完整藏文原文 · 德格版页 当前仅加载第 36 函德格 116b 版页；藏文 NFD、目录标记与异常页序保留在来源切片中，重复版页行以稳定序号区分。
པར་དག་པར་གྱུར་ཅིག །ཇི་ལྟར་དེ་བཞིན་ཉིད་དག་པ་དེ་བཞིན་དུ་དགེ་བའི་རྩ་བ་འདིས་ཚོགས་ཆེན་པོ་རྒྱུ་ཆེན་པོས་འབྱུང་བའི་ཕྱིར་བྱང་ཆུབ་སེམས་དཔའ་ཐམས་ཅད་ཀྱི་སྤྱོད་པ་ཡོངས་སུ་དག་པར་གྱུར་ཅིག །དེ་བཞིན་ཉིད་ཇི་ལྟར་འོད་དང་བ་དེ་བཞིན་དུ་དགེ་བའི་
D44.036.0116b01.01རྩ་བ་འདིས་སེམས་ཀྱི་འོད་དང་བའི་ཕྱིར་བྱང་ཆུབ་སེམས་དཔའི་ཏིང་ངེ་འཛིན་ཐམས་ཅད་རབ་ཏུ་ཐོབ་པར་གྱུར་ཅིག །དེ་བཞིན་ཉིད་ཇི་ལྟར་དྲི་མ་མེད་པ་དེ་བཞིན་དུ་དགེ་བའི་རྩ་བ་འདིས་དྲི་མ་མེད་པའི་སེམས་ཡོངས་སུ་རྫོགས་ཤིང་དྲི་མ་ཐམས་ཅད་བྱང་བར་གྱུར་ཅིག་
D44.036.0116b02.01ཇི་ལྟར་དེ་བཞིན་ཉིད་བདག་གི་མེད་པ་དེ་བཞིན་དུ་དགེ་བའི་རྩ་བ་འདིས་སངས་རྒྱས་ཀྱི་ཞིང་ཐམས་ཅད་རྒྱས་པར་འགེངས་པའི་ཕྱིར་ཚད་མེད་པ་ཡོངས་སུ་གཟུང་བར་སེམས་བསྐྱེད་པ་རྣམ་པར་དག་པར་གྱུར་ཅིག །དེ་བཞིན་ཉིད་ཇི་ལྟར་མཉམ་པ་ཉིད་ཡིན་པ་
D44.036.0116b03.01དེ་བཞིན་དུ་དགེ་བའི་རྩ་བ་འདིས་ཆོས་ཐམས་ཅད་སྣང་ཞིང་རབ་རིབ་མེད་པས་མཉམ་པར་ཡེ་ཤེས་ཀྱི་འབྱུང་གནས་ཐམས་ཅད་རབ་ཏུ་ཐོབ་པར་གྱུར་ཅིག །ཇི་ལྟར་དེ་བཞིན་ཉིད་བགྲང་དུ་མེད་པ་དེ་བཞིན་དུ་དགེ་བའི་རྩ་བ་འདིས་འཇིག་རྟེན་གྱི་ཁམས་ཐམས་ཅད་དུ་
D44.036.0116b04.01ཆོས་ཀྱི་སྤྲིན་གྱིས་རྒྱས་པར་དགང་བའི་ཕྱིར་ཐམས་ཅད་མཁྱེན་པའི་ཐེག་པ་དང་། སྟོབས་ཀྱི་མཛོད་གྲངས་མེད་པ་ལ་གནས་པར་གྱུར་ཅིག །ཇི་ལྟར་དེ་བཞིན་ཉིད་མཉམ་པ་ཉིད་ཀྱི་གནས་སུ་གྱུར་པ་དེ་བཞིན་དུ་དགེ་བའི་རྩ་བ་འདིས་བྱང་ཆུབ་སེམས་དཔའི་
D44.036.0116b05.01སྤྱོད་པ་ཐམས་ཅད་ཉེ་བར་བླངས་པ་རབ་ཏུ་ཐོབ་པར་བྱ་བའི་ཕྱིར་ཐམས་ཅད་མཁྱེན་པ་ལ་རབ་ཏུ་དགོད་པར་གྱུར་ཅིག །དེ་བཞིན་ཉིད་ཇི་ལྟར་སེམས་ཅན་གྱི་ཁམས་རྣམ་པར་ཕྱེ་བ་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་ཐོགས་པ་མེད་པའི་ཡེ་ཤེས་ཡོངས་
D44.036.0116b06.01སུ་རྫོགས་པས་སེམས་ཅན་ཐམས་ཅད་མངོན་དུ་རེད་པར་གྱུར་ཅིག །ཇི་ལྟར་དེ་བཞིན་ཉིད་ཤེས་པ་དང་། བརྗོད་པ་དང་རྣམ་པར་བརྗོད་པ་དང་། བརྡ་དང་གང་ཟག་ཐམས་ཅད་ལ་ཡོད་པ་དེ་བཞིན་དུ་དགེ་བའི་རྩ་བ་འདིས་སྒྲ་གྲག་པ་ཐམས་ཅད་ཤེས་པས་སེམས་ཅན་གྱི་ཁམས་
D44.036.0116b07.01