完整藏文原文 · 德格版页 当前仅加载第 36 函德格 83a 版页；藏文 NFD、目录标记与异常页序保留在来源切片中，重复版页行以稳定序号区分。
ཐམས་ཅད་ལ་ཆགས་པ་མེད་པའི་རྣམ་པར་ཐར་པ་ཁོང་དུ་ཆུད་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཁྱིམ་གྱི་དངོས་པོ་ལ་ཆགས་པར་གནས་པའི་རྣམ་པ་ལ་མོས་པ་མེད་
D44.036.0083a01.01པ། ཁྱིམ་གྱི་རྣམ་པར་རྟོག་པས་ཡོངས་སུ་རྟོག་པ་མེད་པ་ཁྱིམ་གྱི་ཡོ་བྱད་ཐམས་ཅད་ལ་དོན་དུ་གཉེར་བ་མེད་པ། ཁྱིམ་གྱི་ཆགས་པ་ཐམས་ཅད་ཀྱིས་འདོད་པར་གྱུར་པ་མེད་པ། ཁྱིམ་གྱི་ལོངས་སྤྱོད་ཐམས་ཅད་ལ་རོ་མྱོང་བར་ལྟ་བ་མེད་པ། ཁྱིམ་
D44.036.0083a02.01གྱི་ལོངས་སྤྱོད་ཐམས་ཅད་ཁོང་དུ་ཆུད་པའི་སེམས་དང་ལྡན་པ། ཁྱིམ་ལ་མངོན་པར་ཆགས་པ་ཐམས་ཅད་ལས་གྱེན་དུ་སྤགས་པའི་སེམས་དང་ལྡན་པ། ཁྱིམ་དང་གནས་ལ་རྟེན་པ་ཐམས་ཅད་ལ་མངོན་པར་མོས་པ་མེད་པར་གྱུར་པ།
D44.036.0083a03.01ཁྱིམ་དང་གནས་ལ་རྟེན་པ་ཐམས་ཅད་ཡུད་ཙམ་གྱི་འདུ་ཤེས་ཀྱིས་བྱིན་གྱིས་བརླབ་པ། སངས་རྒྱས་ཀྱི་བསྟན་པ་ལ་ཤིན་ཏུ་འབྱུང་བའི་བསམ་པ་དང་ལྡན་པ། བྱང་ཆུབ་སེམས་དཔའི་གནས་ཐམས་ཅད་ལ་ཞུགས་པའི་སེམས་དང་ལྡན་པ།
D44.036.0083a04.01སངས་རྒྱས་ཀྱི་ཆོས་ཐམས་ཅད་ཀྱིས་བརྒྱན་པའི་སེམས་དང་ལྡན་པ། གཅིག་ནས་གཅིག་ཏུ་རྗེས་སུ་འགྱོད་པ་མེད་པར་གཏོང་བ། དམིགས་པའི་དངོས་པོ་ཐམས་ཅད་ཀྱི་སྒོ་ནས་སངས་རྒྱས་ཐམས་ཅད་ཀྱིས་ཡང་དག་པར་བསྔགས་པ་
D44.036.0083a05.01འགྱོད་པ་མེད་པར་གཏོང་བའི་སེམས་དང་ལྡན་པ། ཁྱིམ་ཡོངས་སུ་བཟུང་བ་ཤིན་ཏུ་གཏོང་བ་ལ་མངོན་པར་ཆགས་པ་མེད་པའི་ཡིད་དང་ལྡན་པ། ཕྱོགས་དང་ཡུལ་ཐམས་ཅད་ལ་གནས་པ་མེད་པར་གནས་པ། ཁྱིམ་དང་གནས་ལ་ཆགས་པས་
D44.036.0083a06.01རྩོམ་པ་མེད་པ་ཡོངས་སུ་བཟུང་བ་ཐམས་ཅད་སྦྱིན་པར་ཤིན་ཏུ་གཏོང་བས་གཏོང་བ། སློང་བ་ཐམས་ཅད་མཐོང་ན་རབ་ཏུ་དགའ་བ་དང་། སྤྲོ་བ་དང་། ཡིད་དགའ་བ་སྐྱེ་བས་སློང་བ་རྣམས་ལ་ཚུལ་དང་ལྡན་པའི་སེམས་ཀྱིས་ཁྱིམ་དང་
D44.036.0083a07.01