完整藏文原文 · 德格版页 当前仅加载第 36 函德格 356b 版页；藏文 NFD、目录标记与异常页序保留在来源切片中，重复版页行以稳定序号区分。
པའི་བསམ་པ་རྣམ་པར་དག་པས་ཡང་དག་པར་གནས་པ་ཡིན། ཀྱེ་རྒྱལ་བའི་སྲས་དག་འདི་ནི་ཏིང་ངེ་འཛིན་གྱི་དཀྱིལ་འཁོར་རྒྱ་ཆེན་པོ་ཚད་མེད་པ་བྱང་ཆུབ་སེམས་དཔའ་ཉེ་བར་སྤྱོད་པ། ལྷག་པའི་བསམ་པས་རབ་ཏུ་ཐོབ་པ། ཡེ་ཤེས་ཆེན་པོ་ལ་
D44.036.0356b01.01ཞུགས་པ་བཅུ་པ་སྟེ། ཀྱེ་རྒྱལ་བའི་སྲས་དག་འདི་དག་ནི་བྱང་ཆུབ་སེམས་དཔའ་ཀུན་ཏུ་བཟང་པོའི་ཏིང་ངེ་འཛིན་རྒྱ་ཆེན་པོའི་དཀྱིལ་འཁོར་བཅུ་རྣམས་སོ། །ཏིང་ངེ་འཛིན་བཅུའི་ལེའུ་སྟེ། སུམ་ཅུ་རྩ་གསུམ་པའོ།། །།
D44.036.0356b02.01སངས་རྒྱས་རྨད་གཅད་ཅེས་བྱ་བ་ཤིན་ཏུ་རྒྱས་པ་ཆེན་པོའི་མདོ། །བམ་པོ་ཉི་ཤུ་བདུན་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཀུན་ཏུ་བཟང་པོས་ཡང་བྱང་ཆུབ་སེམས་དཔའ་དེ་དག་ལ་སྨྲས་པ། ཀྱེ་རྒྱལ་བའི་
D44.036.0356b03.01སྲས་དག་བཅུ་པོ་འདི་དག་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་མངོན་པར་ཤེས་པ་སྟེ། བཅུ་གང་ཞེ་ན། ཀྱེ་རྒྱལ་བའི་སྲས་དག་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ་སྟོང་གསུམ་གྱི་སྟོང་ཆེན་པོའི་འཇིག་རྟེན་གྱི་
D44.036.0356b04.01ཁམས་གཅིག་ཏུ་སེམས་ཅན་ཇི་སྙེད་སྐྱེས་པ་དེ་དག་ཐམས་ཅད་ཀྱི་སེམས་དང་བསམ་པའི་རྒྱུད་རབ་ཏུ་ཤེས་སོ། །སེམས་བསྐྱེད་པ་རབ་ཏུ་ཤེས་སོ། །དགེ་བ་དང་མི་དགེ་བ་དང་། ཡངས་པ་དང་དོག་པ་དང་། རྒྱ་ཆེན་པོ་དང་རྒྱ་ཆུང་ངུ་དང་།
D44.036.0356b05.01འཁོར་བའི་རྗེས་སུ་འགྲོ་བ་དང་འཁོར་བ་ལས་ལྡོག་པ་དང་། ཡིད་གསལ་བ་དང་། ཉན་ཐོས་ཀྱི་སེམས་དང་རང་སངས་རྒྱས་ཀྱི་སེམས་དང་། བྱང་ཆུབ་སེམས་དཔའི་སེམས་དང་། ཉན་ཐོས་ཀྱི་སྤྱོད་པ་དང་། རང་སངས་རྒྱས་ཀྱི་སྤྱོད་པ་
D44.036.0356b06.01དང་། ལྷ་དང་། ཀླུ་དང་། གནོད་སྦྱིན་དང་། དྲི་ཟ་དང་། ལྷ་མ་ཡིན་དང་། ནམ་མཁའ་ལྡིང་དང་། མི་འམ་ཅི་དང་། ལྟོ་འཕྱེ་ཆེན་པོ་དང་། མི་དང་མི་མ་ཡིན་པ་དང་། སེམས་ཅན་དམྱལ་བ་པ་དང་། བྱོལ་སོང་གི་སྐྱེ་གནས་པ་དང་། གཤིན་རྗེའི་འཇིག་
D44.036.0356b07.01