完整藏文原文 · 德格版页 当前仅加载第 36 函德格 84b 版页；藏文 NFD、目录标记与异常页序保留在来源切片中，重复版页行以稳定序号区分。
སུ་གང་བས་ཡོངས་སུ་ཡི་ཆད་པ་མེད་པས་ཡོངས་སུ་བསྔོའོ། །སེམས་ཅན་ཐམས་ཅད་ལས་འཐོབ་པར་བྱ་བ་ལ་རེ་བ་མེད་པས་ཡོངས་སུ་བསྔོའོ། །འཇིག་རྟེན་ཐམས་ཅད་ལ་སྨོན་པ་མེད་པའི་སེམས་ཀྱིས་ཡོངས་སུ་བསྔོའོ། །འཇིག་རྟེན་ཐམས་ཅད་ཀྱི་
D44.036.0084b01.01སྡུག་བསྔལ་བསྩལ་བའི་སེམས་ཀྱིས་འགྲོ་བ་ཐམས་ཅད་ལ་ཡོངས་སུ་བསྔོའོ། །བར་སྣང་དང་མཉམ་པའི་སེམས་ཀྱིས་འགྲོ་བ་ཐམས་ཅད་གོས་པ་མེད་པར་བྱ་བའི་ཕྱིར་ཡོངས་སུ་བསྔོའོ། །དགེ་བའི་རྩ་བ་ཐམས་ཅད་སྔོན་དུ་འགྲོ་བའི་སེམས་ཀྱིས་ཡང་དག་པར་ཇི་ལྟ་བ་
D44.036.0084b02.01བཞིན་དུ་རབ་ཏུ་རྟོགས་པའི་ཕྱིར་ཡོངས་སུ་བསྔོའོ། །སེམས་ཅན་ཐམས་ཅད་ཀྱི་སྡུག་བསྔལ་བླང་བའི་གོ་ཆ་བགོས་པའི་སེམས་ཀྱིས་སྐྱེ་དགུ་ཐམས་ཅད་ལ་ཡོངས་སུ་བསྔོའོ། །ལྟ་བའི་རྣམ་པ་ཐམས་ཅད་ཤིན་ཏུ་བཟློག་པའི་བྱང་ཆུབ་སེམས་དཔའི་སྤྱོད་པ་ཆེན་
D44.036.0084b03.01པོ་དང་སྨོན་ལམ་མཉམ་པ་མེད་པ་ལ་རབ་ཏུ་བརྩོན་པ་དང་། ཐེག་པ་ཆེན་པོའི་སྨོན་ལམ་གྱིས་སྐྱོ་བ་མེད་པར་ཡོངས་སུ་བསྔོ་སྟེ། དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བཟའ་ཤིང་གི་ར་བ་ཡོངས་སུ་བཏང་བས་ཡང་དག་པར་བསྡུས་
D44.036.0084b04.01པའི་དགེ་བའི་རྩ་བ་དེ་དག་ཡོངས་སུ་བསྔོའོ། །དེ་དེ་ལྟར་ཡིད་ལ་བྱེད་པས་རབ་ཏུ་རྟོག་པའི་སེམས་དང་ལྡན་པར་བྱས་ཤིང་འདི་ལྟར་ཡང་ཡོངས་སུ་བསྔོ་སྟེ། སེམས་ཅན་ཐམས་ཅད་ཀྱིས་གོང་ནས་གོང་དུ་ཡེ་ཤེས་ཀྱི་བཟའ་ཤིང་གི་ར་བ་རབ་ཏུ་ཐོབ་སྟེ།
D44.036.0084b05.01དགེ་བའི་རྩ་བ་གསར་པ་དང་། གསར་པ་ཡང་དག་པར་འབྱུང་བ་དང་ལྡན་པར་གྱུར་ཅིག །སེམས་ཅན་ཐམས་ཅད་སངས་རྒྱས་ཐམས་ཅད་ལ་ལྟ་ཞིང་བསྙེན་བཀུར་བ་དང་། རིམ་གྲོ་བྱེད་པའི་ཕྱིར་འཁྲུག་པ་མེད་པའི་ཆོས་ཅན་དུ་གྱུར་ཅིག །
D44.036.0084b06.01སེམས་ཅན་ཐམས་ཅད་སངས་རྒྱས་ཀྱི་ཞིང་གི་བཟའ་ཤིང་གི་ར་བ་ལ་དགའ་བ་རབ་ཏུ་ཐོབ་སྟེ། ཆོས་ལ་ཡོངས་སུ་དགའ་བས་དགའ་བར་གྱུར་ཅིག །སེམས་ཅན་ཐམས་ཅད་མངོན་པར་དགའ་བའི་བཟའ་ཤིང་གི་ར་བར་སངས་རྒྱས་ཀྱི་ཆོ་འཕྲུལ་ཡང་དག་པར་མཐོང་བའི་
D44.036.0084b07.01