完整藏文原文 · 德格版页 当前仅加载第 36 函德格 55a 版页；藏文 NFD、目录标记与异常页序保留在来源切片中，重复版页行以稳定序号区分。
ཆེན་པོ་གཞན་གྲངས་མེད་པ་དག་ཀྱང་མགོ་ཡོངས་སུ་བཏང་བར་གྱུར་པ། དེ་ལྟར་མགོ་གཏོང་བའི་ཚེ། མགོ་ཡོངས་སུ་བཏང་བས་ཡང་དག་པར་བསྡུས་པའི་དགེ་བའི་རྩ་བ་དེ་འདི་ལྟར་སེམས་ཅན་ཐམས་ཅད་ཀྱིས་སངས་རྒྱས་
D44.036.0055a01.01ཀྱི་དབུ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །སྤྱི་གཙུག་བལྟར་མི་སྣང་བ་དང་། སྐྱེ་མཆེད་ཟིལ་གྱིས་མ་ནོན་པ་དང་། ཞིང་ཐམས་ཅད་དུ་མངོན་པར་འཕགས་པ་དང་། བུམ་པ་རྒྱས་པ་དང་། དགའ་བ་འཁྱིལ་པ་དང་། སྐྲ་དང་།
D44.036.0055a02.01མགོའི་འོད་དང་འོད་གཟེར་སྣ་ཚོགས་ཀྱིས་རྣམ་པར་བརྒྱན་པ་དང་། འཇིག་རྟེན་ཐམས་ཅད་རྨད་དུ་བྱུང་བ་དང་། དཔལ་གྱི་བེའུས་བརྒྱན་པ་དང་། སངས་རྒྱས་ཀྱི་དབུ་དང་ལྡན་པ་དང་། ཡེ་ཤེས་ཀྱི་མགོ་རྟོགས་པར་བྱ་བ་དང་། འགྲོ་བ་
D44.036.0055a03.01ཐམས་ཅད་ཀྱི་མཆོག་ཏུ་ཕྱིན་པའི་མགོ་དང་ལྡན་པ་དང་། མགོ་རྣམ་པར་དག་པ་དང་། ཡེ་ཤེས་ཀྱི་དཀྱིལ་འཁོར་གྱི་མགོ་ཡོངས་སུ་རྫོགས་པར་བྱ་བའི་ཕྱིར་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་མགོ་
D44.036.0055a04.01ཡོངས་སུ་གཏོང་བའི་ཚེ། དགེ་བའི་རྩ་བ་དེ་དག་འདི་ལྟར་འགྲོ་བ་ཐམས་ཅད་ཀྱིས་ཆོས་ཀྱི་མཆོག་ཡོངས་སུ་རྫོགས་པ་དང་། ཡེ་ཤེས་ཀྱི་ཡན་ལག་དམ་པ་རབ་ཏུ་ཐོབ་པར་བྱ་བའི་ཕྱིར་ཡོངས་སུ་བསྔོའོ། །འདི་ལྟར་ཡང་བྱང་ཆུབ་སེམས་
D44.036.0055a05.01དཔའ་སེམས་དཔའ་ཆེན་པོ་སློང་བ་རྣམས་ལ་དང་བའི་ལག་པ་ཐོག་མར་འགྲོ་བ་དང་། ཕན་འདོགས་པའི་ཚུལ་དང་། ཆོས་སྤྱོད་པ་ལ་བརྩོན་པར་འགྲོ་ཞིང་ལྡོག་པ་དང་། རིན་པོ་ཆེའི་ལག་པ་ཐོག་མར་འགྲོ་བས་ལག་པ་གཏོང་བ་དང་། སྤྱོད་པ་
D44.036.0055a06.01དོན་ཡོད་པར་བྱང་ཆུབ་སེམས་དཔའི་ལམ་ལ་སྤྱོད་པ་དང་། ལག་པ་ཤིན་ཏུ་བརྐྱང་ཞིང་གཏོང་བའི་སེམས་མ་འཁྲུགས་པ་དང་། རིམ་པར་སྤྱོད་པའི་ཚུལ་ཤིན་ཏུ་ངེས་པ་དང་། བྱང་ཆུབ་སེམས་དཔའ་སེང་གེའི་རྩལ་གྱིས་སྤྱོད་ཅིང་ལག་པ་ཡངས་
D44.036.0055a07.01