完整藏文原文 · 德格版页 当前仅加载第 36 函德格 336b 版页；藏文 NFD、目录标记与异常页序保留在来源切片中，重复版页行以稳定序号区分。
སྙེད་རབ་ཏུ་སྐོར་རོ། །ཆོས་ཀྱི་འཁོར་ལོ་བསྐོར་བ་དེ་དག་རེ་རེ་ཞིང་ཡང་སེམས་ཅན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་ཡོངས་སུ་སྨིན་པར་བྱེད་དོ། །སེམས་ཅན་གྱི་ཁམས་ཡོངས་
D44.036.0336b01.01སུ་སྨིན་པར་བྱ་བ་འབྱམ་ཀླས་པ་དེ་དག་རེ་རེ་ཞིང་ཡང་སེམས་ཅན་གྱི་ཁམས་སངས་རྒྱས་ཀྱི་ཞིང་བྱེ་བ་ཁྲག་ཁྲིག་བརྒྱ་སྟོང་བརྗོད་དུ་མེད་པ་ཕྲག་བཅུའི་རྡུལ་ཤིན་ཏུ་ཕྲ་བ་སྙེད་སངས་རྒྱས་ཀྱི་ཆོས་ལ་འདུལ་ཏེ། དེ་ལྟར་སྙོམས་པར་ཞུགས་ཤིང་རྣམ་པར་
D44.036.0336b02.01འཕྲུལ་པ་རྒྱ་ཆེན་པོ་སྟོན་པ། ཏིང་ངེ་འཛིན་གྱི་ཡུལ་ཟིལ་གྱིས་{མྱི་,མི་}ནོན་པ། སྤྲུལ་པའི་སྒྱུ་མ་སྣ་ཚོགས་ལ་མངོན་པར་ཞེན་པ་མེད་པ། རང་བཞིན་ཚད་མེད་པ་མཐའ་དང་དབུས་མེད་པ་བརྗོད་དུ་མེད་པ་དང་ལྡན་པ། ཆོས་ཀྱི་དབྱིངས་རྡུལ་མེད་པའི་རང་བཞིན་ཅན་
D44.036.0336b03.01ཡང་དག་པའི་མཐའི་མཚན་ཉིད་ཅན། དེ་བཞིན་གཤེགས་པའི་རིགས་ལ་སྤྱོད་པ། ཆགས་པ་མེད་པའི་མཐར་ཐུག་པ། གནས་མེད་པ། ལེན་པ་མེད་པ། རྩ་བ་མེད་པ། ཟབ་པ། གཏིང་དཔག་དཀའ་བ། མངོན་སུམ་དུ་ཁོང་དུ་ཆུད་པས་རབ་ཏུ་རྟོགས་པ་
D44.036.0336b04.01ཚད་མེད་པ་རྨོངས་པ་མེད་པ། གཞི་མེད་པ། ཆོས་ཀྱི་དབྱིངས་ཀྱི་གནས་གཞི་མེད་པ་དང་ལྡན་པ། འདས་པ་དང་མ་བྱོན་པ་དང་ད་ལྟར་བྱུང་བའི་སངས་རྒྱས་ཐམས་ཅད་ཀྱིས་བསྔགས་པ། དེ་བཞིན་གཤེགས་པའི་སྟོབས་དང་རྒྱུ་མཐུན་པའི་འབྲས་བུ་
D44.036.0336b05.01ཅན། སངས་རྒྱས་ཀྱི་ཡུལ་གྱི་རྗེས་སུ་སྙེགས་པ། བྱང་ཆུབ་སེམས་དཔའི་ཚེ་གཅིག་པའི་མངོན་སུམ་དུ་གྱུར་པ། བྱང་ཆུབ་སེམས་དཔའི་མིག་རྡུལ་མེད་པ་དང་ལྡན་པ། ཤེས་རབ་ཀྱི་མིག་ཀུན་ཏུ་སྤྱོད་པ་ཅན། ཤའི་མིག་རྡུལ་དང་བྲལ་ཞིང་རྡུལ་མེད་པར་
D44.036.0336b06.01ཡང་དག་པར་སྐྱེས་པ། སངས་རྒྱས་ཀྱི་སྤྱན་ཀུན་ཏུ་སྣང་བ་ཅན། ཡེ་ཤེས་ཀྱི་མིག་ཞེས་བྱ་བའི་དོན་གྱི་ཡུལ་དང་། རྣམ་པ་རབ་ཏུ་སྟོན་པ་ཅན་ཆོས་ཀྱི་སྒོ་འབྱེད་པའི་སྐྱེས་བུ་དམ་པ་ཡང་དག་པར་ཞུགས་པའི་བྱང་ཆུབ་ཀྱི་སེམས་ཡོངས་
D44.036.0336b07.01