྱི་ཁམས་ཐམས་ཅད་མ་ལུས་པར་བླ་ན་{མྱེད་,མེད་}པའི་སངས་རྒྱས་ཀྱི་ཞིང་ཡོངས་སུ་དག་པས་ཟིན་པར་གྱུར་ཅིག །བསྐལ་པ་འབྱམ་ཀླས་པ་
D44.036.0010b01.01མཐའ་དང་དབུས་མེད་པ་ཐམས་ཅད་མ་ལུས་པར་བྱང་ཆུབ་སེམས་དཔའི་སྤྱོད་པ་འབྲེལ་བ་རྒྱུན་མི་འཆད་པས་ཡང་དག་པར་ཟིན་པར་གྱུར་ཅིག །འཇིག་རྟེན་དུ་སྐྱེ་བའི་ཡུལ་ཐམས་ཅད་མ་ལུས་པར་ཐམས་ཅད་དུ་སྐྱེ་བ་ཤིན་ཏུ་བསྟན་པས་ཡང་དག་པར་ཟིན་པར་གྱུར་ཅིག
D44.036.0010b02.01སེམས་ཅན་གྱི་ཁམས་ཐམས་ཅད་མ་ལུས་པར་བྱང་ཆུབ་སེམས་དཔའི་ཀུན་ཏུ་བཟང་པོའི་སྤྱོད་པས་ཡོངས་སུ་སྨྱིན་པར་བྱ་བས་ཡང་དག་པར་ཟིན་པར་གྱུར་ཅིག །སེམས་ཅན་གྱི་ཉོན་མོངས་པ་དང་། བག་ལ་ཉལ་བ་དང་། བག་ཆགས་ཐམས་ཅད་མ་ལུས་པ་རྙོག་
D44.036.0010b03.01པ་མེད་པའི་ཚུལ་གྱིས་ཡང་དག་པར་ཟིན་པར་གྱུར་ཅིག །སེམས་ཅན་གྱི་དབང་པོ་འབྱམ་ཀླས་པ་ཐམས་ཅད་མ་ལུས་པར་མཐའ་དང་དབུས་མེད་པ་ལ་འཇུག་པས་ཡང་དག་པར་ཟིན་པར་གྱུར་ཅིག །འགྲོ་བ་ཐམས་ཅད་ཀྱི་མོས་པ་དང་། ལྷག་པའི་བསམ་པ་ཐམས་
D44.036.0010b04.01ཅད་མ་ལུས་པར་ཉོན་མོངས་པ་མེད་ཅིང་ཡོངས་སུ་དག་པས་ཡང་དག་པར་ཟིན་པར་གྱུར་ཅིག །འགྲོ་བ་ཐམས་ཅད་ཡོངས་སུ་སྨྱིན་པར་བྱ་བ་དང་། གདུལ་བ་ཐམས་ཅད་མ་ལུས་པར་དུས་ལ་ཇི་ལྟར་འབབ་པ་བཞིན་དུ་ཀུན་ཏུ་བསྟན་པས་ཡང་དག་པར་ཟིན་པར་
D44.036.0010b05.01གྱུར་ཅིག །སེམས་ཅན་ཐམས་ཅད་མ་ལུས་པར་འགྲོ་བ་ཐམས་ཅད་སྤྲུལ་པ་ལྟ་བུར་ཁོང་དུ་ཆུད་པས་ཡང་དག་པར་ཟིན་པར་གྱུར་ཅིག །དེ་བཞིན་གཤེགས་པའི་རགས་ཐམས་ཅད་མ་ལུས་པར་སངས་རྒྱས་བྱུང་བ་ཐམས་ཅད་ཀྱི་བསྟན་པ་བཟུང་ཞིང་བསྲུང་བས་
D44.036.0010b06.01ཡང་དག་པར་ཟིན་པར་གྱུར་ཅིག་ཅེས་སེམས་བསྐྱེད་ཅིང་། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་དགེ་བའི་རྩ་བ་དེ་དག་{དམྱིགས་,དམིགས་}པ་མེད་པའི་ཚུལ་གྱིས་ཡོངས་སུ་བསྔོ་སྟེ། ལས་ཀྱིས་ནི་རྣམ་པར་སྨྱིན་པ་ལ་ཡོངས་སུ་རྟོག་པར་མི་བྱེད། རྣམ་
D44.036.0010b07.01