完整藏文原文 · 德格版页 当前仅加载第 36 函德格 247b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱེ་བ་ཡོངས་སུ་བྲིས་པ་ཤིན་ཏུ་བསྟན་པས་མི་འཕྲོགས་པ་ཡིན། དེའི་དགེ་བའི་རྩ་བ་དེ་དག་ཀྱང་བསྐལ་པ་དུ་མ་དང་། བསྐལ་པ་བརྒྱ་ཕྲག་དུ་མ་དང་། བསྐལ་པ་སྟོང་ཕྲག་དུ་མ་དང་། བསྐལ་པ་བརྒྱ་ཕྲག་དུ་མ་དང་། བསྐལ་པ་སྟོང་ཕྲག་དུ་མ་དང་། བསྐལ་པ་བྱེ་བ་བརྒྱ་སྟོང་ཕྲག་དུ་
D44.036.0247b01.01མ་དང་། བསྐལ་པ་བྱེ་བ་བརྒྱ་སྟོང་ཕྲག་དུ་མ་དང་། བསྐལ་པ་ཁྲག་ཁྲིག་དུ་མ་དང་། བསྐལ་པ་ཁྲག་ཁྲིག་བརྒྱ་ཕྲག་དུ་མ་དང་། བསྐལ་པ་ཁྲག་ཁྲིག་སྟོང་ཕྲག་དུ་མ་དང་། བསྐལ་པ་ཁྲག་ཁྲིག་བརྒྱ་སྟོང་ཕྲག་དུ་མ་དང་། བསྐལ་པ་བྱེ་བ་ཁྲག་ཁྲིག་བརྒྱ་སྟོང་ཕྲག་དུ་མར་ཤིན་ཏུ་བྱང་བ་དང་
D44.036.0247b02.01ཡོངས་སུ་དག་པ་དང་ཤིན་ཏུ་འོད་གསལ་ཞིང་དང་བར་གནས་པ་ཡིན། ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། གསེར་གྱི་ས་ལེ་སྦྲམ་དེ་ཉིད་མགར་བ་མཁས་པ་དེས་ཡོངས་སུ་ཟིན་པར་གྱུར་ནས་འཛམ་བུའི་གླིང་གི་བདག་པོའི་མགུལ་ལམ་མགོ་
D44.036.0247b03.01ལ་བཏགས་ན་སེམས་ཅན་འཛམ་བུའི་གླིང་པ་ཐམས་ཅད་ཀྱི་རྒྱན་གྱི་རྣམ་པ་ཀུན་གྱིས་མི་ཐུབ་མི་འཕྲོགས་པ་ཡིན། ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའི་ས་མི་གཡོ་བ་འདི་ལ་གནས་པའི་བྱང་ཆུབ་སེམས་དཔའི་དགེ་བའི་རྩ་བ་དེ་དག་ཉན་
D44.036.0247b04.01ཐོས་དང་། རང་སངས་རྒྱས་ཐམས་ཅད་ནས་བྱང་ཆུབ་སེམས་དཔའི་ས་བདུན་པ་ལ་གནས་པའི་བྱང་ཆུབ་སེམས་དཔའ་རྣམས་ཀྱི་བར་གྱིས་ཀྱང་མི་འཕྲོགས་པ་ཡིན། བྱང་ཆུབ་སེམས་དཔའི་ས་འདི་དང་ལྡན་པའི་བྱང་ཆུབ་སེམས་དཔའི་ཡེ་ཤེས་ཀྱི་
D44.036.0247b05.01འོད་ཆེན་པོ་ནི་ཡེ་ཤེས་ཀྱི་སྒོ་ཤིན་ཏུ་རྣམ་པར་ཕྱེ་བས་སེམས་ཅན་རྣམས་ཀྱི་ཉོན་མོངས་པའི་མུན་པ་རབ་ཏུ་སེལ་ཏོ། །ཀྱེ་རྒྱལ་བའི་སྲས་དག །འདི་ལྟ་སྟེ་དཔེར་ན། སྟོང་ལ་དབང་བའི་ཚངས་པ་ནི། སྟོང་གི་འཇིག་རྟེན་གྱི་ཁམས་བྱམས་
D44.036.0247b06.01པས་བཀང་ཞིང་འོད་ཀྱིས་སྣང་བར་བྱེད་དོ། །ཀྱེ་རྒྱལ་བའི་སྲས་དག །དེ་བཞིན་དུ་བྱང་ཆུབ་སེམས་དཔའི་ས་མི་གཡོ་བ་འདི་ལ་གནས་པའི་བྱང་ཆུབ་སེམས་དཔའ་ཡང་སངས་རྒྱས་ཀྱི་ཞིང་བརྒྱ་སྟོང་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཀྱི་བར་གྱི་འཇིག་རྟེན་གྱི་
D44.036.0247b07.01